السلام عليكم
أولاً الجروب ده هيبقى لمدة 40 يوم، هنبدأ من بكرة بإذن الله
الاشتراك هيفضل مفتوح النهاردة وأي حد يلحقنا بكرة بعد كده هيغلق زي ما مكتوب في العنوان
هدف الجروب
تخسيس 15 كيلو في 40 يوم
قواعد الاشتراك
1- لازم العضوه اللي هتشترك تكون زائدة عن وزنها أقل حاجة 15 كيلو
2- الالتزام التام بنظام الدايت اللي هأقولها ومش هنقبل بأي نظام دايت تاني
3- الالتزام بأيام الفري اللي هأقولها
4- الالتزام بالرياضة اليومية
5- الالتزام بكتابة التقرير اليومي
نظام الدايت
1- هنمشي على النظام الكلاسيك وده أحسن وأفضل نظام في رأيي وعن تجربة ولو دمجنا معاه الصيام العكسي بيجيب نتيجة هايلة بإذن الله
2- شرب 8 كوبايات ماء في اليوم
3- ليكي 2 معلقة سكر في اليوم فقط
4- هنوقف أكل قبل النوم بـ 4 ساعات أقل حاجة
5- المياه الغازية ممنوعة حتى لو دايت
6- الحلويات ممنوعة، فاكهة بس
7- ممكن تشربي شاي أخضر أو قرفة أو زنجبيل أو أي مشروب حارق تفضليه
نموذج
الفطار
نص رغيف أول أسبوع يخفض لربع بعد كده+ جبنة لايت أو بيض أو فول
اللي حابب يشرب حاجة معاه مافيش مشكلة
الغداء
سلطة بأي طريقة تحبيها+ بروتين (فراخ أو سمك أو لحم أو تونة مصفاة أو بيض) + نص رغيف أو 4 معالق رز
العشاء
فاكهة أو زبادي أو خضار مشكل
هنشيل النشويات من العشاء خالص
الرياضة
اللي يحب يروح الجيم مافيش مشكلة
أو اللي بيمارس رياضة في البيت معينة يستمر عليها
اللي مش بيمارس هيبدأ بفيديوهات المشي في المنزل الـ 2 ميل أول أسبوع ويزودهم لـ3 الأسبوع التاني
ولكن لازم رياضة نص ساعة يومي على الأقل
اللي هتبدأ تسجل اشتراك هنا بوزنها
عشان هنوزن كمان 10 أيام ونشوف ايه الأخبار
أول فري هيبقى السبت بعد الجاي 31-1 وهيبقى وجبة واحدة الغداء بس
ها يا بنات مين عايزة تخس 15 كيلو وممكن أكتر كمان في 40 يوم
SLSoLa SLSoLa فتكات رائعة Fatakat 526464 الاسكندرية – مصر
