صباحكم فل يا فتوكات
من اختكم مدمنة الاكل الصحى والمفيد جبتلكم اكلة تانية صحية ومفيدة
فليه الفراخ مش لازم يتقلى ويتحمر طيب ممكن نشويه وبرضه يبقى لذيذ اوى وبمعلقتين زيت بس
المقادير
فراخ صدور وعلى فكرة انا باعمل الطريقة دى صدور ووراك مخلية برضه بتنفع
معلقتين زيت
للتتبيلة
مستردة صويا صوص كاتشاب خل
ملح فلفل اسود كارى زعتر شطة سماق حبهان مطحون
الطريقة
الافضل مش تسيبى الصدر على بعضه احسن انك تقطعيه فيليه يعنى شرايح
وبعدين نحط كل التوابل على الفراخ الفليه وناخد بالنا ان الصويا صوص فيها ملح فقللى كمية الملح اللى متعودة عليها
فايدة الخل والصويا صوص انهم بيطرو انسجة اللحوم او الفراخ فتبقى سريعة فى الشوى
الافضل تبات الفراخ فى التتبيلة او على الاقل ساعتين
بعد ما تاخد وقتها فى التلاجة نسخن مقلاية تيفال من النوع الكويس التقيل علشان يبقى زى الشواية ونحط معلقتين زيت بس يعنى تقريبا ندهن المقلاية زى ما نكون بندهن صينية كيك
نسيب المقلاية والزيت يسخنو اوى وبعدين نحط الفراخ والنار عالية تاخد الطشة الاولانية وبعدين توطى النار لتمام السوى
ولما يتغير لو الطروف ويظهر نقط مية كده على الوش التانى يبقى الوش الاول استوى والفراخ جاهزة تتقلب وطبعا اول ما تقلبيها تعلى النار تانى برضه تاخد الطشة الاولانية وبعدين توطى لتمام السوى
واتطمنى هتستوى من جوة كويس ما هى اخدت راحتها فى السوى والنار واطيه على اقل من مهلها هههههههههههه
ومش هتضطرى تحطى زيت كل مرة تزودى فراخ لالالالالالالالالالا هى المرة الاولى وخلاويص على كده ومفيش حاجة هتلزق متخافيش بس سيبيها تاخد راحتها فى السوى ومش هتلزق ابدا
ودى اتخن حتة لقيتها وقلت اثبتلكم انها مستوية من النص
وده الشكل النهائى معلش ملحقتش ازين الطبق علشان الحق اغدى الراجل الغلبان اللى راجع من شغله شقيان وانا عمالة اصور وانا باجهز الغدا ولا هاممنى هههههههههههههههههه
الطريقة دى اسمها الا جريل يعنى زى على الشواية واصلها ايطاليانوووووووووووووووووووو
على فكرة الفراخ مش محروقة ولا حاجة بس جوزى بيحبها ناشفة فبازود تسويتها
باى اشوفكم فى وصفة تانية وبرضه صحية ومفيدة ان شاء الله
هانزلكم بعد شوية طريقة برام فريك يوجنن
انتظرونى فى العدد القادم
مواضيع هذا القسم برعاية
همسة بس دوشة همسة بس دوشة 467531_12.gif فتكات غالية قوي Fatakat 467531 بورسعيد – مصر
