انا النهاردة حاوريكم المقلوبة بتاعتى بعد التعديل لانى انا و جوزى و ازلادى مش بنحب اللحمة المسلوقة و مش بنحب طعم المقلوبة العادية
انا غيرت شوية فيها فا جربوها قبل ما تحكموا .
مقاديرها كلها تقديرية على حسب عيلتك و عددها
بتنجان رومى مقلى / لحمة كباب حلة
رز / بصل /توم / قرفة / قرنفل / ورق لورا / بهارات / كركم / مرقة
الاول بنقطع البتنجان بالطول كده و ننقعه فى ميه و ملح و نقليه
نحمر بصلة و 2 فص توم مفروم فى زبدة لحد ما يحمر و نضيف ليها التوابل قرفة / حبهان / كركم / قرنفل /ورق لورا / فلفل اسود
و نضيف للبصلة المرقة و لما تغلى نضيف الرز و نسويه عادى
و فى حلة تانية نحمر بصل و توم مفروم فى زبدة او زيت و لما يحمر شوية نحط اللحمة
و نفضل نقلب فى اللحمة لحد ما تنزل ميتها و تشربها و تحمر و نزود ليها ميه و نسيبها تستوى
نيجى بقى لرص المقلوية : نجيب طبق غويط ونغطى قاعه بالراب البلاستيك و ده علشان مش يلزق و نرص البتنجان فى القاع و الحوانب
زى كده
و نرص اللحمة فوق البتنجان و نسيب الصوص علشان ده اهم حاجة فى الموضوع
و الصوص بقى نصبه على الرز و هو اللى بيحلى طعم الرز خالص
و على طبق كبير نقلب الطبق الغويط علشان تبقى مقلوبة بجد و نزوق الطبق بلوز و زبيب محمر
و من عندى للحلوة اللى حاترد عليا طبق كنافة من الاخر
و ده اللينك بتاعها للى مش شافها
https://fatakat.univanet.com/#4615496 مواضيع هذا القسم برعاية
شاي ساده شاي ساده 849519_1.gif فتكات ست الكل Fatakat 849519 القاهرة – مصر
