الوسم: الحمدلله

واكلمها ف التليفون تقولى جددى اللبوس المثبت تانى واتارينى كنت بثبت حملى فى المكان الغلط
مع انها دكتوره مشهوره جدا هنا ف السعوديه والكل شكرلى فيها الحمدلله على كل شىء
حسيت ف يوم ان جنبى اليمين وجعنى ودخلت اسئل هنا ف فتكات قالولى عادى اعراض الحمل وناس قالتلى املاح وشربت ماء كتير وفعلا تانى يوم لاقيت الالم خف
ومشيت على المثبت لحد ما بقاش ينزل حاجه وفرحت جدا لانى عديت مرحله انذار الاجهاض زى ما بيقولوه
وروحت خامس اسبوع علشان اعمل السونار واطمن على كيس الحمل
وكانت المفاجئه الدكتوره قالتلى مش باين حاجه انتى مش شربه ميه قولت اشرب ميه اعدت اشرب ميه كتير واستنيت ساعه ودخلت
قالتلى المثانه مليانه وبرده مش ظاهر حاجه قولتلها ازاى يا دكتوره قالى مش عارفه قالتى استنى الاربعاء الى جاى يمكن يظهر بس خوفتنى كنت قريت هنا عن الحمل خارج الرحم قولتلها هو ممكن يكون كده قالتلى ممكن
قالتلى تحبى تعملى سونار مهبلى كنت مرعوبه ف الاول بس قولت استعين بالله واعمله وكانت المفاجئه
قالتلى لاباين لابره الرحم ولا جوه الرحم ولازم تروحى المستشفى تشوفى ف ايه
قولت اروح لدكتوره الاولى الى كانت كتبالى عل المسكن وروحت قالتلى اعملى تحليل دم رقمى وورهولى كان الكلام ده الخميس بس يوم السبت لانى مش فاضيه بليل وبكره اجازه
روحت عملته لاقيت النسبه زادت بقيت 2400 قلقت اكتر
واعدت اعيط جوزى اخدنى لدكتوره تالته روحت قالتلى كده النسبه لازم تبان ف السونار عملتلى باطنى مطلعش حاجه عملتلى مهبلى واخيرررررررا شافت كيس الحمل بره الرحم ف الانبوب اليمين قالتلى طيب جنبك بيوجعك قوتللها لا ولا اى حاجه خالص قالتلى غريبه
قالتلى دلوقتى قدامك حل من الاتنين حقنه كيماوى بس شرط متحمليش بعدها 3 شهور طبعا سمعت اسمها اترعبت اكتر ولازم تتاخد ف المستشفى او منظار فضلت اعيط ومرعوبه وقولتلها انهى احسن قالتلى الحقنه طبعا لانك لسه ف الاول وحجم الكيس 12 ملى لسه صغير والحقنه هضيعه
اتحجزت فى المستشفى واخدت الحقنه وتانى يوم جات عملتلى سونار مهبلى لاقيت الكيس ب 8 ملى فرحت وقولت الحمدلله جات بعدها بيومين لاقته 7 ونص تقريب قالتلى هخرجك بس هديكى حقنه كمان لانى قلقانه عليكى من البيت لوحدك واوعى تتخبطى ف جنبك اليمين وكلام من ده قولتله حاضر
خرجت الحد وقالتلى تجيلى السبت المستوصف
يوم الخميس حسيت بتعب جامد بليل مغص كلمتها قالتلى عادى اعراض الحقنه تانى يوم المغص صحانى قومت بصوت جنبى المين وبطنى ومش قادره اتحرك وانا لوحدى ف غربه اتصلت ع جوزى قالى انا على الباب لبسنى بسرعه وكنت بقع منه ويغمى عليه ولا كنت شيفه حاجه ولا سمعه حد لدرجه انه اترعش ومكنش عارف يعمل ايه غير انه شالنى وودانى المستوصف وانا بصوت وبقوله عاوزه امى اشوفها قبل ما اموت
وروحت الدكتوره تقولى انتى بتدلعى دى اعراض الحقنه العاديه انا عطياكى اتنين يعنى مفيش خوف وعملتلى سونار مهبلى تانى قالتلى الكيس بينكمش بس ف شويه دم حواليه هما الى عمليلى المغص وركبولى محاليل
وقالتلى لازم تباتى ف المستشفى قالتلى الى زيك يخلونا نعمل عمليات علطول ومنديش حقن لانكم تتعبوه الاعصاب وانا مستغربه احلفلها بليل انى بموت من التعب مش مصدقانى
كلمتنى بليل وقالتلى انتى بقيتى كويسه هخرجك الساعه 2
الفجر الممرضه بتقسلى الضغط لاقتها طلعت تجرى حابت االدكاتره ولقوه الضغط واطى والهبولجين اقل بعد ما كان 11 بقى 8 عملولى سونار تانى قالوا ف دم ببطنى كتير حصلى نزيف داخلى ولازم عمليه واتصلى على جوزك وانا بترعش من الخضه ازاى ودخلت العمليات وعملت عمليه فتح قيصرى طلعوه الجنين وعملولى تنظيف للبطن بس الالم فزيع يارب ما حد يشوف الى انا شوفته ده
والحمدلله الدكتور قالى مشلناش الانبوب لاقناه سليم ب سئلته ايه السبب قالى الله اعلم
ممكن انسداد ف الانبوب ممكن التهابات مش بيبان ف العمليه
طبعا انا الحمدلله بحمد ربنا على كل شىء والجرح بيموتنى بس مرعوبه وخايفه خصوصا انى مش عارفه هو الصح انهم يشيلوه الانبوب ولاالا
انا كتبت موضوعى علشان افضفض معاكم وعلشان افيد غيرى ان لازم المتابعه ف اول الحمل وابعدوه عن المثبتات ف الاول
وادعوووووووووووووووووووووووولى وياريت لو حد اتعرض للى حصلى ومشلش انبوب يطمنى لانى خايفه الموضوع يتكرر تانى بالله عليكم حد يطمنى
ويارب ما حد يشوف الى انا شوفته ابدااااااااا
اللهم اجرنى فى مصيبتى واخلفنى خيرا منها

