الوسم: المشيمه

انا حامل فى التامن والمشيمه من الرابع وهى تحت خالص ولحد دلوقتى مطلعتش لفوق انا كنت عند الدكتور امبار وقالى كل حاجه تمام بس المشكله الوحيده ان المشيمه واطيه اوى والبيبي فوقيها يعنى البيبي مدور وكله تمام بس مدور على الفاضى علشان المشيمه تحته يوووووووووووة انا مش عارفه افهمكو حاجه المهم انا كنت عايزة اسأل هل فى واحد عندها المشيمه كانت نزله لحد التامن وطلع قبل الولاده وولدت طبيعى ولا مش هتطلع كده خلص وهولد قيصرى ردو عليه بقى علشان انا خايفه مووووووووووووووووووووووووووووت انا ككنت عايزة اولد قيصري من الاول وبقول انها اسهل بس كل الناس خوفنى منها وبيقول الطبيعى اسهل فانا بقيت اقول ربنا يرزقنى ساعه ساهل اى كانت الولاده ردو عليه بقى اوعو طنشونى لحسن ازعل

اليس فى بلاد العجائب**** اليس فى بلاد العجائب**** 761610_4.gif فتكات رائعة Fatakat 761610 القاهرة – مصر

انا الحمد لله معايا دلوقتى ابراهيم عنده سنه وحامل كمان بفضل الله

طبعا حملت بعد الزواج مباشرة وكانت حاجه جديده عليا تماما ومش فاهمه اى حاجه فى اى حاجه

مرت شهور الحمل على خير بفضل الله وكنت عاديه زى اى واحده

بس المشيمه كانت نازله

وطبعا انا مكنتش اعرف هو ايه المشيمه دى

المهم الدكتوره اللى بتابع معاها قالتلى انها ممكن تترفع

ويقدر ربى انها مش تترفع حتى الشهر التاسع وطبعا كان ظهرى بيألمنى جدا وبطنى

وكمان بطنى مكنش شكلها طبيعى خالص لان البيبى كان تحت صدرى كله

مقرفص ومتكوم فى مكان واحد لان المشيمه بتاعتى مش طبيعيه وقافله الرحم تماما وحجمها كبير جدا

المهم فى نصف الشهر التاسع وفجأه كده نزل عليا دم بسيط طبعا قالولى ولاده

الدكتوره بتاعتى ست كبيره ومش بتولد

اضطريت اروح مستشفى عام من بتاعة الحكومه الله يهديهم

طبع كان لسه اول حمل ليا ومعرفش اى حاجه غير

ان ليا حقنه بعد الولاده hr

ودى مهمه جدا علشان مش يحصل اجهاد لو حملت تانى ان شاء الله

وكمان عارفه ان المشيمه نازله

ربنا رزقنى بدكتور حسبى الله ونعم الوكيل فيه ويتوب عليه من نعمة الدكتره

كان تقريبا مانمش طول الليل ومطبق ومش شايف قدامه

طبعا سألنى اول حمل — بتشتكى من حاجه سكر – ضغط —

الحمد لله مكنتش بشتكى من اى شئ

شاف السونار وبعد ما خلص راااااااااااااااااااااااااااااح

عاملى فحص مهبلى

وطبعا دا مينفعش مع المشيمه اللى نازله

للاسف جالى نزيف فى ساعتها وفضل يصرخ فى وجهى ويقولى مش تقوليلى ان المشيمه نازله

طبعا انا انصدمت وقلت خلالالالالالالالالالالالاص انا كده هموت وكنت بترعب بصراحه من كلمة نزيف دى

المهم ربنا يكرمه زى ما كرم السادات كده راح قايلى استنى شويه لما الدكتوره الفلانيه تيجى هتشوفك

وسابنى انزف وراح يفطر ويشر ب شاى

لما الدكتوره جت كنت انا فى الرمق الاخير لان نسبة الانيميا عندى مش مناسبه الولاده اصلا كانت حوالى 10 من الشهر الاول لحد التاسع مش زادت غير 5 من عشره فقط

يعنى كانت 10.5 ودى نسبه قليله جدا للولاده

المهم الدكتور فضلت تزعق هو مين اللى عمل فيكى كده وهو فييين

كل ده وانا الصدمه بتزيد وكنت هروح فيها

تقريبا راحت للدكتور وفهمت اللى حصل منه وطبعا كان لازم يلحقونى فورا لانى خلاص نسبة الانيميا بتقل كل ما النزيف بيطول

طبعا المفروض يحولولى دم علشان النزيف وسبحان ربى الاعلى

الفصيله بتاعتى مش موجوده على مستوى البلد كلها فصيلتى AB-

وكل اللى موجود موجب بس ومينفعش اخد من اى فصيله تانيه

زوجى خادنى لمستشفى خاصه يمكن يكون فيها حل للمصيبه اللى حصلتلى

طبعا عرضونى على دكتور كبير جدا وبعد ما عرف اللى حصل وشاف السونار

طلعنى بره الغرفه وفضل يتكلم مع اهلى ييجى ساعه ونصف تقريبا بيوضحلهم خطورة الموقف وانهم لازم يتصرفوا فورا

