الوسم: القيصري

متخافيش اوي كده بسيطه ان شاء الله

مـا المقصـود من الولادة القيصريـة ( Caesarean Section )

تتم عن طريق إجراء فتحة في جدار الرحم

واستخراج الجنين دون المرور عن طريق الجهاز التناسلي

تنقسم الولادة القيصــرية إلى قسمين

1 – منها مايتم تحديده مسبقا مع الطبيب ( قبل موعد الولادة المحدد )

2 – ومنها ما هو طارئة

ولكـل منها أسباب وظـروف خاصـة بها سيتم ذكرها لاحقا

أتاح التقدم في أجهزة التخدير والتعقيم والخيوط الجراحية والمضادات الحيوية

إجراء العمليات القيصرية بأكبر نسب نجاح

وكبديل أكثر أمانا من الولادة بالجفت أو الشفاط

التي يقوم بها أطباء التوليد مما يؤدي في معظم الأحيان إلى عاهات وإصابات للأطفال.

_ كما أنه أدى إلى تجنب حدوث التهابات أثناء وبعد الولادة

وسرعة التئام الجرح، واختفاء الإلتصاقات التي كانت تحدث في الماضي.

_لكن الولادة الطبيعية عن طريق المهبل لا تزال هي الأفضل

لكن أولا لنـعرف ….

ما لمقصـود من مضاعفات الولادة المتعثرة

التي قد تتعرض لها الأم وتستدعي اللجوء للقيصرية

الولادة المتعثرة لها مضاعفات على الأم والطفل نذكر منها :

_حدوث إصابات وجروح بالجهاز التناسلي ( تمزق الرحم والمهبل

وحدوث التصاق بجدار الرحم )

أو انفجار الرحم مما يؤدي إلى نزيف حاد بعد الولادة أو حدوث حمى النفاس ووفاة الأم

ـ كما تؤدي الولادة المتعثرة إلى مضاعفات خطيرة على صحة الطفل

نتيجة حدوث اختناق للطفل أو نقص الأوكسجين الواصل إلى مخ الطفل

مما يؤدي إلى إصابات الجهاز العصبي والعضلي (شلل في بعض أعضاء الطفل

أو حدوث تخلف عقلي أو نزيف المخ ووفاة الطفل )

وهذه المضاعفات تؤدي إلى ارتفاع معدل وفيات الأم في أثناء وبعد الولادة

ومن خلال الولادة القيصرية أمكن تفادي هذه المضاعفات، والحفاظ على صحة الأم والطفل

" التشخيــص و تحديد نـوع الولادة "

أهم شيء يجب أن تعرفينه هو أن الولادة القيصرية هي إجراء طبي

لحماية حياة الأم والجنين عندما يكون نزول الطفل بالطريقة الطبيعية أمراً غير ممكن

هناك حالات طبية معروفة تجعل اللجوء للولادة القيصرية أمراً ضرورياً

لكن تذكري أن طبيبك هو الشخص المناسب لتقرير ما إذا كانت حالتك تتطلب

إجراء ولادة قيصرية أم لا

_وذلك بما يتيح له التقدم الطبي الملحوظ في مجال التشخيص المبكر للمشكلات

الصحية التي تتعرض لها الأم والجنين من خلال أجهزة الموجات فوق الصوتية

والدوبلر والجهاز رباعي الأبعاد والذي يكشف عن وزن الطفل …..وغيرها من الأمور

_ويجب على أخصائي النساء والتوليد المشرف على الحمل التشخيص المبكر

لهذه المشكلات الصحية، وتحديد نوع الولادة التي ستخضع لها الأم

تجنباً للولادة المتعثرة ومضاعفاتها….

وبالتالي التعرف على مشكلات الحمل من البداية

وتحديد نوع الولادة دون انتظار مفاجآت فى أثناء عملية الولادة .

" متى يلجأ الطبيب للولادة القيصريــة " ( النـوع الأول من الولادة القيصرية ) "

_ يلجأ الطبيب للعملية القيصرية عندما تشكل الولادة الطبيعية خطراً على الأم والجنين

أكثر من خطر العملية في حد ذاتها وهذا النوع يتم تحديده مسبقا

لأسباب منها :

1-ضيق الحوض أو وجود ورم ليفي في طريق مرور الطفل في الولادة الطبيعية.

وهنا أود أن أتوقف عند هذه النقطة المهمة…

فالولادة القيصرية بسبب ضيق الحوض كما يسمى أو عدم تجانس

رأس أو جسم الجنين مع حوض أمه.

