ازيكم يا احلي فتوكات في احلي قسم في المنتدي
بعد تثبيت موضوعي اللي فات فتحتو نفسي وقولت انزلكم بالموضوع الجامد دا
وهو طريقه عمل رغيف اللحم بس طبعا علي طريقتي الخاصه وتحويله لطبق مفيد ومغذي جداً وصحي جداً
ودي صوره لشكل الطبق النهائي عشان افتح نفسكم
وكمان نسيت اقولكم انه طبق بجد يشرف في العزومات اوي
ندخل بقي علي المقادير
نص كيلو لحمه مفرومه
2 بيضه
2 معلقه شوفان
فلفل ألوان
بصله مبشوره او مقطعه صغير جداً
بسله وجزر / وبطاطس مقطعه مكعبات صغيره
كاتشاب / ملح / فلفل اسود
طماطم ترص في قعر الصينيه
ملحوظه / المفروض ان الآكلة دي تتعمل في القالب بتاع التوست وتقطع شرائح بس انا مكنش القالب عندي وقولت أتصرف واعملها في صينيه بيركس
ودي صوره المقادير مع بعض
الطريقه
نضع اللحمه في طبق ونضيف عليها البيض والبصل ونقلبهم كويس
وبعد كدا نضيف الشوفان والكاتشب
ونقلبهم كويس جداً جداً
وبعد كدا نضيف عليهم الفلفل الألوان ونقلبهم
وبعدين نجيب القالب بتاعنا او الصينيه ونفر فيها شرائح الطماطم بالشكل دا
وبعدين نضع عليها اللحمه وندخلها الفرن لمده نص ساعه او حسب فرنك
وبعد ما تستوي نقلبها وبتكون بالشكل دا
وبرجع ادخلها تحت الشوايه شويه عشان الطماطم تحمر وبدهنها بفرشه ومعلقه واحده زيت
ودا شكلها عند التقديم
يارب يارب الموضوع يكون عجبكم وتجربوها
علي فكره انا تعبت اوي في التصوير لان كان عندي عزومه بس قولت لازم انزل الطريقه لحبايبي
فلو الموضوع عجبكم ما تحرمونيش من تعليقاتكم وردودكم الجميلة
واي استفسار انا تحت امركم يا قمرات
علي فكره يا بنات انا حطيت بيضتين عشان لقيت البيضه قليله وحطيت خمس أكياس كاتشاب مواضيع هذا القسم برعاية
لوجا حبيبى لوجا حبيبى 1016834_1.gif فتكات رائعة Fatakat 1016834 جده – السعوديه
