السلام عليكم
اختكم اخدت حته مقلب طالع من نخاشيششي
انا مرة اخدت طريقة المقلوبة وعملتها انا وجوزي حبة علي قدنا طلعت حلوة بس الطاجن اتشرخ وانا بسويها طاجان من الجديد اللي مدهونين وشكلهم دلع كده المهم فنقلتها علي طول في حلة تيفال وميت الليلة والراجل الله يكرمه مقلبهاش وغرف من الحلة (رقيقة قوي انا صح)
المهم حماتي جات تزورنا قلت يا بت اعمليلها المقلوبة اهيه حاجة جديدة تعجبها
استلفت طاجن من بتوع زمان بتاع ماما فكان كبير , طلعت الحتتين اللحمة الغالية الللي عندي وحطيتها والبتنجان وزودت بطاطس جوزي حبها بيها ورز وشوربة من اللي قلبك يحبها
المهم ان الرز اللي علي الوش يستوي مافي وانا بغبائي اللي معقول زودت شوربة برضه مافي فايدة بقلب لقيت الرز اللي تحت عجينة تعملي بيها بيتزا رز
طبعا كنت هعيط والست موجودة بسرعة شلت الرز المعجن وطلعت اللحمة وقليت بتنجان وبطاطس بسرعة وحطيبت رز جديد ومطلعتش زي اول مرة
قولولي بقي اعملها ازاي
وكمية الماية لو علي اد الرز ماهي هتنزل تحط عند البتنجان واللحمة والرز عيل الوش مش هيستوي
انا بحب اكلها من دار جدودنا لو حد يعرفه وقلت ربنا هيتوب عليا من شراها
معلش اصل دمي كان محرقو فقلت افضفض
قولولي ايه الحل مواضيع هذا القسم برعاية
sofeyah sofeyah 374973_1.gif فتكات متميزة Fatakat 374973 القاهره – مصر