(لا يعني بالضرورة أن تكون الولادة القادمة عن طريق العملية القيصرية

وببساطة الجنين الذي وزنه مثلاً أربعة كيلوغرامات أو أكثر لا يستطيع

اجتياز حوض الأم لكن الجنين الذي وزنه 3.5 كيلوغرامات

يستطيع اجتياز نفس هذا الحوض)

2- ارتفاع ضغط الدم وإصابة الأم بتسمم الحمل يلزم إنهاء الحمل

في الشهر الثامن بالعملية القيصرية

3- كما ينصح الأطباء الأم التي أجرى لها عملية قلب مفتوح أو نقل كلية،

أو الغضروف أو استئصال ورم بالمخ.

بأن يتم توليدها قيصرياً لتفادي متاعب الأم مع (طلق) الولادة الطبيعية

4_ إذا كان رحم الأم قد تعرض لعملية جراحية غير العملية القيصرية

مثل استئصال ورم ليفي كبير

5_ إذا كانت المشيمة منزاحة نحو أسفل الرحم

6_ إذا أجريت للام عمليتان قيصريتان سابقاً، مما يجعل الرحم أكثر

قابلية للانفجار في حالة وجود ألام وانقباضات الطلق الشديدة

7_ حالات زيادة وزن الطفل أكثر من أربعة كيلو جرامات

8_ السمات الجسمانية للمرأة تلعب دوراً في تحديد نوع الولادة أيضا

فقصر القامة يصاحبه ضيق في أبعاد الحوض والولادة قيصرياً

تكون أفضل لها عند البعض

9_ كما أن الوزن الأمثل لزيادة الوزن أثناء فترة الحمل لا يزيد على

12 كيلو جراما لكن السمنة المفرطة يمكن أن تؤدي إلى مشكلات

الولادة العسرة، وتشمل مضاعفات الولادة المتعثرة أيضا

10_ الأوضـاع الغير طبيعية للطفل

_ كبقاء الطفل حتى الشهر التاسع في الوضع غير الطبيعي للولادة

إذا كان الجنين مستعرضاً تقدم بالقدمين والمقعد "مجيء مقعدي ….

وكذلك في حالات التوائم الملتصقة.

حمل ثلاثة توائم أو توأمين الأول مستعرضًا

" العمليـة القيصريـة المستعجـلة أو الطارئة "

Emergency Caesarean section

ومن خلال اتخاذ الطبيب القرار بعمل الولادة القيصرية أثناء الولادة

يمكن من خلالها إنقاذ الحياة حينما تطرأ تعقيدات منها …

_ التأخر في توسع عنق الرحم، ومعاناة الجنين داخل الرحم

والتي تتمثل من خلال عدم انتظام وتباطؤ ضربات قلب الجنين

_ النزيف الرحمي الشديد أثناء الولادة بسبب انفصال

المشيمة أو لأي سبب آخر

_ تدلي أو هبوط حبل السرة خارج الرحم وما يترتب عليه

من معاناة الجنين داخل الرحم

_ إذا كان رأس الجنين أكبر من أن يستطيع اجتياز حوض الأم

على الرغم من توسع عنق الرحم توسعاً كاملاً.

_ حين يسبق حبل السرة رأس المولود أو تغطي المشيمة عنق الرحم

" شرح مبسط لخطوات العمليــة القيصريـــــة "

تستغرق الولادة القيصرية ما بين 45 إلى 60 دقيقة

يتم إخراج الطفل خلال أول 5 أو 10 دقائق

وبقية الوقت يستغرق في خياط الجرح وتضميده

_تتم العملية عن طريق شق جداري البطن ومن ثم الرحم لإخراج الطفل والمشيمة

_ بعد إدخال الأنبوب في يد الأم لإعطانها بعض الأدوية أذا تطلب الأمر

1_يتم تعقيم البطن وحلق شعر العانة

_ إجراء بعض الاختبارات الدم وغيرها

2_ التخديـر

يتم استخدام مخدر كلي أو مخدر الإبيدورال لتخدير الجزء السفلى

إذا تم التخدير عن طريق الإبيدورال، فستكونين واعية طوال مدة الولادة

وسترين طفلك بمجرد نزوله.

