السلام عليكم يا فتوكات
دى اول مشاركة ليا فى قسم الطبخ بصراحة بحس الفتوكات عملوا كل الاكلات مفيش حاجة جديدة تتعمل بس قلت اشارك مرة من نفسى
دى اكلة سهلة جدا وفى نفس الوقت طعمها هايل وشكلها شيك وتنفع جدا للعزومات تعتبر نوع جديد من الكفتة
رول اللحمة المفرومة بالشيدر والسوسيس
ودى صورة المقادير
ده تقريبا كيلو الا ربع لحمة مفرومة
بصلتين
علبة شيدر
شوية سوسيس
هنفرم البصل ونعجنه مع اللحمة ونضيف ملح وفلفل انا مش بزود فى البهارات ولا بضيف بيض او بقسماط بتضيع طعمها ممكن نزود شوية خضرة بسيطة
هنفرد اللحمة على فويل مدهون زيت
ونحط عليه الشيدر والسوسيس ونلفه رول
ونخلى بالنا نقفل الجناب كويس عشان الجبنة متطلعش منه فى الفرن
هنحطه فى صينية وع الفرن
وده شكله بعد ما استوى
وعند التقديم
مفيش اسهل من كده وينفع يتحشى حاجات كتير خضار مسلوق او بيض مسلوق او مكسرات او اى نوع جبن وبقدمها مع مكرونة بالصلصة وسلطة وعدى اليومين
فى امان الله مواضيع هذا القسم برعاية
@@ام حمزة@@ @@ام حمزة@@ 1050255_7.gif فتكات ست الكل Fatakat 1050255 الرياض – السعودية
