الوسم: الاجهاض
دكتور لعلاج الاجهاض المتكرر 2024.
لو سمحتم ساعدونى محتاجه دكتور ضرورى لعلاج الاجهاض المتكرر
انا حصلى اجهاض اربع مرات أول مرة النبض توقف فى الاسبوع العاشر وعملت عمليه تنضيف ونزفت كتير جدا
تانى مرة كنت فى الاسبوع السادس والكيس كان ظهر والبيبى بس لسه النبض مكنش ظهر صحيت من النوم لقيت نفسى متبهدله دم جريت على الدكتوره لقيت الهرمون نزل جدا وبقا 20 وبعدها بقا 8 والحمد لله الحمل نزل لوحده بدون عمليه
ثالث مره زى أول مره برضو النبض وقف فى الاسبوع العاشر وعملت برضو تنضيف عشان فضلت ايام كتير بتعذب ومش راضى ينزل
وروحت عند الدكتور وقالى هتاخدى الحمل الجاى كلكسان وجوسبرين لسيوله الدم والحمد لله حصل حمل وكنت مواظبه على الحقن يوميا ومش بتحرك وكنت واخده بالى جدا والحمد لله برضو النبض توقف بس المرة دى فى الاسبوع ال 14 يعنى كنت دخلت الشهر رابع
الكلام ده كان فى شهر 6 الى فات والدكتورة طلبت منى اوقف الحمل لغايه ما جسمى يرتاح واعمل تحاليل مهمة
انا للأسف مغتربه والتحاليل الى طالباها منى بحوالى 8 الالاف ريال
ان شاء الله انزل أعملهم معلش انا طولت فى الكلام بس انا مخنوقه قوى ونفسى ربنا يكرمنى وأوصل لحل
الى تعرف دكتور شاطر تقولى او الى مرت بنفس الظروف تحكيلى عملت ايه
وأدعولى بالذرية الصالحه المعافاه
قطقوطه مقطقطه قطقوطه مقطقطه 404669_1.gif فتكات نشيطة Fatakat 404669 الرياض – السعوديه
سبحان الله و بحمده
الاجهاض 2024.
هل نظريتى صح بعد البحث عن الاجهاض وتسمم الحمل 2024.
السلام عليكم ورحمة الله وبركاتة معلش انا صدعتكوا انهاردة عارفة انى قلوقة وموسوسة ورخمة كمان انا كنت عاملة من شوية موضوع بخصوص ان البيبى ممكن يكون لاقدر الله ميت وكدة انا حامل فى اخر شهرين يعنى فى اخر التانى مش فى السابع المهم انا كنت عايزة اقولكوا على اعتقاد كدة وياريت تقولولى صح ولا غلط هوة لو واحدة حامل لحد مثلا قبل الاسبوع العشرين كدة لو البيبى لقدر الله بعيد عنى وعنكم مات فى بطنها بينزل دم فوار وفى الحالة دية بتعرف انو اجهاض ومبيحصلش تسمم لكن لو عدت الاسبوع العشرين يعنى بعد الخامس مش بينزل دم ولكن الجنين نبضة بيقف وحركتة وتكتشف صدفة بالسونار او من اعراض تسمم الحمل انو البيبى مات وساعتها مش بينزل دم وبيطر يتدخل جراحيا دة الى فهمتة لما عملت بحث وعرفت ان التسمم مش بيحصل قبل الاسبوع العشرين لانى خايفة يكون البيبى مات وانا مافيش اى اعراض لا لاجهاض يعنى مافيش دم ولا حتى افرازات صفرا ولا وجع شديد اة فى وجع من اول الحمل فى ظهرى وبطنى وناس قالتلى عادى هل تحليلى صح ولا غلط ياريت حد يقولى علشان الفكرة دايرة فى دماغى واكيد ردكوا هيطمنى
lookher lookher سوبر فتكات Fatakat 458943 بنها – مصر
سبحان الله و بحمده
احتاج دكتور نساء و توليد شاطر فى حالات الاجهاض 2024.
السلام عليكم و رحمة الله
انا بسأل عن دكتور نساء و توليد شاطر فى حالات الاجهاض المبكر فى او قرب منطقة المهندسين او حتى مستشفى بيجيها دكاترة شطار اتابع معاهم لانى حملت و حصلى اجهاض فى الشهر الخامس و بقالى 3 شهور بعدها لايوجد حمل و عايزة اتابع مع دكتور شاطر فى مثل هذة الحالات
و جزاكم الله خيرا
Andalus Andalus فتكات جديدة Fatakat 1083668 الجيزة – مصر
