ازيكوا يابنات انا قلت نكلم فى موضوع لايت كدة وكلنا بنموووووت فية
وهو أدوات العناية بالبشرة وأدوات الميك اب الى هنشيلها فى جهزنا
علشان نبقى موزز وقمرات انشالله
اهم حاجة نحقق المعادلة الصعبة وهى السعر المعقول والخامات العالية ,
انا هقلكوا كدة تقريبا الحجات الى هنحتجاها والماركات الكويسة وطبعاااااااااا
كل واحدة وامكنيتها واحتيجتها تمام يلا نبدأ.
(للعناية بالبشرة )
1. كريم نهار / كريم ليل . فى انواع كتير بس (اولاى) سعرها معقول
تقريبا 40 جنية وتعتبر ماركة كبيرة
2.ماسك مغذى +ماسك تفتيح . (اولاى) بردوا
3.سكراب أو سنفرة للتقشير فية نوع(نيتروجينا ) وفىه نوع فى اوريفليم
(اوبتيملز) انا جربتوة هايل بينور الوش وبيقضى على الخلايا الميتة
ولجميع انواع البشرة سعروة 42جنية بينزل علية عروض يوصل ل18ج
4.غسول لتنظيف البشرة . (كلين اند كلير, جونسون ) وفى نوع فى افون هايل
(افون كير3&1)غسول وتونر ومرطب سعروة 10ج فى العرض وفى نوع فى اوريفليم اسموة
(بيور ناتشورال)مضاد لللأكسدة بالرومان والأكاى ريحتوة تجنن وبينور الوش
وسعروة معقول بردوا لما بينزل علية عروض
5.صابونه شخصية فية (ديتول,وداى اند لايت) وانواع كتير فى حدود 10ج
6.مناديل ويبس (جونسون , كلين اند كلير) وانواع كتير
7.ليب بالم او مرطب للشفاة .طبعا حبيب الملايين(لابيلو) بحوالى 10ج او 12ج
على حسب المكان وفى طبعا بلسم الشفة بالفراولة ذا بودى شوب .
8.سكراب للجسم .طبعا هنجيب اى نوع يكون فروتى كدة خوخ فراولة
انا شوفت نوع كان تقريبا 40ج بس كبييييييييير نص كيلو 500جرام هيعيش يعنى معانا
حوالى 6شهور مثلا
9. شامبو طبعا وبلسم للشعر . العدد الى يناسب كل واحدة فى
انواع كتيييييييييير انا شخصيا بفضل (صانسيلك,دوف,هيربل اسينسيس)
10.شاور جيل طبعا (دوف) بيحقق المعادلة الصعبة بردوا سعر مقول
ونتيجتوة هايلة بيرطب جدااااااا وريحتوة لطيفة وفى انواع كتير فى اوريفليم
وافون حلوة فى اوقات العروض
ونجيب كام نوع تانى يكون على فروتى كدة علشان يعطر الجسم
11.الليفة المغربية والبلدى وفى الجوانتى كمان وفى الليفة بتاعت
(ذابودى شوب) بحوالى 30ج وبتعيش وشكلها شيك
12.مجموعة جونسون للترطيب (الزيت المعطر والبدى لوشن ) ونجيب كام نوع كدا
بتوع اوريفليم الى بيكونوا نفس ريحتوة البرفيوم وفى نوع فى بدى لوشن
فى افون اسموة(ناتشورال ) دة بالفراولة والجوافة رحتوة تجنن
13.البدى سبلاش والى ميعرفوش هو زى السبراى بس بيستخدم
على البشرة مباشرة بعد الشاور بيكون فى زجاجة بلاستيك كدة
وانواعة (فيكتوريا سيكرت) غنى عن التعريف بحوالى 70ج واماندا
وكازنوفا بحوالى 25ج وكازنوفا بتثبت فترة طوييييييييييلة اوى برائحة العود
والفانيليا والفراولة والخوخ والأيس كريم
14.ومجموعة foot works بتاعت اوريفليم وافون حلوة
15. ومجموعة الباديكير طبعا
ياريت الموضوع يعجبكوا وكل واحدة تشارك وتقول على انواع كويسة جربتها ؟
وعلى الأعداد الى ناوية تشتريها ؟وهتبدأ تجمعها من امتى قبل الجواز بقد أية؟
ونعمل جزء تانى للميك أب
ونفكر بعض بالحجات الى نسينها يلا يابنات
ساندرا احمد ساندرا احمد 628671_1.gif فتكات رائعة Fatakat 628671 القاهرة – مصر
سبحان الله و بحمده
