صباح الخير على احلى صحبة في الدنيا
انا النهاردة جيبالكم طريقة جديدة للحواوشي بعجينة سهلة جدا جدا
طبعا الصيام في الحر مش مخلي الواحد يقدر يبدع و يفنن في المطبخ
ده غير اساسا ان معظم الفطار بيكون مية و عصاير
المهم من غير لت و عجن كتير
ندخل ع المفيد
بصي يا ستي انا العجينة دي اتعلمتها من المدونة
و بصراحة بتنفني جدا ليه بقى
لأنها بتتحشي اييييييي حاجه حلوة او حادق و هبقى انزلكو منها كتير حشوات مختلفة بس بعد رمضان
بتبقى ححلوة اوي للفطار
بجد رااااائعة و خفيفة
مقادير العجينة
2 كوب دقيق
2معلقة كبيرة لبن بودرة
2معلقة كبيرة خميرة جافة
معلقة سكر
رشة ملح
2معلقة كبيرة زيت زيتون
كوب لبن دافي للعجن (( ممكن مش تاخديه كله و ممكن تاخدي كتر حسب نوع الدقيق ))
لو هتعملي كمية اكبر ضاعفي الكمية و المكونات بس انا عملت على ادي
الطريقة
هنخلط المكونات الجافة مع بعض و بعدين نضيف الزيت و بعد كده نبدأ نعجن باللبن و هنا الخطوة مهمة جدا
بصي يا ستي انتي هتلفي العجين لحد ما يتلم كل اللي في الطبق و بعدين تطلعي العجينة ع الرخمة او التربيزة و هاتك يا عجن كتييييييير لحد ما تحسي ان القوام بتاعها بقى متماسك و بتشد معاكي
بعد كده هنسيبها في مكان دافي و تغطيها لحد ما تتخمر
و بعــــــــــــــــــد
هنلاقي ده شكل العجينة ما شاء الله حجمها تضاعف
ندخل بقى ع الحشو
و الصورة هتوضح المكونات
اللحمة دي كنت متبلاها في التلاجة تتبيلة الكفتة العادية
بصل و توم و توابل و لمون و خل عادي يعني
عندك جنبها فلفل و جزر و طماطم ممكن تزودي زتون مخلل و شطة مخللة بتديها نكهة روعة
اما البيض و اللبن عشان ندهن بيه الوش بيبقى حلو اوي
هنضيف الجزر و الطماطم و الفلفل على اللحمة و نعجنهم ببعض
هنبدي نقسم العجينة كور و نفردها و بعدين نحشيها باللحمة و نقفلها
و ده هيبقى شكلها بعد ما دهناها بالبيض و اللبن و رشنا كمان السمسم (( ممكن حبة البركة ))
و بعد ما تدخل فرنك و تحمر من برا شوفي بقى الجمال يا فتوكة
زووووووووووووووووم اكتــــــــــــــــــــــــــــــر
ياريت يبنات تقيمو الموضوع و تدعولي ربنا يهديني و يبعد عني كل حاجه وحشة و ييسرلي زواجي
مواضيع هذا القسم برعاية
Menna Hany Menna Hany images/avatars/pacifier.jpg فتكات هايلة Fatakat 681754 بورسعيد – مصر