الوسم: العملية
السلام عليكمالله يكرمها ويخليها ويسعدها وينولها اللى ف بالهاويخليلها ولادها اللى ترد عليا وتفيدنى لوجه الله
█ريلاكس*عملت العملية الحمد لله █ 2024.
السلام عليكم ورحمة الله وبركاته
حبايب قلبى القمرات
وحشتووووووووووووووووووووووووووووووووووووووووووووون ى بقالى كام يوم مفتحتش
اخر موضوع عملته كنت طالبة منكوا تدعولى انى اعمل عملية الليزك يوم الخميس الى فات وان سمك القرنية يطلع مناسب
والحمد لله عملتها بجد ربنا يخليكم ليا يا أحلى اخوات فى الدنيا
وجاية بقى أحكيلكم تجربتى عشان لو فتوكة عاوزة تعملها ومحتارة تتوكل على الله وتدعيلى
أنا رحت يوم الخميس كررت الفحص بتاع سمك القرنية واول مالدكتورة قالتلى خلاص هاتعمليها
والله قعدت اتنطط من الفرحة والناس عمالة تبص عالهبلة الى بتنط دى
وصحيح كان فى حاجة سألتهالها لانى عملت سيرش على فتكات قبل ماقرر موضوع العملية وشفت ناس بتقول ان الى بتعمل ليزك مش بتولد طبيعى فيما بعد
فسألتها وزى ماتوقعت قالتلى لا طبعاً مين الى قالك كده
قالتلى ملهمش علاقة ببعض دول بيعملوها ويروحوا يولدوا طبيعى بعدها باسبوع فطلعت اوشاعة الحمد لله
المهم اول ماقالتلى هاتعمليها دخلت مع الممرضة لبست لبس العمليات على هدومى
كنت قلقانة اوى ليقولولى اقلعى ويلبسونى البتاع الى مفتوح من ورا ده كانت هاتبقى فضايح
والله كنت هقولهم مش عاوزة اعملها وهمشى
أه ده كله الا هدومى
مقلعتش حاجة خالص لا الشوز ولا الطرحة ولا حاجة لبست بقى اللبس وبونيه على الطرحة وكيسين على الشوز
ودخلت اوضة العمليات
مش اوضة عمليات زى مانتوا متخيلين هى اوضة عادية جدا وفها جهاز بسيط كده وبس
دخلت لقيت الدكتورة بتاعتى ومعاها واحد وواحدة معرفش ممرضين ولا دكاترة ولا ايه
مسحولى على العين وهى مقفولة وعلى المنطقة الى حواليها ببيتادين وغرقولى الطرحة من الجنب ولاد التيت
وفتحت عينى حطيتلى فيها قطرة تقريباً قطرة البنج
واستنت دقيقة كده
وبعدين غطت العين الشمال وقالتلى افتحى عينك
حطتلى زى لزق كده على الرموش فوق وتحت
وبعدين حطت حاجة كده بتفتح العين عشان ماتبربشيش ولا حاجة
وبعدين جابت حاجة كده حطيتها على العين
مش عارفة اسمها بس لو تحبوا شوفوها عاليوتيوب اكتبوا عملية الليزك هتلاقوها بالتفصيل
بس نصيحة لو هاتعملى العملية اوعى تشوفى الفيديو لانك هاتقلقى عالفاضى وهى والله قمة فى البساطة
المهم ظبطت بقى الجهاز
وقالتلى عاوزاكى تركزى على الضوء الأخضر ده وماتتحركيش خالص
انتى بتلاقى نور اخضر وحواليه انوار حمرا كده
المهم بصيت عليه وقعدت استغفر ربنا فى سرى وبتسمعى صوت زن كده اول مالجهاز يشتغل ولما بيشتغل الليزر على عينك بتشمى ريحة شياط كل ده عادى
انا لولا انى قريت كل ده على فتكات قبل ماروح كان زمانى قلبى وقف من الخوف
بس انا رايحة وانا عارفة هاتعمل ايه وشفت العملية عاليوتيوب للأسف
الله يخربيت الفضول وسنينه وطبعاً خفت شوية
بس الحمد لله يعنى طلعت بسيطة اوى
والعملية دى كلها البص على الضوء والليزر والزنة والشياط مبيكملش 5 ثوانى
وخلاص على كده وحطتلى عدسة زى عدسة النظر
وخلصت العين اليمين الحمد لله
غطتها واشتغلت بقى على العين الشمال زى اليمين بالظبط
وخلصت وقالتلى مبروك خلاص خلصنا وكله تمام