لان فى خطر عليا وممكن لا قدر الله يحصل حاجه وحشه

وكان الحل الامثل انى اسافر من الغردقه الى القاهر ه او اسيوط

لان كل مراكز الدم اللى فى الغردقه مافيهاش ولا كيس دم واحد ومستحيل يعملولى قيصرى الا باقل شئ 4 او 5 اكياس

لان العمليه خطيره جدا

المهم جابولى الاسعاف وفعلا سافرت من الغردقه للقاهره ويشاء ربى ان النزيف يتوقف لوحده

الحمد لله رب العالمين

وصلت المستشفى وكانت نسبة الانيميا 6 فقط

حولولى دم بسرعه وفهموا زوجى ان مينفعش تتعمل العمليه النهارده لان الدكتور المتخصص فى الحاله بتاعتى هييجى يوم الاثنين وانا كنت الجمعه

والا ممكن اى دكتور تانى وهيشيلوا الرحم

طبعا كلها صدمات ورا بعضها وانا خلالالالاص فوضت امرى الى الله

طبعا اتحجزت فى المستشفى لغاية يوم الاثنين وكل شويه محاليل وغيره علشان المضعفات

جينا بئا للييوم الموعود عرضونى على اكبر اخصائى للاشعه لان وضع المشيمه مش طبيعى وعملولى ييجى 15 سونار كل شويه اعمله

لحد ما زهقت منهم ومنى ومن الحمل والولاده

المهم

كان فى معايا 40 واحده هيولدوا قيصرى لان برده المشيمه نازله بس هما ما شاء الله كانوا افضل منى حالا

اخدوا كلهم بنج نصفى وقاموا بعد كام ساعه من الولاده وكلهم كويسين جدا

انا بئا اعطونى بنج كلى دخلت الساعه 10 فوقت من البنج والعمليه كلها الساعه 11 بالليل

طبعا كان كل ده فى حجرة العمليات بيحاولوا ينقذوا ما يمكن انقاذه لانى نزفت كتييييييييييييييييييييير جدا بعد الولاده

ولما فتحت عنيه لئيت محاليل كتير ودم وحاجات غريبه كده

والالم كان فظيع والله جدا ربنا ما يكتبه على حد ابدا

وسمعت الدكاتره وهما بيهنوا بعض بنجاح العمليه والحمد لله تمت على خيييييييييييييييييييييييير

طبعا المستشفى اللى كنت فيها برده حكومى وما ادراكم ما الحكومى

سابونى من غير مسكن وممنوع الاهل يدخلوا يشوفونى الا لما اطلع الدور الثانى

طبعا مشفتش حد منهم غير ثانى يوم يا دوب ممكن يبعتولى الاكل مع العامله اللى فى المستشفى

طبعا كانت مرحله صعبه جدا عليا بس سبحان الله كانت عظه وعبره ليا

شوفت الموت بعييينى واتشاهدت كذا مره

انا حكيت القصه دى كلها ليه بئا

علشان كل واحده تاخد بالها من نفسها وتحاول تعرف اكتر عن الحمل والولاده وكل حاجه مش فهماها تسأل عليها

وكمان موضوع المشيمه ده فى ناس كتير ربنا بيكرمها وبتعملى قيصرى عادى جدا ويتقوم ما شاء الله عليها

اهم حاجه العنايه كل واحده تاخد بالها من صحتها وبالذات الانيميا

اكتر حاجه بنحتاجها هى نقطة الدم

دورى على دكنوره كويسه تتابعى معاها وتفهمك كل حاجه بما يرضى الله حتى لو الحاجه دى هتقلق

برده اعرفيها احسن ما يحصل حاجه اكبر منها بجهلك

استعينى بالله واعرفى ان كل ما يصيبنا فهو مقدر علينا لا محاله

انا زوجى كان رافض تماما انى اولد فى وسط اهلى فى طنطا وكان مصمم انى اولد فى الغردقه

سبحان الله قدر ربنا انى اولد فى القاهره وبعد ما اخرج ارووووووووووح لاهلى برده

فانتى خالى توكلك على الله محدش يعرف الغيب الا هو

ادعى كتير جدا واعملى اعمال صالحه واحتسبى الاجر لان صنائع المعروف تقى مصارع السوء

كل شكة ابره احتسبيها هتكفر عنك سيئاتك وكل ألم هتحسى بيه هيرفعك درجات ان شاء الله

واخيرا

اسأل الله لنا ولكم دوام الصحه والعافيه وان يرزقنا بالذريه الصالحه المعافاه من كل سوء

دمتم فى امان الله

ام ابراهيم ونورين ام ابراهيم ونورين 795145_5.gif سوبر فتكات Fatakat 795145 الغردقه – مصر

اعمل ايه فيدوني …..نزول الدم ده في خطوره ع البيبي .. انا بحاول اريح بس معايا ولد شقي اووووي و مغلبني ..
. اللي ليه فكره عن الموضوع ده يقولي و يفدني مت خبرته سواء كمل او لأ بالله عليكو مع العلم البيبي فيه نبض …. انا بعيط كل يوم و مش عارفه افكر و اتخنقت

أم يوسف و إياد أم يوسف و إياد 236240_4.gif فتكات متميزة Fatakat 236240 القاهرة – مصر