السلام عليكم ورحمة الله و بركاتة
المقادير
900جم سميد سايب مش اللي بيجي اكياس للبسبوسه جاهز
450جم سكر
300جم ماء
125 جم شربات تقيل
75جم جوز هند
2 م سمن بلدي او بقري معلب
كيس فانيلا
المقادير موضحة في الصورة
وده الميزان اللي استخدمته للي تحب تعرف
الخطوات كما في الصور
سهله جدا وهي خلط الكونات كلها معا
وشوفوا قوامها بعد التقليب بتكون زي المرمله
الصور موضحه القوام
وطبعا لكي حرية الاختيار بتركها ساده او اضافة لوز او بندق للوجه انا افضل البندق ودي الصوره بعد اضافته
وتدخل فرن 160 درجه لمدة نص ساعه
وده شكلها بعد ما طلعت من الفرن
وطبعا بنسقيها بالشربات (القطر) وهو ساااااااااخن يعني الاتنين سخنين بهذا الشكل
وشوفوا مستوى الشربات فوق البسبوسه او ارتفاعه وطبعا انا غطيتها وتركتها ليله
كامله لتتشرب القطر وعلى فكره لما بتبات بتكون اجمل في الطعم
صوره اخرى للتوضيح
ودي صورتها بعد التقطيع طررريه ودايبه ولذيذه اممممم
وده صور بتبين عملي لها سابقا
الشربات او القطر
1كجم سكر+1كج او ليتر ماء +كيس فانيلا
يرفعوا على النار وبمجرد الغليان نعصر نصف ليمونه ونتركه يغلي
مواضيع هذا القسم برعاية
meme@memesh meme@memesh فتكات جديدة Fatakat 466560 القاهرة – مصر