3_ إدخال قسطرة إلى المثانة لتصريف البول أثناء الجراحة

4 _ يقوم الجراح بشق البطن يتم عمل فتحة أفقية في بطن الأم

وفي الرحم ويتم إخراج الجنين

إما بشكل عمودي أو مستعرض لكن الشق البطني عادة يجعل

بشكل مستعرض منخفض في خط شعر العانة

لأنه أكثر أمانا ولا يضعف الرحم في الحمل اللاحق …

ويسهل إخفاءه عاده ويعرف بخط البيكيني )

5_ يفتح ( شق ) الرحـم

6_يتم إخراج الطفل والمشيمة من خلاله

6_ يتم خياطة الشق …

عادةً تكون الغرز داخلية من النوع الذي لا يحتاج لفك
والغرز الخارجية يمكن أن تكون من نفس النوع أو النوع الذي يحتاج إلى فك

في كلتا الحالتين سيكون مكان الجرح بسيطاً

ملاحظة

يكون الحمل الثاني بعد العملية القيصرية الأولى بعد فترة معقولة

لا تقل عن سنة حيث تستعيد الأم صحتها وعافيتها

أما طريقة الولادة فممكن أن تكون ولادة طبيعية وليس من الضروري ان تلد قيصري من اخري الا اذا كان هناك اسباب وبدون أي مشاكل.

لا يعني ذلك بأنها ستحتاج إلى القيصرية ثانية بالضرورة. كما أن كثيراً

من النساء يخضعن لولادة قيصرية،

لأن الطفل يكون متمدداً بوضع عمودي (أي قدماه إلى الأسفل بدلاً من رأسه)

ثم تتم ولاداتهن التالية بصورة طبيعية، إذ يكون رأس الجنين متجهاً إلى الأسفلاسأل الله الســـــــلامة والولادة الطبيعية لكل حامل

اهم شي متنسوش تتدعولي بالحمل في في تؤم ولدين سليم معافي بدون زياده او نقصان يعوضني ابني اللي توفي

روينا1 روينا1 images/avatars/pacifier.jpg سوبر فتكات Fatakat 73938 الهرم – مصر

فى البداية حابة اقول انى كنت مسافرة برة مصر وسبت جوزى ونزلت تابعت هنا فى مصر من الشهر السابع ..
فى الاول كنت خايفة من السفر وانه يجرى حاجة للبيبى خصوصا انى لبست واسع وماختش رأى الدكتورة لانى كنت كارهاها لانها كانت جنسية تانية مش عارفة اتعامل معاها وكلامها محدود وديما زحمة.وكان مفروض طبعا استأذنها بس انا ماعملتش كده وماانصحش اى حد انه يتصرف ويسافر بدون مايرجع لدكتورته ..
المهم
كل حاجة كانت تمام اوى .. واجهتنى مشكلة الانيميا وطبعا اتحلت بامبولات تتاخد عن طريق محلول فى الوريد والنسبة الحمد لله بعد ماكانت تحت 9 بقت 10 ..يعنى اللى بيخافوا ويقلقوا من الانيميا مايقلقوش كل حاجة ليها حل..

وبعدها كله الحمد لله يعنى اتظبط بس جينا على التاسع فى اوله والراس كانت فوق وبجد حسيتها محشورة تحت القفص الصدرى بجد الم فظيع كنت بتحمله بالعافية …وطبعا الدكتور قال لى ماتمشيش عشان كيس المية مايتفتحش وفيه امل انه يتعدل وربنا يسهل..

طبعا ماسكتش دخلت على اليوتيوب وشفت تمارين لقلب الراس وفعلا عملتها واتقلبت بس فضلت عالية والدكتور قال كويس وابتدى امشي..

قعدت امشى كل يوم وطبعا عارفة انه لازم فى الشهر التاسع اكتر من العلاقة الزوجية وللاسف انا كنت ف مكان وجوزى فى مكان بس برضه خليت عندى أمل بس لاجالى طلق ولا علامة ولا اى حاجة ولا الراس نزلت..وفضلت امشى وامشي لحد قبل التاسع مايخلص بيوم.

الدكتور طلب منى اشعة دوبلر"دى اللى بتبين الاكسجين اللى واصل للجنين وتفاصيل تانية تثبت ان البيبى كويس ووضعه كويس" للاسف دكتور الاشعة لقى المية معكرة وقال لى انتى على الاخر اخرك يومين وتولدى ودكتورك أدرى.

رحت لدكتورى قال لى انتى لازم بكرة الصبح تولدى بالكتير اووى ..
اترددت ورحت مركز أشعة تانى قال لى انتى المية معكرة ولازم تولدى بكرة بالكتيييييير اووى.. رحت قلت خلاص انا مش هعرف انام واتصلت بالدكتورلو ينفع نعمل العملية فى نفس اليوم بدل تانى يوم قال لى مافيش مشكلة وادانى معاد..