شوشو مصطفى شوشو مصطفى 84646_19.gif فتكات ست الكل Fatakat 84646 دمنهور – فى قلب حبيبى وعمرى

انا الحمدلله قررت انى اعمل اشعه صبغه

وقررت اعملها ببنج ان شاء الله زى ما الفتوكه القمر اعظم حب قالتلى وفادتنى الحمدلله

واتصلت بالدكتور قاللى ببنج والحمدلله هروحله يوم الاربعاء صايمه وقالى اما تجيلى هديكى حبايتين مضاد حيوى

ومركز الاشعه تحته علطول

ادعولى يابناااااااااااااااااااااات اعملها ع خير واجى افيدكم وانا هعملها لان مسافره لجوزى خلاص

شيمو 555 شيمو 555 386470_2.gif فتكات رائعة Fatakat 386470 فى بلاد الله – مصر

بس الدكتوره اصرت كل ده انا لسه هاااديه لحد اما جم يجهزونى واخدوا حاجاتى وكل شويه يبصمونى على حاجه
وركبولى القسطره وهنا بقى خلاص اتوترت وكنت عاوزه ارجع فى كلامى هههههه

بس خلاص هاودى البنت فين لازم اولد بقى وخلاصجت دكتورة البنج ودى كانت اجمل حاجه ماشاء الله عليها اسلوبها حلو وهااديه بتهيألى كده يمنيه انا كنت ناويه اجرب النصفى شجعتنى
وبصراحه كنت متوتره جااامد وساكته خااالص من كتر الخوف بس الحقنه محستش بيها خاااالص
وجالى هبوط بس الدكتوره قالتلى شويه ويروح وقعدت عند راسى تمسحلى العرق من على راسى
شويه فعلا وكنت كويسه
ومحستش بأى حاجه من الجراحه
نكمل يابنات
المهم اثناء العمليه ماحستش بحاجه خاالص مع ان فى فتوكات قالوا ممكن تحسى بس من غير وجع …بصراحه كان بس جسمى بيتحرك كده معاهم رايح جاى بس
المهم طلعوا ياسو وانا بقى اول مره ابقى صاحيه كده وفضلت عينى معاهم وهما بيشفطوا لها وينضفوها
واول تعليق بصيت لدكتورة التخدير وقولتلها((الله دى قرعه))…هههههههه
اصل انا كان فكرى ان بنتى هاتطلع ام الشعور
طول الحمل وماما تقولى كلى تفاح …واكل تفاح ((طبعا هى عنها شعر بس بقى عشان كان مبلول وملزق كنت حاسه انها قرعه))
وكنت طلبت من الدكتوره تدينى حاجه مهدئه بعد اما اشوف بنتى ….بس من كتر ماكنت مبسوطه قاومت النوم ومانمتش كنت عاوزه اخرج بقى لجوزى ولعيالى
دخلت حوالى الساعه 4,5 وخرجت 5,5 وسابونى فى الافاقه شويه …ساعه كده ((معرفش ليه))
المهم كنت خارجه منشكحه اوى ….ايه ده معقوله ولدت خلاص؟؟؟؟
اول ماخرجت اسأل على العيال…..جوزى يقولى رفضوا يطلعوهم !!!!!! ليه ؟؟؟؟ هو النظام هنا كده
وكان فيه زوجة واحد صاحب جوزى وكانت عاوزه تبات بس بصراحه اتحرجت منها غير ان عنها ولاد صغيرين وليها بنت بترضع
طمنت جوزى وقلت له خلاص انا اخد المسكن وانام وهابقى كويسه
كل ده والبنج لسه شغال ومش حاسه بحاجه وخليته يلبسنى شراب وطرحه زى ما الفتوكات قالوا علشان الرعشه ((ربنا يجازيهم كل خير)) وفعلا ماحستش بالبرد قوى
البنت جوزى قالى هايجيبوهالى الساعه تسعه
الزياره انتهت الساعه 8 وكان بدأ البنج يروح قولتلوا نااادى بقى على الممرضه تلحقنى بالمسكن
جت الممرضه عطنى مسكن على الساعه 8,5 …….ولا عمل حاجه والوجع بيزيد
اتريهم مدينى ((باراسيتامول)) تخيلوا وانا انادى ياناس وجع مش قادره ….وللاسف الغرفه كانت مشتركه كمان جابوا واحده معايا على الساعه 9 هى تقول اه ه ه وانا ارد عليها اه ه ه
