السلام عليكم و رحمة الله
كل عـــــــام و انتم بألف خير و صحه و سعاده
أول مره ادخل عندكم فى هذا القسم
و يارب اكون ضيفه خفيفه و افيديكم بمعلومه
بصى بقى يا قمر منك ليها
طبعآ كلنا بناكل برتقال فى الشتا
المهم انك ما ترميش قشر البرتقال !!!
بصى يا ستى مش هتكلم كتير بس عايزه اقولك انه له اكتر من استعمال
و مش هقولك طبعآ عن الفوايد و الفيتامينات الكتيــــــــــــــر اللى فيه
بصى اولا نغسل البرتقال كويس و نقشره عادى عند اكله …بس استنى!!!
ما ترميش القشر يا قمر ..
حطيه فى مصفى فى الشمس .. او لو معندكيش شمس حطيه بالمصفى فى التلاجه هينشف برضه بس هياخد وقت اطول شويه على ما ينشف
لما ينشف هنستعمله فى ايه؟؟
ممكن نضيفه على الكيك او البسيسه فى الصيف لأن مفيش برتقال فى الصيف طبعآ
و الجديد بقى و بمناسبة الشهر الكريم و العصاير .. ممكن تعملى منه احلى تانج..!!!
ازاااى؟؟؟
الطريقة بالصور ….
لما تنشفى القشر هيبقى شكله كده…
و بعد كده نكسره بإدينا لقطع صغيره عشان نقدر نطحنها فى مطحنة الخلاط العادية زى كده
و بعد ما نطحنها هيبقى شكلها كده و نشيلها عندنا فى برطمان فى التلاجه
و يبقى جاهز للإستخدام كده…
هو كده جاهز نستخدمه فى اضافته على الكيك او البسيسه
تعالى بقى اقولك ع الجديد…ازاى نعمله تانج؟؟!!…
بصى يا قمر هناخد منه 3 ملاعق كبيره و نحطهم فى كوب و نضيف عليهم ماء مغلى
و نقلبهم جيدآ ثم نتركهم 1/4 ساعه
ثم نضعهم فى شفشق الخلاط و نضيف عليهم سكر و قليل من الماء و نضربهم جيدآ
ثم نكمل الماء الى ان يصبح لتر ماء و السكر حسب الرغبه
و بعد الضرب الجيد نصفى العصير بمصفاة الشاى و يعبأ فى زجاجه و يوضع فى الثلاجه
((طبعآ المقدار ده يملا الزجاجه اللتر … بس اولادى مصيروش لما اصور و شربو منه ))
و بألف صحه و عافه
النتيجه ..واااااااوو مش عايزهاقول اكثر من رائع
كفايه انك متأكده انه فعلآ فيه فيتامينات طبيعيه و بدون اى مواد حافظه…
ياريت اشوف ردودكم و اعرف رأيكم…
مواضيع هذا القسم برعاية
بنت محمد الشامى بنت محمد الشامى 482487_4.gif فتكات هايلة Fatakat 482487 بنها – مصر
