بسم الله الرحمن الرحيم
كل سنه و انتوا طيبين وكل رمضان وكلنا مع بعض ان شاء الله
النهارده جايبالكوا اكله جميله و خفيفه و سهله اوى
انا نزلت الاكله قبل كده بس مكنتش نزلت الصور و المره دى ان شاء الله تنزل ندخل فالجد بقى وبلاش رغى ههههههههه
الاكله دى اسمها الارز الملون بصوص اليخنى
المقادير
5 حبات طماطم وممكن تزودى لو عاوزه الصوص اكتر
2 كوب ارز
فلفل رومى
لحمه مقطعه مكعبات صغيره
و ماح و فلفل و مرقه دجاج و معلقه سمن و ذره سكر
الالوان ( لون احمر و اصفر ) دى الوان طبيعيه من عند العطار
الطريييييييييييييييييييييييييييييييييييييييييييييي يقه
هناخد الطماطم نغسلها و نقطعها على شكل علامه الزائد من فوق و نحطها فى حله فيها ميه و معلقه زيت و نحطها على النار لحد ما نلاقى الطماطم استوت و بقت طريه
و بعدين نطفى عليها لحد ما تبرد شويه وناخدها على الخلاط نضربها بالميه اللى فيها منزودش ميه تانى
فى الوقت ده نكون جيبين طاسه و حطيت فيها ملعقه سمنه و اللحمه و نقلب لحد ما يبقى فيها لون بنى شويه بس مش محروقه اه لتقولوا انا اللى قولت ههههههههههههههههههههه وجوزك يعمل كده
ونحط الفلفل اللمقطع تقلبتين و بعدين نحط الصلصه اللى ضربناها فالخلاط
ودى لما حطينا الطماطم
ونحط التوابل ملح وفلفل و السكر و نسيبها تتسبك ولما تتسبك لو لقينا اللحمه مستوتش نزود حبه ميه بس منعملهاش شوربه لا نزود حبه حبه لحد ما تستوى اللحمه و لما تستوى نسيب الصوص يتقل شويه كده و يبقى سمكه حلو
نيجى للرررررررررررررررررررررررررررررررررررررررز
هنعمل رز ابيض عادى بس و احنا بنزود الميه بتاعته نقلل ربع كوبايه هشان حنحطاها مع الالوان بعدين عشان ميعجنش
عملنا الرز وبقى تمام قبل ما نقفل عليه بعشر دقائق كده وهو لسه علانار هنجيب الالوان ربه معلقه من كل لون على حبه ميه صغيرين و ندوبهم كويس
والارز نكون مسوين الوش و نحط الالوان بالطريقه دى
و اوعو تقلبوا حطى الالوان و غطى الحله و سبيه بقى يكمل باقى الوقت اوعى تقلبى غير وقت الغرف
بعد ما الارز يستوى نقفل عليه بس ياريت يبقى على وقت الفطار عشان يكون سخن خلاص هنغرف نفلب الارز على بعضه
نيجى للغرف انا مصورتش الطريقه بس هشرحها هنجيب الطبق و كوبايه صغيره نكفيها على وشها على الطبق و بعدين نغرف حوالين الكوبايه الارز بحيث يبقى فى فتحه فالنص زى كده
على فكرهالفتحه دى المفروض نحط فيها الصوص بس انا مش بحطه فيها عشان منتلخمش و عشان لو اتبقى رز ميبقاش عليه صوص
اممكن نغرف الصوص فى طبق لوحد كده
ودى صوره كمان مع بعض
يارب الوصفه تعجبكوا و الله حتى شكلها بيشجع الاطفال على الاكل عشان شبه المكعبات هههههههههههههههه
متنسوش التقييييييييييييييييييييييم و الله بجد تعبت جداااااااااااااااااا مواضيع هذا القسم برعاية
sahabet hob sahabet hob فتكات متميزة Fatakat 928536 القاهره – مصر
