سبحان الله وبحمده.. سبحان الله العظيم
فى فتوكتين هنا عملت عشانهم الموضوع دا وكانو بيسالو عن حجات تخلى الاكل اللى ملوش طعم احسن ولما لقيت النصايح كتير وقولت اعملو موضوع للكل يستفاد بالمرة اعذرونى لو فى نصايح كانت عادية او عارفينها ومش جديدة بس اكيد فى مبتدئات ودى بالنسبالهم معلومات مهمة وكلها من انشائى
.. انا مش عاوزة حاجة غير دعوة بالزوج الصالح مش اكتر
قبل اى شىء استغفرى طول منتى بتطبخى
1-فحمة تولعيها عالنار وتحطيها ف فشر بصل وتحطيها وسط الاكلة وتنزلى عليها بسمنة بلدى وتغطى بسرعة (مع كل الاكل ما عدا الطبيخ)
2- الرز المصرى بيتعمل بشعرية لو مع طبيخ.. معمر باللبن والسمنة البلدى لو مع طواجن.. بالبصل والفلفل لو مع سمك (متسيبهوش سادة كدا)
3- استخدمى السمن البلدى والزبدة ديما
4- اخطر سر بقى هو ف التوابل هى دى اللى بتميز اكل عن التانى وبتخلى طعمه فظيع بجد زودى فيها وليقى لكل لحوم نوع توابلها
5- التوم للفراخ والسمك اما البصل للحمة يععنى مينفعش بصل لتتبيل سمك او توم للحمة لو هتعمليها مسلوق او طبيخ
6- الكمون روح السمك ومينفعش كتير مع اللجمة وينفع للفراخ
7- مع الفراخ لازممممم ورق لورى وحبهان وقرنفل وقرفة وكرفس ومستكة ودول كلهم مينفعوش مع اللحمة بيخلو طعمها فراخ
8-الفراخ هاتيها نتية ونضفيها كويس وتبيلها ببهارتها السابقة + لمون+زبادى + خردل ودهليها ف اسياخ وعلى الفرن ولما تطلع فحمة متسلقيهاش عشان السلق طعمها مش حلو اوى
9-هاتى رز بسمتى وتكونى ضايفاه على بصلة وتوم وجنزبيل متقلين فى سمنة بلدى وعليهم طمامط وشوربة تضيفى الرز هيبقى اطعم بمراحل
10- استخدمى المرقة لو هتسلقى فراخ او لحمدة او خضار
11- متطبخيش خضار او سمك متجمد طعمو مش زى الطازة حاولى تقربى للطازة
12- التوم بيطعم الاكل جداااااااااااااااااااااا وبيفرق كتير بس لو عرفتى توظفيه صخ
13- الاكل يتسوى على نار هادية
14- اى اكلة هتقليلها بصلة خدى بالك قبل ما تتحرق او تحمر اوى مش هتبقى حلوة
15- ودى حيلة.. لما تيجى تقدمى الاكل زينيه وحطى عليه ورد بالخضار والرز صبيه ف اطباق صغيرة واقلبييه ف الطبق عشان العين بتاكل.
16- لو طبختى اكل وطلع مالح بسرعة تجيبى بطاطساية وتقطعيها 4 اربع وتنزلى بيها ف الحلة هتمصلك كل الملح الزيادة
17-دوقى الاكل ديما ف كل مرحلة وشوفى عاوز ملح.. عاوز ايه بالظبت
18- الفلفل الابيض (زى الاسود بس طعمو احلى) والجنزبيل وخلطة الكفتو من ماى واى دول بيفرقو ف الاكل اوىىىىى
19- اعملى حساب ان فى حجات بتزود الملح ف الاكل فمتزوديش انتى ملح كمان الا لم تدوقى الحجات دى زى الصويا صوص والمرقة
20- الحاجة طالما لسة مشربتش ميتها او اتسبكت بتبقى عدبة لو استيتى شوية ملحها هيزيد لوحده فمتزوديش
21- اللحوم بتنضاف ليها الملح ف الاخر عشان متبقاش جامدة وتقلل وقت السوا
22-شوفى جوزك بيحب اكل مين واقفى جمبها واتعلمى منها
23- تبلى اللحوم او الفراخ من بالليل لو نفس اليوم مش هتلحق وقطعيها صغير عشاان نضمن انو اكبر قدر من التتبيل وصلها
24- الرز عشان يبقى مفرفر تغسليه كويس وكتير لحد ما ميته تبقى شفافة وحطى سمنة عشان الطعم وزيت عشان يبقى مفرفر
25-اللحم عشان ميبقاش ناشف وبيشد تقطعى اللحمة عكس اتجاه النسيج لو النسيج بالطول تقطعى بالعرض (وهى نية طبعا)
26- لضمان وصول التتبيل للفراح او اللحمة قطعيها قصع اصغر
27-دورى على بهارات اسمهاالتندورى وحطيها عالفراخ وادعيلى
28- الفحمة ثم الفحمة ثم الفحمةةةةةةةةةةةةةة ودا سر فظيع بجد وبيفرق جدا كانك شاوياها عالنار..بتفرق 360 درجة عشان كدا كتبتها مرتين
وامانة اللى تقرى الكلام دا تدعيلى بالزوج الصالح ف سرها حتى
وقيمو للبنات اللى لسة بيتعلمو عشان يستفادو مواضيع هذا القسم برعاية
ana-soso ana-soso فتكات هايلة Fatakat 779536 بلدى – بلدى
