الوسم: الصفوه
الاشعه الرباعيه ومركز الصفوه 2024.
مركز الصفوه ده وحش جداااااااا انا ندمت انى روحت اصلا
المكان فظيع كانه فى العتبه ساعتين على ما توصلى من اول شارع بورسعيد بس
العياده بصراحه المستشفى الحكومى انضف منها
الجهاز ال4d قديم جدا بتشوفى البيبى بالعافيه خالص على الشاشه بتاعت الدكتور مفيش شاشه قدامك ومبيكملش خمس دقايق واول ما عمله شغل العادى كويس الراس والايد وووو قلت له فين الفور دى قالى اهو شايفه قلت له مش شايفه حاجه قعد يحرك شويه وشفت الوش بالعافيه اصل قريت بنات بتقول بيقعد نص ساعه لا خالص ده غير حتى الملايه اللى على السرير مش نظيفه وملايه سرير بيتى منقوشه ودايبه وحمام زفت والمعمل جوه العياده برضه فظيع
اقسم بالله وحششششششششش جدااااااا
انا كنت همشى بس قلت مش هيرجعلى الفلوس
ده غير انه مش دكتور اصلا ده فنى اشاعه اعتقد ملوش اسم هناك مفيش غير دكتوره عيون للنظارات ودكتور جلديه
بصراحه اللى تروح اللى عايزه تتطمن على البيبى والظروف مش مسعداها بس
لكن لو عايزه تتفرجى بقى وتتبسطى انتى وجوزك وتشوفى البيبى على شاشه كبيره لالالالالالالالالا روحى اى مكان تانى محترم
انا عارفه ان فى بنات هتزعل منى بس والله انا قلت انصحكم علشان محدش يضرب المشوار ويرجع زهقان زى ما انا حصل لى
يمكن اللى شكروا فيه اول مره يعملوا 4d بس انا علشان عملته قبل كده عند دكتور خاص فعارفه الفرق كويس كان ممتع فعلا وسى دى وصور ملونه وبيشرحك كل حاجه
معلش يا بنات هروح ارتاح شويه علشان لسه جايه
ام مـادى ام مـادى فتكات متميزة Fatakat 832030 القاهره – ربى ان رأيتنى بعدت عنك فردنى اليك ردا جميلا
سبحان الله و بحمده
اساكنه فى اكتوبر وتعرفى مستشفى الصفوه ادخلى 2024.
السلام عليكم ورحمة الله وبركاته ازيكم يابنات فتكات انا كتبت موضوع كده من يومين الا مافى حد عبرنى برد ولاحتى بدعوه لبنتى فقلت اكتب الموضوع تانى بصيغه تانيه يمكن حد يقوللى اى نصيحه زى مانا متعوده من الفتوكات الحلوين
انا بنتى هتعمل عملية اللوز الاسبوع الجاى واترشحلى دكتور اسمه جمال عبد الفتاح فى الصفوه بأكتوبر فلو حد جربه يفيدنى لانى ماعرفهوش وبنتى حبيبتى صغيره3 سنين بس فياريت لو حد عارفه او سمع عنه حتى يفيدنى افادكم الله ومنتظره ردودكم
نانو.ع نانو.ع 115049_1.gif فتكات نشيطة Fatakat 115049 القاهرة – مصر
سبحان الله و بحمده
نصب فنصب احذرو هدا المركز الصفوه للصحة 2024.