رحت ..طبعا عكس ماكنت بتخيل نفسي..والزمن وقف بيا مش عارفة بيجرالى ايه..كنت مخططة للطبيعى وفجأة هدخل اوضة العمليات برجليا..

طبعا اول مادخلت المستشفى الممرضة خدتنى من ايديا على العمليات وانا جيت على الباب قلت انا مش عايزة اشوف اوضة العمليات بنجونى هنا فدكتور التخدير قال خلاص ادخلى بضهرك وحب يضحكنى وفعلا شال الرهبة منى حسيت انهم عيلتى..

كنت عبيطة جدا سألنى انتى عينك خضرا قلتله لأ قال لى طب ماانا عارف…وانا اصلا عبيطة جداااااااااا انى رديت كده ..قبلها الممرضة جهزتنى ونمت على سرير العمليات…والدكتور برضه قعد يسألنى انا حافظة الفاتحة ولا لا وقلتله حفظاها قال لى سمعيها وانا زى العبيطة سمعتها ..وجه وادانى البنج انا طبعا ماكنتش عارفة هاخد بنج كلى ولا نصفى .فسألته قال لى انتى ماينفعلكيش نصفي هنلاقيكى بتصرخى انتوا بتعملوا فيا ايه ومش بعيد نلاقيكى قيمالنا..وادانى البنج وفجأة اتشاهدت والدنيا لفت لفة (يعنى ماتخافوش نهائى من موضوع غرفة العمليات والكلام ده-الدكاترة هناك تحسيهم عيلتك وبيطمنوكى- انا اكتر واحدة كنت بترعب على فكرة ) وبعدين فقت على وجع جامد وقعدت اصرخ واقول "ادونى مسكنات" (كنت بخرف) ..الوجع كان الحمد لله ممكن انى اتحمله مش وجع سوووووبر لا ..بس فيه وجع…وطبعا خرفت فى البنج كتير وسابونى من بالليل للصبح..جينا تانى يوم بجد مش قادرة اتحرك لا يمين ولا شمال كان نفسي اتقلب مش عارفة الصبح شالولى القسطرة ..وماما جابتلى عصاير وقعدت تشربنى والممرضة جت ادتنى لبوس ومسكنات وغيرتلى وحمتنى تقريباا (مضطرة)وطبعا اللبوس ده عشان يظبط حركة الامعاء وطبعا احتجت اروح الحمام ودى كانت لحظة مريرة قلت ازاى هقوم كل ده واقعد لوحدى والحمد لله برحمة ربنا المسكنات كانت مخففة الالم شوية وقدرت اروح التواليت بنفسي ورجعت على السرير وادونى ابنى عشان ارضعه ..انا عارفة انه ماعنديش لبن بس قالولى انه محاولاتى بتحفز الرضاعة وانا كنت واخدة معايا المستشفى مخدة الرضاعة بجد اختراع ياكوتش ريحتنى كتير اووووووووووووى وكمان سترة الرضاعة كنت واخداها عشان ماابينش نفسي لحد..وشوية واديهولهم تانى

هتسألوا ابنى كان بيتغذى ازاى؟ كانوا بيدوله اعشاب فى سرنجة انا كنت رافضة موضوع الببرونة نهااااااااائى خفت يفضلها عن صدرى وفضلوا يدوله بالسرنجة وانا احاول كل مااقدر"
وحاولت اقوم اتمشى شوية على قد مقدرتى..
المهم الدكتورة جت شافتنى وكنا المفروض نروح..نزول سلم المستشفى ماكانش صعب .اللى كان صعب شوية هو ركوب العربية ونزولها بس نفسيتى اتحسنت اول اما وصلت البيت.
برضه طلوع سلم البيت ماكانش صعب الحمد لله احنا فى الدور التانى.ارتحت اوى لما رحت على سريرى وحاولوا يأكلونى وخت مسكناتى ونمت..والحمد لله مع مرور الوقت وبالمسكنات ببقى احسن..
الحمد لله كل يوم احسن اووى عن اللى قبله ..وفى خلال اسبوع (لان اكلتى ضعيفة وبطلت اتمشى فى الشقة ماعدا الحمام) الحمد لله بقيت احسن واحسن واحسن كتيييييييير اووى..والحمد لله اللبن نزل بعد 3 ايام من الولادة وابنى كانت ممتى وقفت انها تديله اعشاب بالسرنجة وبقت تديله بالقطارة والحمد لله اللبن نزل..

