السلام عليكم ورحمة الله ازيكم عاملين ايه وايه اخباركم النفسيه والعصبيه بما انى ف قسم التنميه البشريه يعنى ههههههه
المهم انا من كام يوم كدة كنت منزله كميه مواضيع عن حالة الاكتئاب اللى جتلى بسبب وسواس ماسك دماغى وشكوك فخطيبى وفنفسى وعلطول كنت حسه انى آخر واحده فالدنيا دى شكلاً وموضوعاً وكنت بقوله حتى كلام مش طبيعى لدرجة الراجل والله قرب يتجنن ربنا يستر
ازاى بقا قدرت اتخلص من الوسواس دا ؟ اول حاجة بمساعده عضوه اسمها طوبى للغرباء ولازم ارجع الفضل لربنا ثم ليها الحمدلله بقيت منتظمه فالصلاه وحتى وانا مش بصلى دلوقتى لان عندى ظروف حسه انى مشتاقه للصلاة ومش ببطل اذكر ربنا وبدعيه ودا مكنش بيحصل قبل كدة وعاوزة اقولكم كمان ان الصلاه ريحت بالى كتير اوى وهدتلى نفسى حسه انى بقيت اهدى كتيرر الحمد والشكر ليك يارب
تانى حاجة فى كتاب لإبراهيم الفقى اسمه قوة التحكم فالذات ياريت الناس تنزلو وتقراه كتاب فمنتهى الروعه وفى جزء منه بيتكلم عن البرمجة العصبيه وفى كلام كتير حلو اوى زى مثلا : انا شكاكة وغيورة ومبثقش فنفسى ولا ف حد ابتدى واحدة واحدة اقنع نفسى ان دا مش فيا واكتب فورقة الصفات اللى نفسى تكون فيا وابتدى اقراها واعيدها على نفسى مرة واتنين وتلاته لحد مالعقل الباطن يقتنع والصفات اللى نفسى تكون فيا دى هتنعكس على تصرفاتى انا بإذن الله وفعلا دا حصل معايا
فى حاجة مهمه اووووووووى واخيرة ودى بجد مع التجربة لما حد يسألك وانت مضايقة ازيك عامل ايه بلاش نقول زفت وطين لالالالا نقول الحمدلله انا فأحسن حالاتى الجملة دى بتنعكس على الواحد بشكل كبير وجميل جدا وابتدى افتنع ان انا فعلا فأحسن حالاتى ….
بس يارب مكنش طولت عليكو انا عارفه انا رغايه بس بجد انا ارتبطت بالمدونة اوى ومعظم حلول مشاكلى بستشيركو فيها عشان كدة اول مامشكلتى اتحلت قلت لازم اقولكو انا عملت ايه ربنا يبعد عنى وعنكم اى وسواس خناس ويكفيكم شر الشك ويعافي امة محمد يارب
اوراق على شجر اوراق على شجر 278311_3.gif فتكات متميزة Fatakat 278311 السويس – مصر