المهم قمت من عالسرير ببص كده لقيتنى شيفاها وشايفة الاتنين الى معاها
وانا بعيد عنكوا كنت شيش بيش وكنت داخلة الاوضة شايفة اشباح مش بشر
طبعاً فرحت جدا وحمدت ربنا أوى
وخرجت شايفة كل حاجة بس فى شبورة كده
خرجت برا لماما ونانا قعدوا يبصولى كده مزبهلين لان طبعاً العين بتكون فيها نقط حمرا وكان فى حاجة كده زرقا ده عادى يعنى من العملية
وماما بتقولى الحمد لله ماكملتيش عشر دقايق
قعدت بقى لحد مالدكتورة جات
وبعدين قعدت على جهاز فيه ضوء قوى كده عشان تبص على عينى
فقالتلى تمام الحمد لله
وادتنى 3 قطرات كده تعقيم وترطيب بيتحطوا 4 مرات فى اليوم
وقالتلى اروحلها يوم السبت تشوفنى وتشيل العدسات وقالتلى انى عادى انام بيها واحط القطرات وانا لابساها
وقالتلى بقى التعليمات الى بعد العملية الى تكاد تكون اهم من العملية نفسها بس مع الاهتمام الحمد لله مش بيكون فى مشاكل
اولا بالنسبة للشمس قالتلى عادى لو معاكى نضارة البسيها لو مش معاكى خلاص
وممنوع اجيب اى ميا نهائى على عينى اول اسبوعين
ممنوع انام على بطنى اول يوم بس
ممنووووووووووع دعك العين اول اسبوعين
ممنوع ماكياج داخل العين اول اسبوعين تلاتة
وطبعا اخد القطرات بانتظام
وقالتلى ان الشبورة دى طبيعى وهاتروح بعد ماقلع العدسات
ومشيت على كلامها الحمد لله
وروحتلها يوم السبت شالت العدسات والشبورة راحت الحمد لله بس فى زغللة
قالتلى هتقل فى خلال اسبوعين لحد ماتروح خالص ماتقلقيش
وكشفت نظر وكله تمام الحمد لله
وقالتلى اكمل التعليمات
واتفرج عالتليفزيون عادى والكمبيوتر عادى بس وقت بسيط وعلى اخر الاسبوع اقعد براحتى بس كل ساعتين اريح كده نص ساعة وارجعله تانى
والقطرات امشى عليها الاسبوع ده بس
والقطرة بتاعة ترطيب العين اكمل عليها شهر
ودى بالنسبالى اهمهم لانك بتحسى اول ماتصحى من النوم ان العين ناشفة جدا
لكن اول ماتحطى القطرة خلاص فى ثانية بتبقى طبيعية
معلش رغيت كتير بس حبيت احكيلكم بالتفصيل الممل
واى فتوكة بتفكر تعملها ومحتارة بقولها توكلى على الله واعمليها والله راحة نفسية فظيييييييييييييييعة
وسيبك بقى من النضارات واللينسيز والقرف ده والله حاجة تحفة
بدون اى الم نهائى
كفاية انى هصحى من النوم ابص فى المرابة اشوفنى ماشوفش شبح
وأخيراً ادعولى بقى الزغللة دى تروح خالص
هى بحس بيها بس لما ببص على كلام صغير مثلا الكلام الى بيكون فى الشريط من تحت فى التليفزيون او كده
انما غير كده مش بحس بيها
وأه نسيت اقولكم انك بتشوفى زى ماكنتى بالنضارة بالظبطططططططط
يعنى لو بالنضارة كنتى بتجيبى 6/6 هاتبقى كده بعد العملية
والنظر مش بيقل بالتدريج دى برضو اشاعة قالتلى بعد سن الاربعين هاتحتاجى نضارة قراية وبس
وان اى حد بيحصله خلاف الحاجات دى بيكون اهمل فى التعليمات الى بعد العملية او الدكتور الى عملهاله معملهاش مظبوط
يارب اكون أفدتكم يا قمرات
وربنا يخليكم ليا على وقفتكم جمبى ودعائكم ليا يا أحلى فتوكات
اموااااااااااااااااااااااااه
وكل سنة وانتوا طيبين وعيد سعيد عليكم جميعاً يارب
فى حفظ الله يا حبايب قلبى
ريلاكس* ريلاكس* 339062_24.gif ملكة فتكات Fatakat 339062 المنصورة – مصر
سبحان الله و بحمده
إجراء العملية القيصرية 2024.
