الوسم: المجنونة

ايوااااااااا انا بالنسبالي الكرينة والتل دووووووووول كارثة ابدية ( عارفة ان في بنوتات هيختلفوا معايا بس هي دي الحقيقة )

شوفوا يا بنات يا حلوين عشان فستانك يكمل ويبقي أميرة بجد ، لازم يكون تقفيل الفستان ماشي معاه ( واكل منه زي ما بنقول بالبلدي )
في تناسق بين الالوان وبين نوع القماش كمان

انتي لا يمكن ابدا هتلاقي فستان فرح خامة قماشته قريبة من الكرينة ابدااااا
واول لما بتلبسي الكرينة ده بيقلل من قيمة الفستان جدااااااا

أوعي أوعي الله يخليكي تضيعي شكل فستانك بكدا الله يباركلك

كارينة نوووووووووووووو

نيجي بقي للكبير البدي التل …
بقت موضة قديمة جدااااا وشكلها بيبقي وحش (( بالنسبالي ))

أولا لان في فساتين خامتها متبقاش ينفع ليها تل
زي الفساتين اللي بتكون قماش ستان او جبير ..
دي كارثة لو لبستي ليها تل

غير انك بقي لو مليانة شوية شكرااااااااااااااا

وحتي والله لو مش مليانه تلاقي البدي بقي في حزوز وشفاف وتطري تعمليه طبقتين ويفضل الطبقتين يكلكعوا مع بعض وفي النهاية بيكون شفاف وتلبسي كارينه وخمسميت طبقة واحنا مش ناقصين حجم اصلا

شوفوا كدا …

طيب وبعديييييييييين ؟؟
ايه هنرمي فستان الاميرة ؟؟؟
ولا هنبقي بشعرنا وخلاص ؟؟

تعالي هنا انتي وهي قال تبقي بشعرك قال !!!

بصوا يا حلوين اهم حاجه في التقفيلة انها تكون ماشية مع الفستان ..

ارجوكي متقبليش اي بدي من عند الاتيليه وخلاص
( دي ليلة العمر يا حلوييين لازم تكوني احلي اميرة )

حتي يا ستي لو فستانك فيه تل وهتعملي بدي تل متاخديهوش من عندها وخلاص كدا
لا لازم تجيبي درجة التل نفس درجة الفستان

وبدل ما تعملي طبقتين تجيبي بدي كارينه وتخلي الراجل يمشي عليه بالتل ساعتها هيكون مداري وفي نفس الوقت مش مكلكع لانه هيكون مفرود جدا علي الكرينة

وتخليه بقدر الامكان يداري حزوز الكتف وكدا
وتروحي انتي بنفسك تشتري التطريز ويكون اقرب حاجه للفستان وياريت يكون تطريز سمبل جدااااا

وحدات بسيطة خالص بمعني اصح

طيب انتي لو فستانك علي ستان
في تقفيلة حلوة جدا لو انتي مش عاوزة تل تمشي موت علي الستان
وياريت بقي لو كان ستان سمبل .. بجد التقفيلة دي عليه مقلوكووووش تحفة

وهي دي ( التقفيلة الشيفون )

بجد يا بنات بتكون ملهااااااااااااااااااااااااش حــــــل

أد ايه بتكون تحفة في اللبس وبتخليكي اميرة بجد

وهي بتتثبت علي الوسط علي فكرة … وااااو بتكون تحفة

او بقي لو انتي فستانك جبير وهتعملي تقفيلة جبير
او لو فستانك ستان و هتعملي التقفيلة ستان بدل الشيفون
سواء كانت بدي او بوليرو
( مع اني شخصيا لا احبز البدي خالص )

في كتير أشكال حلوة اووووووي المهم انها تكون ماشية مع قماش الفستان زي كدا مثلا

واخدين بالكم يا حبايبي اد ايه البوليروه بيكون ماشي مع الفستان وتفصيله

اتفرجي علي الصور تاني كدا وشوفي اد ايه القماش ماشي جدا مع الفستان
حتي لو مش نفس النوع بس تكون واكلة معاه

طيب يا حبايب قلبي في حاجه بقي انا عاوزة اخليكم تاخدوا بالكم منها بيقع فيها معظم العرايس وعن تجارب شخصية

حبيبة قلبي لازم تاخدي بالك انك محجبة وتراعي ربنا في البوليروه

ولازم تاخدي بالك وانتي بتفصليه لازم يتعمل تحته بدي علي الاقل شابونيز عشان يداري رقبتك من قدام وكمان عشان لو رفعتي ايدك في الفرح ( الابط ) ميبنش

دي يا جماعة نقطة بتقع فيها كل العرايس بدي لو حتي نوعه ايه بس يكون مداري جسمك كله

زي كدا

بحيث يكون كله مداري يا بناويييت

ياله بقي يا بطوطات

اتفرجوا وقيموا لحد ما اكمل المشاركة اللي جاية باقي الموضوع واستنوا افكار روعة هتحجبكم

التقييييييييم تحت اهو متكسلووووش خليوا كل البنات تستفيد

بحبكم جميعا في الله