السلام عليكم إزيكم يابنات
أنا بعمل علاج طبيعى على ظهرى عند دكتور رجيم <إدعولى ربنا يشفينى >
وإشتريت منه شورت التخسيس المهم طلع واسع على
قالى هاتيه وهجيبلك مقاس أصغر قلتله ماشى وكان ب 90جنيه
المهم قلت يارب أروح ويكون لسه ماجبهوش والحمد لله ماجبهوش الحمد لله
قلتله خلاص مش عوزاه يادكتور متشكرة
المهم بقى وأنا جايه بالطريق اليوم قلت أشتريه ولا لاه وإفتكرت زمان حاجه كنت بعملها
لما كنت بلبس حزام على بطنى كنت بلبس تحته كيس وبعدين الحزام وكنت بعرق جدااااااااا جدااااااااااااا
طيب مافكرت الشورت نفس الفكره
بصوا بقى علشان ماطولش عليكم
هى فكرة الشورت ايه انك تعرقى طيب بصى
هاتى كيس بلاستيك يكون جامد ومش بيعمل صوت
والافضل والافضل تجيبى مشمع عارفين بتاع الغسيل اللى بننشره علشان الشتا عالهدوم
هاتيه
وهاتى شورت أو برمودا قطن قديمه عندك ومش شرط قطن أى حاجه
وقصى المشمع أد البرمودا أو الشورت <يفضل يكون لحد الركبه>
ويفضل كمان يكون البرمودا قطن مش ليكرا علشان لو فى ماطه أو أستك هيضيقك وإنت بتخيطى وياريت يكون الشورت مقاسك بالظبط ولو واسع حاولى تضيقيه لمقاسك الاول
علشان يكون لازق على رجلك
وخيطيهم ببعض
وممكن نجرب ندهن الاول زيت حارق للدهون أعتقد قريت هنا زيت زيتون وفى زيت كمان
أو تدهنى مثلا لو ينفع كريم عندك مثلا هو مش شرط ندهن بس نجرب
ياريت اللى تدخل تقوله ونضيفه
أنا عندى فازلين ممكن أجرب أدهن الاول هيعرق أكتر ونشوف
يارب الفكرة تعجبكم يارب وتحقق النتيجه اللى عاوزنها
وعلى الاقل لو مفانعتش مش هنندم على فلوسنا اللى ضاعت
لو الفكرة عجبتكم قيموا الموضوع
انا والله عمرى ماطلبت أبدا حد يقيم بس علشان الكل يستفاد والموضوع يوصل لكتير
السلام عليكم ورحمته وبركاااااته
أسألك العفو يالله أسألك العفو يالله 175407_10.gif فتكات ست الكل Fatakat 175407 المنصورة – مصر