إجراء العملية القيصرية
تجرى العملية القيصرية في غرفة العمليات. فإذا كانت السيدة الحامل في غرفة التوليد حين يستدعي الأمر
إجراء القيصرية فإنها تنقل إلى غرفة العمليات.
يقوم طبيب التخدير بتخدير السيدة الحامل. وقد يستخدم التخدير الموضعي، ولكنه قد يستخدم أيضاً التخدير
العام أحيانا إذا استدعت حالة المريضة ذلكً. في التخدير العام تكون السيدة الحامل نائمة ولا تستطيع أن
ترى الجراحة أو تشعر بها ولا تسمع أو تتذكر شيئاً.
يمكن أن يعطى التخدير الموضعي عبر الإحصار الشوكي أو فوق الجافية. في التخدير الموضعي، تظل
السيدة الحامل قادرة على الشعور باستخراج الجنين ولكنها لا تشعر بالألم.
في التخدير فوق الجافية، يحقن قرب الحبل الشوكي دواء مسكن عبر إبرة أو قثطرة. تظل السيدة الحامل
قادرة على الشعور بالدفع ولكن شعورها بالألم يكون أقل بكثير. عند الحاجة يمكن حقن المزيد من الدواء
عبر الإبرة أو القثطرة لتخفيف الألم.
من أجل الإحصار الشوكي، يحقن الدواء في الفراغ الممتلئ بالسائل المحيط بالحبل الشوكي. لا تشعر
السيدة الحامل بأي ألم في البطن أو الرجلين.
بعد التخدير يجري الطبيب شقين. إذ يجري الشق الأول عبر الجلد وجدار البطن، ويجري الشق الثاني عبر
الرحم.
ويكون طول شق جدار البطن حوالي 6 سم. ويقطع الشق الجلد والشحم والعضلات، لكنه لا يقطع الصفاق
أو البريتوان، والصفاق هو الغشاء الذي يحيط بالأمعاء وأعضاء الهضم الأخرى. يمكن أن يكون هذا الشق
رأسياً أو أفقياً.
إذا كان الشق أفقياً فإنه يدعى بالشق البيكيني. وهو يجرى أسفل البطن قرب خط شعر العانة. ويستخدم
الشق البيكيني في معظم العمليات القيصرية لأنه يندمل بشكل جيد ولا يسبب إزعاجاً للأم بعد الجراحة.
يبدأ الشق الرأسي تحت السرة تماماً ويصل إلى فوق عظم العانة. يلجأ الطبيب إلى الشق الرأسي حين
يحتاج شقاً كبيراً لإخراج الجنين بسرعة. إن الطبيب هو من يقرر نوع الشق.
بعد إجراء شق البطن يقوم الطبيب بشق الرحم. هناك عوامل عديدة تحدد نوع شق الرحم، منها وضعية
الجنين ومدى الحاجة إلى سرعة الولادة. إن الأنواع الثلاثة الشائعة للشق الرحمي هي:
– الشق الأفقي المنخفض
– الشق الرأسي المرتفع
– الشق الرأسي المنخفض
والشق الذي يشيع انتشاره أكثر من غيره هو الشق الأفقي المنخفض. ويجرى الشق الأفقي المنخفض في
الجزء الأسفل من الرحم. ويسبب هذا الشق نزفاً أقل من نزف الشق المرتفع. كما أن الشق الأفقي
المنخفض يشكل ندبة قوية مما يقلل من مخاطر انفتاح الشق إذا تكررت ولادات المرأة.
وقد جرت العادة في الماضي على إجراء الشق الرأسي المرتفع في كل القيصريات. أما الآن فلا يستخدم
هذا الشق إلا في الحالات الطارئة لأنه ينطوي على مخاطر نزف كبيرة. كما أن هذا الشق معرض للانفتاح
إذا حملت السيدة الحامل مرة ثانية.
