طبعا عندنا فى اسوان العيش الشمسى هو العيش الاساسى ولاكن كمان النوع ده احنا بنعمله فى اسوان بس طبعا الافران هناك بتساعد لان نارها قويه ومخصوصة للخبيز بس انا بعمله هنا فى فرن البوتاجاز وبيطلع هايل وهقلكم على الطريقة من البداية وبالصور اولا انا عملت كيلو ونص دقيق بيتعجن بالليل وبيتخبز اليوم التانى لانه بياخد وقت عشان يختمر كويس لمهم نبدا بالليل اخت كباية ونص من الدقيق وحطيتهم فى حلة بس تكون كبيرة وبنغلى شويه مية ونحط عليهم معلقة ملح صغيرة وبعد ما بتغلى المية بنحطها على شويه الدقيق اللى فى الحلة ونقلب بسرعة وجامد عشان ماتكلكعش وطبعا بنخليها تخينة نسيبها تبرد وبعدين نضيف معلقة صغيرة خميرة وشويه مية صغيرة بس طبعا هنعجن بمية دافيه عشان الجو بارد وعشان تساعد الخميرة انها تخمر العجين ونضيف باقى الدقيق ونعجن كويس ونضيف الميه بالتدريج وبكرر ميه دافية نخلى العجينة متماسكة ذى عجينة البيتزا بصوا حجم العجينة قبل ما تخمر شغلى الفرن لمدة دقيقة واقفليه عشان يكون دافى مش سخن وغطى الحلة اللى فيها العجين وحطيها فى الفرن بعد ما دفيناه عشان المكان يكون مناسب حتى تختمر العجينة روحى بقى نامى وتبصحى على خير الصبح بقى صباح الخير على عيونك روحى شوفى العجين هتلاقيه بالشكل ده العجينة وصلت لنص الحلة هاتى صينية وغطيها برده ناعمة ولو مفيش غطيها بدقيق وقطعى العجين بالشكل ده غطى الصينية بقماشة وحطيها فى مكان دافى انا بحطها جمب الدفاية وسبيها ساعة سخنى الفرن كويس اووووووووووووى على اعلى درجة عفرى ايدك بالدقيق افردى العيش بالشكل ده ودخليه الفرن ودى بعد ما خلصت معلش هو طريقته طويله عشان كده انا وضحت الخطوات بالتفصيل بس يستاهل وطعمه تحفة يلا قولولى ايه رايكم والتقييييييييييييييييييييم والدعوة الحلوة اهم حاجة مواضيع هذا القسم برعاية سلمى نورت حياتى سلمى نورت حياتى 425514_2.gif فتكات متميزة Fatakat 425514 الجيزة – مصر
