السلام عليكم ورحمة الله وبركاته
ازيكوا يا احلى فتوكات فى الدنيا عاملين ايه ياقمرات ؟؟ يااااااااااااااااارب تكونو بخير
انا النهارده جيبلكوا طريقتى فى عمل المقلوبه بس هى يعنى مش طرقتى اوى دى طريقة واحدة هنا فى المدونة وانا قولت لازم يابت يا كتكوته تعملى واحدة كده زيها اوماااااااااال انتى ناقصة ايد والا رجل (بينى وبنكوا ناقصة مخ ههههههه) بس طبعا انتو عارفين ان اختكو خااااااااااايبه خاااااااااالص فى الطبخ والكلام ده المهم بقاااااااا الله ندخل فى الموضوع المهم ياستى مقاديرى للمقلوبه بالفراخ :-
1 بصله متوسطة
1 باذنجانه متوسطة بردوووووو
1 بطاطسايه
2 طماطمايه
2 كوبين رز بسمتى من اللى انتو عارفينو
كميه الفراخ اللى انتى عوزاها
وشوية شوربه فراخ لحد ما تغطى الرز بتعنا
زيت للقلى
1 معلقة سمنه
نيجى بقا للتوابل :-
معلقة بهارات كبييرة (عوزة اقولكوا ادت ريحة فظيعة والله حلوة اوى يعنى )
معلقة كركم
ملح
فلفل اسود
طيب تماااااااااااام كده وعلم وينفذ
نيجى بقا للطريقه :-
اول حاجة هتغسلى الرز وتصفيه وتسبيه لحد ما حاجتك تخلص وبعدين تقطعى البطاطس والباذنجان والبصل والطماطم شرايح زى كده
وبعد كده تحمرى البطاطس فى الزيت زى كده
وبعديها الباذنجان
وبعد كده البصل (اه البصل حطيتوا فى الزيت وقليتو وطلع كده ورحتوا جنااااان) اهوت لو مش مصدقانى كل ده فى طبق وتحتيه مناديل عشان الزيت
تمام معايا والا نمتو ؟؟؟؟ سبت الحاجة دى شويه كده وجيت بقا للرز حطيت نص معلقة سمنه فى حله صغيرة وحطيت الرز عليه وفضلت اقلب اقلب اقلب لحد ماشرب المايه بتاعتوا اللى بيطلعها ورفعتوا من على النار وده شكلو
وبدات فى رص الحلة بس بقا معلش الحلة مكنتشى تيفال غيرها فى غيرها بدات فى الرص زى كده الاول حطيت النص التانى من معلقة السمنه فى الحلة اللى هنرص فيها وبعد كده الطماطم
وشويت رز وذرة ملح وبعد كده البطاطس وشوية رز وملح
ثم البصل ورز وملح
وبعد كده الفراخ والباذنجان
ونكمل رص لحد ما تخلص المقادير وااااااااااااخر حاجة نحط الرز وشويه شوربه لحد ماتغطيها
ونسبها على النار شوية كده قيمت ربع ساعة وبعديها وطى النار عليها وتبعيها من الوقت للتانى ومتنسيش تحطى الملح وتدوقى الحياق ماااااااااشى بس لما تستوى سبيها تهدى خااااااااااالص وهاتى الطبق ياقمورة واقلبى الحلة عليها واستنى شوية وارفعيها زى كده
ياااااااااالهوى ايه ده دى مش مقلوبه دى موكوسه هههههههههه ما علينا وطلعتلنا بالشكل ده ايه رايكوااااااااا بقااااااااااا انفع والا لأاااا؟؟؟؟؟؟؟؟
وبالهنا والشفا يا قمرات
وياااااااااااااااارب تنول رضاكم
ملحوظه :- انا اول مرة اعملها بالله عليك متضحكوش عليا لاحسن اعيط مااااااااااااش
فى امان الله ورعايته
لا إله إلا الله مواضيع هذا القسم برعاية
كتكوته الحبوبة كتكوته الحبوبة 233809_2.gif فتكات ست الكل Fatakat 233809 فى العين والننى – مصر المحروسه
