الوسم: الاسوانى

احنا عندنا اكله حلوه وخفيفه من مطبخنا الاسوانى مخصوصه للفتكوتات

اسمها الكسبره الخضرا يارررررررب تعجبكم

اولا :المكونات

1-طبعا كام حزمه كسبره خضرا على حسب ماتحبى

2- ملعقة باميه ناشفه مطحونه <فى الخلاط طبعا>

3-شوربة لحمه

4- خمس فصوص توم مهروسين

5- صلصه طماطم <ياريت تبقى طازه>

6- مرقه فاين فودز

7- ملعقتين زيت

طريقة العمل :

اولا :حنقى الكسبره زى الملوخيه ونقطعها صغير -نحط شوربة اللحمه ع النار واول ماتغلى نحط عليها الكسبره -ونسيبها لحد

ماتستوى ونعرف انها استوت ازاى طبعا بنشيل حته من الكسبره بطرف الملعقه وندوقها لو لقينها دابت فى بؤقنا تبقى خلاص

استوت وكدا ننزلها من ع النار ونضيف لها ملعقة الباميه الناشفه ونقلب بالمفركه عارفنها -هى شكلها زى العصايه بس من تحت

شكلها زى المغزل – او للى ما تعرفاش تخلطهم فى الخلاط

وبعدين نسخن الزيت

ونضيف التوم وعليه مرقة الماجى

ولما تتحمر نضيف صلصة الطماطم ونشهق ههههههه

ولما تستوى الصلصه نضيفها للكسبره ونقلب

وبالهنا والشفا

خلصت

مستنيه ارائكم ومتنسوش التقيييم