إزيكم يا بنات
إن شــاء الله بألف خير يارب
وصفتي سهله وسريعه ولذيذه
إسمها كستاليتا بوجاسكي وأولادي سموها
(مش سمموها) ريش كذابه فبقيت أسميها زيهم
ويقدم معها صوص المشروم وخضار سوتيه
وبطاطس محمره
1/2 كجم لحم مفروم ؛ 1/4 كجم لحم دجاج مفروم
بصله مفرومه ؛ بشر ليمونه ؛ ملح ؛فلفل أسود؛
فلفل أبيض ؛ جوزة الطيب ؛ بيضه ؛ لو عايزه شوية خردل .
للبانيه : 2 بيضه ؛ كوب دقيق ؛1 و1/2 كوب بقسماط
**يابنات الصدور اللي حاطاها صغيره مش عارفه
باينه في الصوره كبيره وأنا إستعملت منها صدر ونص
فرمت نصف اللحم والبصله في الكبه وبعدين باقي اللحم
وبعدها الدجاج عشان الكبه صغيره
بس لو في مجهزة الطعام الكبيره يبقى كله مع بعض
وقسمتها 5 قطع بالتساوي أو حسب عدد الأفراد
وفردت كل كره بشكل بيضوي على نايلون بسمك
1/2سم تقريبا مع عمل رأس معكوف شويه
وحطيتهم في الدقيق وبعدين في البيض
(المخفوق مع رشة ملح وفلفل أبيض وجوزة الطيب وقليل من الماء)
وبعدين في البقسماط
وبعدين حمرتها بالزيت تحمير بس من الوجهين
وحطيتهم في صينيه وكملت سواهم في الفرن
لمدة 15 دقيقه وبس خلاااااص خلصت الوصفه
نجي للصوص:
بصله مفرومه ناعم ؛ شرائح 5 حبات مشروم ؛
ملعقة دقيق ؛ 1/2 مكعب مرق دجاج ؛ 1/4 كوب كريمه
كوب ماء ؛ رشة ملح حسب المذاق وفلفل أبيض
ملعقه صغيره زبده .
تذبل البصله بالزبده + المشروم ويقلب + الدقيق
ويقلب لدقيقه أو حسب ما تحبين يكون لون الصوص
لو عايزاه غامق كثري في تقليب الدقيق + التوابل والماء
ويحرك حتى ينضج الدقيق ويغلظ الصوص + الكريمه
ويحرك ويغلى قليلا ويرفع
أما بالنسبه للخضار سوتيه :
إستعملي الخضار اللي تعجبك إسلقيها من 5 الى 10 دقائق
(حسب قساوتها) في ماء ورشة ملح وبعضها
مع سكر أيضا وملعقه صغيره زبده عشان الطعم واللمعه
أنا إستعملت الجزر وأكواز ال Baby Corn المعلبه
**سلقت الجزر 10 دقائق مع رشة ملح وملعقه
صغيره سكر وملعقه صغيره زبده
وغليت ال Baby Corn
مع ملعقة سكر وملعقه صغيره زبده
وده شكلها النهائي
وصحتيـن وهنــا علـى قلوبـكم
يارب تكون عجبتـكم الوصـفه
مواضيع هذا القسم برعاية
ام سودق ام سودق 184527_15.gif مشرفة الموقع Fatakat 184527 القاهرة – مصر