عن اول ايام مع ابنى كان بيعيط كتير ويصرخ مهما حاولت ارضعه او غيرتله وده طبعا كان لان نفسيتى زفت لان كل اللى حواليا كانوا محسسينى انى ام فاشلة وبيدونى نصايح وارشادات طول اليوم..بس عرفت سر راحة ابنى
"حضنى" حتى لو كنت تعبانة بقيت احاول اديله حضنى واضمه ليا كان بيرتاح وينام.بس ساعات كان بيصحى بالليل او بعد الفجر وكنت بديه لوالدتى ربنا يباركلها ويخليهالى ..كنت ببقي محتاجة انام…الامور اتحسنت لما نصايح اللى حواليا وقفت عشان كده لازم تنبهوا ان ماحدش يتدخل فى اسلوبكم الا المقربين مش كل من هب ودب وزار..

اه حاجة كمان بالنسبة للدم "النفاس" فى اول ايام بيبقى ضعيف لكن فجأة بيزيد لازم تعملوا استعداداتكم بفوط مناسبة وماتفتكروش انه هيفضل قليل على طول لأ..

انا عشان الدم الكتير حاجة تمتصه كنت بحط فوطتين "لوتس فوق" "والويز الماسية تحت" كأن الاتنين متوصلين ببعض..بس للاسف كان بيقل فكنت برجع احط فوطة واحدة وارجع تانى فجأة اصحى الاقينى متغرقة..ارجوكم ماتنزعجوش وماتكتأبوش ده عادى فترة وتعدى ما تكتأبوش من عياط البيبي
.
ولو ولد حاولوا انه يحصل ختان فى نفس اليوم وطبعا بعد رأى دكتور الاطفال بيبقي افضل.

عارفين اجمل لحظة ايه؟ لما تنيمى ابنك وتشوفى منه اول ابتسامة وهو نايم بجد هتنسى حاجات كتير..

ياا انا كنت فين وبقيت فين.كنت حاسة ان الحياة سودا بس الحمد لله نسيت العملية وكل حاجة وبقت اهم حاجة ابنى وبس..وبقيت اصحى وانام معاه..يمكن بنام قليل بس انا باصة لادام انه ان شاء الله بكرة يكبر شوية وينام الليل كله وانه عشان كده الجنة تحت اقدام الامهات..

خلاصة الكلام عشان الرغى
1-اوضة العمليات مش بعبع لا عادى خالص كأنك داخلة تضحكى جوه اصلا
2-خدى بالك لو ختى بنج كلى عشان ماتخرفيش زيـى هههه

3-الجرح وجعه مش اووفر لا سهل التحمل ومع المسكنات الحمد لله

4-ابنى غذيته بالسرنجة والقطارة اعشاب

5-حاولت ارضعه من تانى يوم

6-كل يوم احسن من اللى قبله لا كل ساعة احسن

7-خدى بالك ان دم النفاس ممكن ينزل كتير فاستعدى

نسيت اقول انى اضطريت ادى ابنى تتينة وساعدتنى كتير
8-ابتسامة ابنك بالدنيا

(ماتنسيش تخلى حد يصورلك النونو بعد الولادة مباشرة ان شاء الله وكمان صريخه فيديو ) وصوري حركاته فيديو وكمان صوريه كتيير ..
لو كنتم استفدتم ادعولى ربنا يباركلى فى ابنى وينبته نبات حسن .وربنا يقومكم بالسلامة يارب

نسيت اقول انه فى الاول كان عندى هاااااااااجس من كل حاجة حتى الميك اب والبرفان انهم يسببوا تشوهات للجنين وكنت بقلق نفسي اوووووووووووووووووووى وكل حاجة اخاف لكن الحمد لله كلها هواجس اللى يخوف بس الدوا واى شىء لايسمح به للحامل غير كده عادى ! كمان كان عندى احساس انى هموت من الولادة هههههههههه وده طبيعى جدااا .. كلها اوهام وخزعبلات .ياريت لو حد فيه فى دماغه افكار سلبية يطلعها بلاش يضيع لحظات حمله فى اوهام وكمان الدكتر قال لى انه هيطلع قصير لانه طول رجليه قصير وموتنى من الرعب دماغى قعدت تودى وتجيب وقلت انه هيطلع مشوه والحمد لله ماشاء الله اهو ابنى الحمد لله سليم..واتصوروا كتير وانتوا حوامل انا مااتصورتش وندمانة جدااا .ربنا يباركلكم وشكرا لكل اللى دعالى ربنا يقومكم بالسلامة يارب

ماتنسوش التقييم

Habebet Enny Habebet Enny فتكات متميزة Fatakat 791402 قلب جوزى – السعودية