السلام عليكم ورحمة الله وبركاته عندى سؤال ومحتاجة اجابة ضرورى انا عندى اكتئاب شديد جدا ومش عارفة اساعد نفسى عشان اخرج منه ؟ زمان كان عندى طاقة ملهاش مثيل كنت نشيطة جدا واقدر اعمل اكتر من حاجة فى فى نفس التوقيت كنت بفكر بطريقة الانجاز بالتوازى اخد كورسات تنمية بشرية ونفس الوقت كورسات icdl وبحضر ماجستير كل مع بعض كنت فى اليوم اعمل كل ده واقرا كتب وكمان كنت بحس ان اليوم مش بيقضى اعمل حاجات تانى كان عندى طموح وطاقة وكنت بنجز وده كان على طول بيشجعنى دلوقتى عندى مشاكل انا اتجوزت وارتبطت بجوزى نفسيا لدرجة انى مش قادرة اعيش من غيرة عشنا 4 شهور وسافر ودلوقتى عدى على سفرة سنة ونصف ولسه لما يكمل سنتين هيرجع يقعد شهرين ويسافر تانى سنتين مرنا فى الفترة الاخيرة بمشاكل بقالها 5 شهور العلاقة بينا سيئة ودلوقتى شوية كويس وشوية وحش انا مش قادرة انجز فى اى حاجة لا فى دراستى ولا فى شغلى ولا فى اى شئ بقيت بقعد لوحدى كتير اوى بعيط كتير جدا لما اكون لوحدى مش بحكى لحد اى حاجة استحملت كتير جدا منه ومن اهله لدرجة الاهانه منه ومن اخوه الشرير غلط حتى فى ابويا وامى وسكت ومقلتش عشان احمى بيتى وقولت لجوزى معملش حاجة خالص دلوقتى بحس ناحية جوزى مشاعر سلبية وبصراحة اوقات بحس بكراهيه نحيته لانه مقدرش يحمينى من اهله وكنت بحلم انى عريانه والناس بتتفرج عليا قدامه وهوا ساكت كنت بقوم من النوم مفزوعة انا خلاص زهقت من كتر الكلام معاه انه يبعتلى او حتى ينزل لان اهله قالوله ان الراجل العبيط ياخد مراته معاه تخربه وميعرفش يحوش دلوقتى انا مكتئبه جدا مش طايقاه وتعرفوا انا كنت من اشد المعارضين لفكرة سفرة دلوقتى بيلومنى انى انا ممسكتش فيه وهوه مسافر وده محصلش طبعا مفيش عروسه تبقى فرحانه ان عرسها هيسبها تعرفوا بحس ان ضميره بيوجعه انه سابنى فبيلقى عليا اللؤم انى سبته عشان يريح ضميره مش عارفه اصدقه وهوه كل شويه يقولى حاجة وتانى يوم يقولى عكسها مش قادرة اصدقه خالص ولا اثق فيه والله العظيم ما كان كده عرفته سنه فى الخطوبة م4 شهور جواز كان راجل بمعنى الكلمة ويقول الحق حتى لو السيف على رقبته دلوقت معرفش ماله اتغير خالص انا كل اللى اعرفه دلوقتى انى عاروزة ربنا ياخدى بجد ولو الانتحار مس حرام انا كنت انتحرت من زمان قولولى اعمل ايه احلى دودى احلى دودى فتكات نشيطة Fatakat 104512 الجيزة – مصر
