السلام عليكم ازيكم واحشتونى طبعا بعد نجاح السر الأول والثانى قلت اقولكم على سر ثالث لانكم تستهله يا احلى فتوكات بجد انتوا اللى شجعتونى
هنقول من الأول علشان اللى كان مش معانا موضوع السر الأول فى اللينك ده : https://fatakat.univanet.com/#2239024
السر الثانى هنا : https://fatakat.univanet.com/#2246464
وطبعا انا هبدئ عالطول سر انهاردا ايه ؟؟؟؟؟؟؟؟؟؟؟؟
ازاى نحافظ على الخضره بجميع انواعها زى ما هى بلونها الأخضر الجميل لاطول مده ممكنه والله بتقعد عندى 20 يوم وهتجربه بنفسكم وماتنسوش تدعولى
انا هحكلكم الحكايه من اولها وانا بنت عند مامتى كنت بشوف ماما بتشيل الخضره فى اكياس الدليفرى الكارتون زى بتاعت كووك دووور ومؤمن وكده وكانوا فعلا بيقعده بس مش كتير يعنى من 3 ل 4 ايام فطبعا لما اتجوزت عملت زيها بس بقيت بضايق انها مش بتقعد كتيير لانى مش بروح السوق غير مره واحده فى الشهر بجيب فيها كل حاجه البيت من خضار وفاكهه فطبعا بجيب بكميه فالخضره بتبوز بسرعه زى الجرجير والفجل والبصل الأخضر والبقدونش والكرفس وهكذا
المهم مش هطول اكتر من كده ان مره وانا ماشيه فى السوق قعدت افكر ازاى بتوع الخضره بتقعد معهم وممكن مايبيعوهاش كلها طيب هى مش بتدبل عندهم فوأنا بفكر لقيت بتاع الخضره فارشها على قفص ومغطيها بقطعه من الخيش المبلول قلت ايوه قفشت السر هاهاهاها وفرحت جدا لأنى افتكرت اكياس الأرز البسمتى ااخيش اللى ماليه البيت عندى مبعملش بيها حاجه ومستخسره ارميها
فقررت اول لما رجعت وبعد ما نظفت الخضره كلها وغسلتها بالخل وشطفتها كويس جدا حطتها فى كيس الأرز البسمتى الخيش طبعا عارفينه كلنا ورشيت عليه مياه يعنى نديته كده وبقيت يوم اه ويوم لا اطلعه اندى بحبه مياه واحطه تانى فى الثلاجه ومن يوميها فعلا والخضره والله بتقعد عندى بال20 يوم زى ما هى بس اهم حاجه يوم اه ويوم لا تطلعى الشنطه الخيش تبليها مياه من باره كده ترشى عليها كام رشا كده وبس ………
طيب ما انا فكرت لما اقول للفتوكات حبايبى ممكن يكون معندهمش الشنطه الخيش دى بتاعت الأرز البسمتى ففكرت فى فكره تانيه ليكن وهى ان ممكن نشترى نص متر قماش خيش وده بيتباع عند بتوع القماش عادى بالمتر وفيه ثقيل وخفيف طبعا هتجيبى الثقيل وتعملى نفس الحكايه بلى الخيشه قبل ما تلفى فيها الخضره وحطيهم فى الثلاجه نفس الفكره هى هى
وماتنسوش تدعولى
ماتنسوش التقيييم علشان التشجيع
واستنونى مع السر الرابع انا قلتلكم قبل كده انى بموت فى اسرار الأكل والمطبخ مواضيع هذا القسم برعاية
happy ahmed happy ahmed 290949_3.gif فتكات رائعة Fatakat 290949 القاهره – مصر
