الوسم: الدين…
د/علاء الدين ال خولى …….. يا اسكندرانية ………؟ 2024.
جروب عزيمتى فولاذ وهغير الحياة مع الصلاة عماد الدين يلا رمضان قرب … الجزء الأول 2024.
اللهم بلغنا رمضان كما بلغتنا شعبان
اللهم بارك لكل من تقرأ هذا الموضوع واغفر لها ذنوبها
يلا يا بنات يلا يا ستات قربت أجمل فرحة
وجاية الأيام الحلوة والليالى الجميلة
ليالى هنقضيها بين ادين ربنا بنصلى ونقرأ قرآن
وأيام هنصومها ونتجنب فيها الذنوب
بس الأهم إننا نفضل كده حتى بعد رمضان وباستمرار
عايزين نصل لدرجة التلذذ فى العبادة
عايزين نبقى بننتظر أوقات الصلاة عشان نصلى
عايزين نلتزم بقيام الليل وقراءة القرآن والصيام
دى أجمل فرصة لنجعل حياتنا أفضل ونغيرها للأحسن عايزين بعزيمتنا إننا نصل لدرجة التميز فى كل حاجة وفى نفس الوقت عايزين نهتم بحياتنا وأناقتنا وجمالنا ونضافة بيتنا ومذاكرتنا وكل حاجة فى حياتنا وهرجع تانى عشان أقول شهر شعبان ترفع فيه الأعمال فشوفى انتى بقى عايزة ترفع أعمالك وانتى صايمة مثلاً ولا وانتى بتنمى فى سيرة الناس صومى كل اتنين وخميس ولو قدرتى يبقى يوم ويوم لأ قال صلى الله عليه وسلم : ( إن الله ليطلع في ليلة النصف من شعبان فيغفر لجميع خلقه إلا لمشرك أو مشاحن ) سامحى كل الناس قبل الليلة دى وصومى واقرأى قرآن قبل أن يرفع عملك إلى الله وتفوتك فرصة الغفران وإياكى ووسوسة الشيطان حتى لو فاتك صيام يوم أو قيام ليل كملى من غير يأس حددى أهدافك واكتبيها فى ورقة
وكل واحدة تقولى دلوقتى ايه آخر هدف أنجزته وايه هدفها الجاى
أستودعكم الله الذى لا تضيع عنده الودائع
مين هتشترك معايا ؟
ومتنسوش التقييم
الصلاة عمـاد الدين الصلاة عمـاد الدين 937127_1.gif فتكات هايلة Fatakat 937127 بيتى – الدنيا
سبحان الله و بحمده
حد فيكم سمع عن كبسة الموت وكبسة البريود .. للوالدين والعرايس؟؟؟ 2024.
بسم الله الرحمن الرحيم
ازيكم يا بنات معلش انا كان عندى استفسار بس
اكيد كلكم تعرفو العادات والتقاليد المصرية بتاع زمان
الى كانو يقولو لو واحدة والدة مفيش واحدة عندها البريود تروح لها عشان متكبسهاش
الحقيقة انا كنت بقول على الكلام دا تخاريف
بس فى واحدة قريبة جدا جدا منى وهى كانت والدة قبل كدا مرتين وفى الولادة التالتة بعد الشر عن الجميع البيبى ماتت
فا لما راحو دفنوها رجعو على المستشفى
المهم الواحدة دى كانت سليمة وزى الفل والدليل انها حملت 3 مرات المهم دلوقتى انها راحت لدكااااااااااترة الدنيا
ودا لانها شايلة الوسيلة بقالها سنتين ومش حملت
والدكاترة احتارو معاهاااااااااااا وبيستغربو
المهم انها حكت الى فيها لواحدة ست كبيرة
قالتلها انتى مكبوسة كبسة الموت ياعنى عشان داسو فى تراب التربة وجم دخلو عليكى
وقالت لها على حاجات تعملها عشان الكبسة دى تتفك
فا انا كنت بسأل بس هل فى حد فعلا هنا كان مكبوس كبسة الموت دى او واحدة دخلت عليها وهى عندها البريود
يعنى فى فعلا الموضوع دا بجد ولا تخاريف ؟؟؟؟؟؟؟؟؟؟؟؟
وانا هستنى اما الواحدة دى تعمل الحاجات الى الست قالت ليها عليها وهاجى اقولكم التجربة كاملة من الالف الى الياء
بس ياريت بس حد يفهمنى هل دا حصل مع حد هنا قبل كدا ؟؟؟؟؟؟؟؟؟؟؟؟؟
NOUR_ELOUON NOUR_ELOUON 213701_10.gif سوبر فتكات Fatakat 213701 elmehalla – egypt