هاموووت ياناس وجع بقى فى الضهر والرجلين وسكاكين فى البطن
المشكله كمان ان معاد المسكن اللى بعده بعد 8 ساعات…..والبنج راااح خاااالص حتى القسطره بقيت مش مستحملاها
طب حد يجبلى الموبيل …عاوزه اكلم جوزى
وانا بهاتى ولا حد ساأل فيا
على الساعه 10,5 جابولى الموبيل….وكده كان بقالى خمس ساعات مخلصه العمليه ودكتورة البنج كانت قيلالى خلى راسك فى وضع مستقيم 6 ساعات بس انا بقى ماكنتش قادره الالم هايموتنى وعاوزه على الاقل اقعد او اغير هدومى واشيل القسطره
وانادى على الممرضات ودول رافضين …واقولها ياستى انا دكتوره ابدا…..طب على مسئوليتى …ابدا
وكل شويه واحده تزعق وتقولى انتى الوحيده اللى عاوزه تقوم
وفى الاخر جابولى دكتور وكان متفهم وقال لهم خلاص هى حره شيلولها القسطره…وكتب لى على مسكن ….بس طبعا الممرضات ماجبهوش((كانوا فلبينيات على فكره))
وبصمونى على ورقه وتمام كده قعدت ارفع السرير بالتدريج علشان مايجيليش هبوط
وطلبت من واحده منهم تناولنى هدومى سابتنى ومشيت وبعتتلى عامله هنديه مش بتتكلم عربى ولا انجليزى ناولتنى حاجتى
وتخيلول بقى قمت وقفت لوحدى والله الطرحه اتبلت كلها من العرق ((ونفسى صعبت عليا قووووى))….بس اختكوا بقى عناديه لاقصى درجه قومت ودخلت الحمام وغيرت لوحدى((اه والله))
وبقيت كده طول الليل احاول اقعد شويه او امشى شويه…والليله طووووويله مش عاوزه تخلص وطلبت الدكتور تانى قولتله عاوزه مسكن قالى منا كتبتلك …الممرضه الكدابه قالت له ان انا رفضت بس انا فهمت كلانها وكدبتها وجت زى الجزمه تدينى المسكن
اه نسيت اقول لكم لما خدت الموبيل اتصلت بجوزى جالى الساعه 10,5 واشتكى تحت فى الاداره وفى واحد طلع بس كلم الممرضات ومادخليش
وانا بقى مستنيه الصبح يجى بأى طريقه على الساعه7 الا ربع كلمت جوزى قولتله تعالى خدنى من هنا وهات معاك حقن مسكن….طبعا مع تغير ورديات التمريض كنت بسمع اسمى يلعلع بره وكل ورديه بتتكلم عنى للى بعدها
جوزى ياعنى جه على ملا وشه اشتكى تحت فى الاداره وطلع دكتور ….سمع منهم الاول وعدى عل اصحابه يهزر معاهم وبعدين جالى بقى
كل اما اجى اتكلم يقاطعنى ويغلطنى ومش مدينى فرصه خاالص لحد اما انهارت بلعياط انا عاوزه اروح انا تعبانه ومانمتش طول الليل ماشوفتش بنتى ولا رضعتها … جعانه وعطشانه (( منات صايمه من 4 الفجر اليوم اللى قابله– داغير انهم ماجبوش اى لبوس ولا حاجه تحرك المعده))
المهم الدكتور اتلخبط وقعد يهدى فيا ….وكان الدكتور اللى عمل العمليه بيعمل مرور خلاه يدخل يهدنى ومصدق هرب
والدكتور بتاع العمليه يأكد انه كتب مسكن قوى زى المورفين كده ومش مصدق انهم بيدوا باراسيتامول بس
اكمل بعدين بقى

صحبة الياسمين صحبة الياسمين فتكات هايلة Fatakat 916622 تبوك – المملكه العربيه السعوديه

مش عايزة منكم غير دعوه حلووووووووه ان ربنا يصلحلى الحال ويكملى ع خير ويرزقنى بالذريه الصالحة انا وانتو امييييييييييين يارب

كوكيتا قلب حماده كوكيتا قلب حماده 766129_2.gif فتكات هايلة Fatakat 766129 مدينة العشق – مصر ام الدنيا