صباح الفل على احلى فتوكات
تعالوا اتفرجوا على تطبيقي لطايلفر الجهنمية الفتاكة للجميلة فريدة
طعم ايه وشكل ايه وحلاوة ايه والله رهيييييييييييييييبة عاملة زي القطنة واللحمة رهيبة
ولا تقولولي ريتشباك الفينو ولا الكلام الفارغ ده
بجد جننت البيت وخلصت في ثواني وفضلت واحدة اعدنا نجري ورا بعض عشان مين الي ياكلها وطبعا انا الي فزت امال ايه ولو عجبتكم هبقة انزلكم المقادير وربنا يكرمك يا فرييييدة
اسيبكم مع الصور بسش امانة الي تعجبها تنور الخمس لمباااااااااااات لحسن هزعل واشد الشعرتين الي باقيين
المقاااااااااااااااااااااااادير والطريقة
المكونات****
3 كوب دقيق +1 كوب لبن دافئ +1 م ك خميرة +1 م ك سكر +1 بيضة +3 م ك زيت +1/2 م ص ملح
…
الطريييييييييييييقة&&&&&
نذوب الخميرة والسكر مع اللبن الدافئ ونتركها 5 دقايق ثم نضيف علي الخليط الزيت والبيضة والملح ونقلب
ثم نضع الدقيق في مصفاة او منخل وننخله علي 3 مرات علي خليط اللبن والخميرة
ملحووووووووووووووووووظة مش هنضيف الدقيق مرة واحدة علي 3 مرات ننخله علي الخليط عشان تكون هشة جدا وطبعا ممكن في عجان او باليد وبعدها نعجن الخليط 5 دقايق باليد او بالعجان وهنلاحظ ان العجينة بتلزق مفيش مشكلة ونغطيها ونتركها ساعة في فرن دافئ تتخمر ويتضاعف حجمها
وبعد تخمر العجينة وزيادتها للضعف نقطعها كرات صغيرة ونرش دقيق لان العجينة بتلزق
ثم نفرد العجينة فرد رقيق
وهنا نحشيها علي حسب الذوق ممكن حشوة بطاطس مهروسة مع لحم عصاج وكسبرة خضراء
وممكن وده حشوة البطاطس المهروسة مع الجبن والبصل والكسبرة *** شوحت بصلة قطع صغيرة وضيفت عليها بطاطس مهروسة مع كسبرة وجبن وممكن حشوة عصاج لحم بالبصل بيبقي خطير
ثم نقفلها جيدا من جميع الجوانب
ونرش طبق دقيق كويس ونرصهم عشان ما تلزقش في الطبق
و ممكن نرش دقيق علي رخامة المطبخ ونقفلهم ونرصهم ونغطيهم حتي ننهي كل الكمية ونتركهم 15 دقيقة يرفعوا تاني قبل التحمير
ثم نسخن زيت ونقليهم بتتحمر بسرعة لازم نقلبهم علي الجانبين
واثناء تحميرهم بمعلقة ناخد زيت من طاسة التحمير ونرشه عليها من فوق وده بيحمرهم من فوق وتحت في نفس الوقت
بجد جميلة في العشا وتستاهل تجربوها بالف هنا
امممممممممممممم
دعوة حلوة بقى مواضيع هذا القسم برعاية
موروو موروو فتكات هايلة Fatakat 36576 القاهرة – مصر