إن الشق الرأسي المنخفض شبيه بالشق الرأسي المرتفع لكنه يكون في منطقة أخفض من الرحم. ويساعد
الشق الرأسي المنخفض في توليد الجنين الذي تكون وضعيته في الرحم غير طبيعية.
بعد إخراج الجنين من الرحم، يمسك الطبيب الحبل السري بملقط ثم يقطعه.
في الوقت الذي تقوم فيه الممرضات بتنظيف الوليد، يقوم الطبيب بإزالة المشيمة من الرحم.
أخيراً، يغلق الطبيب الشقين. فيخيط شق الرحم بخيوط قابلة للانحلال، دون أن تكون هناك حاجة إلى
إزالتها. ويخيط الشق الخارجي بغرزات قابلة للانحلال أو يضع مشابك ليزيلها في وقت لاحق.
زغلوله مزغلله زغلوله مزغلله 785562_3.gif فتكات هايلة Fatakat 785562 القاهره – مصر
سبحان الله و بحمده
كده العملية مش كويسة ولا ده ايه للصحة 2024.
بصوا يا فتوكاتي يا حبايبي أولا وحشتوني كتييييييير
ثانيا:انا أجهضت يوم 19/8 نزل الكيس ويوم 25/8 عملت كحت لأن الدكتور قال المشيمة كانت لازقه في الرحم المهم يوم 10/9جت اول بيريود وقاعدت حوالي 3 ايام ولحد النهاردة لسه مش جت روحت للدكتور عملت سونار قالت مافيش حمل ولا دم في الرحم وكتبت علي فوليك أسيد احتياطي و طلبت تحليل حمل في الدم رقمي
هو ممكن أكون حملت قبل ال 40 يوم اللي بعد العميلة
وعلي العموم دي صورة السونار لو حد بيفهم فيه https://files2.fatakat.com/2015/10/14132380672450.jpg
كانوزا كانوزا images/avatars/whiteflower.jpg فتكات رائعة Fatakat 535672 القاهره – مصر
سبحان الله و بحمده
بخصوص الشرخ الشرجى والعملية بالله عليكم تتدخلوا 2024.
السلام عليكم ورحمة الله وبركاته
ازيكو يا فتوكات اخباركوا ايه
ربنا يحققلكوا ما تتمنوا يااااااارب اللهم امين
انا بعانى من شرخ شرجى من زمان جدا جداااا
والحمدلله على كل حال
بس العلاج ماجابش نتيجة وفى ولادة بنت تعبت اووووووى وشوفت العذاب الحمدلله
ابنتى عندها سنة وشهرين وزوجى بيزن عليا علشان نيجيب بيبى تانى بس انا متعقدة من الولادة
المهم انا قولت لازم اعمل العملية قبل ما افكر فى الحمل تانى انا كنت عايزة اعملها ليزر بس الدكتورة قالتلى ليها اضرار كتيرة بعد كدا وانا خايفة اعملها جراحة عادية
يااااااااارب اللى تعرف حاجة تفيدنى وتقولى لو ليزر هتتكلف كام وسهلة ولا ايه
وقوليلى كل حاجة عنها يارب اللى تعرف تفيدنى
وربنا يجزيكن خيرا
الراجية رضى ربها الراجية رضى ربها 509059_1.gif فتكات رائعة Fatakat 509059 دمياط – مصر
سبحان الله و بحمده
اللى يعرف حد عمل العملية دة 2024.
السلام عليكم ورحمة الله وبركاتةانا قلت مفيش حد يفيدنى غيركم يافتوكات اللى عنده حد عمل عملية دوالى الخصية يقولى عملها عن دكتور تخصصه ايه عشان جوزى هيعملها ان شاء الله لان كتير بيقول عند دكتور جلدية وتناسلية وفى بيقول مسالك وفى بيقول جراحة وبقنا مش عارفين نروح لمين ربنا يكرمكم ياااااااااارب
دولة الاحزان دولة الاحزان 321901_13.gif فتكات رائعة Fatakat 321901 فى مدينه الاحزان – دوله الله