السلام عليكم ورحمه الله
اخواتى الحبيبات انتم عارفين غلاوتكم عندى ومعظمكم عارف او قرا موضوع اختى التى عانت مع الولاده وكل مستشفى تقول امضى مافيش حضانات وفالاخر مضت و طبعا ولدت وهى مش عارفه مصير الحضانات ولا المولود و ياتى عامل السويتش معرفش شفوه ازاى فى مستشفى الدمرداش و ينجدهم و يقلهم انا عارف واحده خاصه ورخيصه اوى عشان يجرى زوج اختى عليها بالاسعاف باولاده التوام ولسان حاله الدعاء لعامل السويتش الدى رفض حتى حق المكالمه للمركز الدى يدعى مركز الصفوه خلف النادى الاهلى المهم طولت عليكم عشان التفاصيل كتير والناس ما بتحبش الرغى المهم قالولنا اليوم ب75 و ادفع 2024 جنيه تامين و الى حصل ان بعد 24 ساعه قالو عايزين تامين 2024 جنيه تانى و لما بلغتاهم اننا هاننقلهم فاجئونا بالنصب وان تكلفه اليوم الواحد الف جنيه قال ايه خدو علاج و كنوله اختى التانيه ممرضه فالشرطه وعارفه اسعار العلاج الى ما كملش 20 جنيه وبامبرز بيخلص الباكت كل يوم و فتح حضانه كدا فكرنى بنجيب الريحانى جردل ومخله الخروف كدا هههههههههه والله ما عارفه اقلكم ايه حسبى الله ونعم الوكيل البيه عامل السويتش فالدمرداش بياخد على كل بيبى 200 جنيه عموله والمصيبه بقى انهم ما بيصارحكيش الا وانت خارجه و التفاصيل كتيره والله خد بطاقه زوج اختى و مضاه وصل امانه على 130 جنيه ماكانش معاه بعد ما سدد الفاتوره الزائفه بتاعت النصب دى عينى عينك وانا كنت مصره اتصل بالنجده لولا رجل الاسعاف الدى اصر على اخد الاولاد والتوجه بهم لمركز اخر لضيق وقته وعشان امشى سيبتهم بس هاجنن وصعبان عليه الناس الى فالدمرداش واكيد غيرها بيتنصب عليهم وهما فى موقف لا يحسدون عليه ومحتاجين ايد رافه ومساعده مش يد تغرق طب احنا قدرنا ندفع وخرجنا طب غيرنا كل الى يعرف حد يبلغه عن هدا النصب الدى ليس فى مجاله ابدا ساعدونى نساعد الناس الغلابه الى بيجرو عليهم ومش عارفين الى هايتعرضوله من نصب وابتزاز والف شكر ليكم
غريبه الدار غريبه الدار سوبر فتكات Fatakat 340810 الاسكندريه – alex
سبحان الله و بحمده
لو عندك تجربه ولاده طبيعيه بدون الم ف مستشفى الصفوه تعالى فيدينا و لكى الاجر عند الله -لصحتك 2024.
شوفتو هشحت معلومات على اخر الزمن
بالله عليكم ردو عليا و على اى واحده عايزه خبراتكم لان بجد احنا بنبقا قاعجين على امل ان حد يدينا اى معلومه يطمنا بيها
انا عايزه اعرف لو حد ولد ولاده بدون الم
ويا ريت اللى ولدو ف مستشفى الصفوه اللى ف اكتوبر يقولنا التجربه كانت عامله ازاى
و المعامله هناك كويسه ولا لا؟
و دكاتره التخدير هناك كويسين وشاطرين ولالا ؟؟ لان انا اعرف ان البنج النصفى بيبقا عايز حد شاطر اوى
ولو ممكن نولد ببنج كلى ولاده طبيعيه ولا مينفعش ؟؟؟؟؟
و بعد الوولاده الطبيعيه لو فى خياطه بتوجع ولا لا؟؟؟؟؟؟ و الوجع محتمل ؟؟ وهل فى مسكنات بتتاخد ؟؟؟
و يا ريت لو حد ولد مه د / امل ابو بكر ف مستشفى الصفوه يقولنا برضو تجربته معاها
و يا رب اللى ترد عليا ربنا يديها كل اللى بتتمناه وهدعلها ان شاء الله وانا بولد
يلا الحقو بقا الفرصه دى
moodydody moodydody 402038_1.gif سوبر فتكات Fatakat 402038 القاهره – مصر