صباح الخير يا فتوكات
انا عروسة جديدة و بعمل ستاير شقتى و اول مرة فى حياتى اعمل ستاير و ناس كتيرة اوى قالولى انزلى الازهر او الوكالة جيبى القماش من هناك
انا قولت اسأل جنب بيتى الاول سألت فى الغالى و الرخيص المهم رحت لراجل ارتحت لاسعاره اوى بس عايزة اعرف هلاقى ارخص فى الازهر و الوكالة ولا لاة هى هى
اللى تعرف يا بنات اسعار تانية تقول و متبخلش علينا
القطيفة السادة 25 ج
الفوال ب 10 ج
الاورجانزا ب 15 ج
حرير سورى منقوش 12 ج
فى قماش تانى زى الاورجانزا كدة و عليه كور قماش عادى ب 18 ج
المواسير بمستلزمتها المتر ب 25 ج
البلتكانة المتر ب 60 ج
التفصيل المتر ب 5 ج
المهم حسبلى 3 ستاير كلهم على بعض ب 1405 بالاسعار اللى بقولكم عليها و ده بعد الفصال
فصلنا تانى هيخصملنا 50 ج من اجمالى السعر
انا عايزة اعرف الاسعار ديه كويسة و ايه الغالى و السعر الحقيقى ايه علشان لو الفرق مش كبير مش هنزل الوكالة و لا الازهر اهو ثمن المواصلات هيروح فى الفرق
لكن لو الفرق كبير هنزل
مش عايزة واحدة تدخل من غير ما ترد و تدعيلى دعوة حلوة كدة زيها
التفاصيل فى المشاركة ديه
https://forums.fatakat.com/showpost.p…2&postcount=12
nooovy1 nooovy1 images/avatars/moon.jpg فتكات رائعة Fatakat 431486 القاهرة – مصر
