وحشتووووووووووني يافتوكات يامدامات ويابنات
لاحظت ان ناس كتير بتسال علي السمان ممكن يتعمل محشي زي الحمام بس انا بحب اعمله مشووي مقلكوش عالطعم الخرافي بجد تحفة هتلاقي نفسك بتاكلي العضم كمان من لذاذته انا بصراحة اول مرة جوزي جابه لي وشفت حجمه قلت ياخسارة تعبي دة مفهوش لحم خاالص وصغنون بس والله ان لحمه ماشاءالله طلع اكتر من الحمام هو يبان صغير بس مربرب برضو وواخد باله من نفسه
المقادير كلها حسب الكمية
2 بصلة كبيرة
2 طماطم متوسطة
كم فص ثوم
ربع كوب عصير ليمون
شوية خل
زعتر ودة مهم اويي عشان الطعم ممكن فريش او مجفف
ملح وفلفل واي بهارات تحبيها زي حبهان بودر ورق لورا بودر
اول حاجة هنجيب نفتح قلبه بالسكينة من عند الصدر بالشكل دة
هنقطع كل الكمية وبعدين ندعكه بملح ودقيق وشوية خل ونسيبه شوية مع الخليط دة عشان لو فيه اي ريحة زفارة ترووووح
في الوقت دة ناخد كل خليط التتبيلة نضربه مع بعض في الكبة شفتوا الموضوع سهل جدا
بعد حوالي نص ساعة ناخد السمان نغسله كويس اوي من الدقيق والملح ونشطفه تمام ونمسك واحدة واحدة ندعكها بالتتبيلة من ورا ومن قدام بالشكل دة ونخلي شوية من التتبيلة علي جنب طبعا يستحب انك تسبيه اطول وقت بس برضو لو عملتيه علي طول هيشرب التتبيلة ان شااءلله ويبقي رااائع
بعد كدة عاوزين نديله صدمة عالشواية يتحط عالوشين من ورا ومن قدام لو مفيش شواية خليه ياخد الصدمة عالنار يعني هنصعقه هنصعقه ههههههههه
ودي صورة عن قرب ياعيني وهو ببيصعق ههههههه
ناخده بقي نرصه في صينية فرن ونضيفله بقية التتبيلة الي سبناها في الاول وممكن نعصر عليه عصير ليمونة حلوة كدة لان حلاوته في مزازته
ندخله فرن متوسط علي 180 لمدة 35 دقيقة
وهنا بقي اخيييييرا بعد ماطلع وريحته ملت الدنيا شكله يفتح النفس وبجد طعمه خطييييييير
عملت جنبه فريك وعشان الفريك لازمله مرقة اخدت وحدتين سمان سلقتهم مع بصلة وحبهان وورق لورا بس شوربته مش دسمة اوي ودة احسن عشان الفريك يبقي خفيف ومن غير دهون كتير لو عندك اي شوربة تعملي بيها يبقي تمام مفيش مشكلة وفي الاخر اخد الوحدتين الي سلقتهم تبلتهم عادي ودخلتهم مع الباقي ,td hbov ho
الفريك بنقعه ربع ساعة قبل ماعمله وساعات لو مستعجلة اوي بنقعه فماية سخنة 10 دقايق وطبعا يكون متنقي و مغسول و نضيف اقلبه مع بصلة مفرومة واملحه وافلفله ونضيف الشوربة يادوبك تغطيه و سمنة او زبدة ياخد غلوة عالنار وبعدين ندخله الفرن نص ساعة ونشوفه لو احتاج شوربة تاني نضيف شوية صغيرين
ودة طبق فريك محصلش مع اروووووووع سمــــــــــــان مشـــــــــــــــــــــــــوي
جربوه بقي وادعولي
بالف هنا وشفااااااااااااااا
دعواتكم ربنا يحفظلي زوجي واولادي من كل سوء مواضيع هذا القسم برعاية
ام عمر12 ام عمر12 images/flowersavatars/avatar0025.jpg فتكات ست الكل Fatakat 168268 عيون اولادي – قلب زوجي
