ازيكم يا فتوكات يااااااارب تكونوا كلكم بخير
من غير مقدمات او رغى كتير هقدملكم الكاتشب من مطبخى بطريقة
سهلة جدااااااااا ان شاء الله واى فتوكة ولو مبتدئة تقدر تطبقها
وناجحة باذن الله
وزى ما عودتكم دى صورتة اتمنى تعجبكم
ها نبدا
بطرمان صلصة
2 بطرمان مية
4 فص توم سليم
4 قرنفل
4 حبهان
12 كوب خل
12 معلقة ملح
2 فنجان صغير سكر
معلقة كبيرة نشا
حلة عالنار وهحط فيها الصلصة والمية واسيبها تغلى وبعدين انزل
بال (( التوم سليم والحبهان والقرنفل والسكر والملح والخل ))
واسيبها عالنار هادية لغااية ما تتسبك زى اى صلصة عادى خالص
هتبقي بالشكل دة
هندوب معلقة النشا فشوية مية صغيرين جدا ونضيفها ونسبها تغلى
تانى دقيقتين بس هنلاحظ انها تقلت وبات بالشكل دة
هنطفى النار ونسيبها تبرد خااااااالص ونكون معقمين البطرمان باننا
نغسلة كويس ونشفة ونشغل الفرن 10 دققايق ونطفية ونحط
الباطرمانات ونسيبها لغاية ما الفرن يبرد ( دة بيمنع تعفن اى شيء
حطاة فالبطرمان) انا بعمل كدة فاى حاجة بحطها فبطرمانات
ونعبية بالشكل دة
انا بحتفظ بالبطرمانات عندى الزجاج وبعقمها واشيلها ودة كان عندى
ودة شكلة فالطبق
جربوة يا بنات والله طعمة جميل جداااا وزى الجاهز بالظبط وطبعا
ضامنة نضافتة
كل تمنياتى ان موضوعى المتواضع يعجبكم وجربية حتى لو نص الكمية وان شااء الله تدعيلى
فالختام لا اطلب منكم سوى الدعاء لى بصلاح حالى او اى دعوة حلوة من قلبكم
ورجااااااااائي منكم ردك وتقيمك مهم جدااااااا بالنسبة ليا والله
فمتبخليش عليا بية
نقول تااااااااانى
اى استفسار تحت امركم
اختكم …….ايمى
https://hla7.com/index.php?q=uggc%3A%…0403071699.tvs
مواضيع هذا القسم برعاية
ايمى 555 ايمى 555 465116_6.gif سوبر فتكات Fatakat 465116 مصر – القاهرة
