الوسم: العسكري
مستشفي الحلمية العسكري للعظام حد يعرف مواعيدها 2024.
مستشفي د علاء عزت ولا مستشفي الجلاء العسكري 2024.
مستشفي مصر الجديده العسكري 2024.
لقب الصديق الحميمه لقسم النساء في م مصطفى كاما العسكري 2024.
السلام عليكم اخواتي الحبيبات انا ولدت من 10 شهور الحمد لله وحملت الحمد لله بعد ما اتجوزت بشهر واحد على الغم من ان كان عندي موانع للحمل جامده اوي وكنت عارفه الكلام ده وانا لسه بنت بس انا كنت بتعالج اكتر من 12 سنه وانت بنوته وكان موضوع الحمل ده مش في دماغنا ابدا وقلت انا وجوزي ان احنا هناخد وقت والدكتور كمان قالي الموضوع ان شاء الله هياخد وقت شويه بس هو عاوز صبر شويه وقوة تحمل المهم الحمد لله بعد استغفار الاف المرات ربنا كرمني وجبت احلى سما في الدنيا
المشكله بقى يا اخواتي ان انا في الحمل ده باراء جميع الدكاتره اللي لفيت عليهم حمل نادر جدا ليه بقى
لاني وببساطه شديده خسيت في الحمل ده 22 كيلو ولو قلتلكم ان انا طول فتره الحمل مافيش حاجه نزلت بطني ابدا كنت عايشه كده والله والدكاتره غلبوا معايا كل ده والحمد لله ربنا سترها معايا المشكله الكبيره اللي حصلتلي وانا في الشهر السابع طبعا مش قادره اقولكو كان بيضرب بيا المثل في الرشاقه وكانت بطني والله العظيم ذي بطن اي بنت عاديه لدرجه وانا داخله العمليات كانو فاكرين ان انا داخله اسقط الجنين وهو لسه في الشهر الثالث المهم وانا في الشهر السابع جوزي الحبيب كان مسافر وجاي بعد فتره طويله وكمان انما طول فتره الحمل دي ماكانش في اي علاقه من اي نوع بيني وبين جوزي المهم يصراحه هو كان صعبان عليا فقلت انا لازم اجي على نفسي المهم حصل وانا بتعذب بصراحه المهم بعدها بكام ساعه جاني الم والله العظيم اتحدى اي واحده في الدنيا انها تحس بيه ولان الدكاتره كانو متوقعين ولاده مبكره فاتصلت بالدكتوره بتاعتي وقالتلي لازم تنزلي المستشفى حالا لان ده اكيد طلق طبعا بعد ما سمعت الصراخ بتاعي المهم نزلنا من الساعه 8 صباحا الى مستشفى مصطفى كامل العسكري وبصراحه الدكاتره تعبوا معايا جدا لانهم خايفين يعملو اي حاجه علشان البيبي المهم بعد استشارات مع دكاتره كتير من اكتشفو ان انا عندي ورم على المبيض ادى الى تهتك المبيض وكمان كان في تضخم من الدرجه الاولى في الكليه اليمين وكان في التواء في الحالب ورتجاع في البول ادى الى احتباس البول وكان في تضخم في القولون العصبي المهم بعد يومين واستشارات كتير من الدكاتره من قسم النساءوالجراحه والمسالك وامراض الكلى والاطفال قالو انهم يعملو منظار علشان يركبوا دعامه على الكلى يمكن الالم يخف شويه وانا داخله العمليات سمعتهم بيتكلموا بالنجليزي بس الحمد لله انا بفهم انجليزي يعني ان دي اول مره في قسم المناظير في المستشفي تدخل واحده حامل ومش قادره اقولكو والله على العذابالمهم الدعامه الجسم ما تقبلهاش كان الالم عندي بيزيدلدرجه فظيعه وطبعا انا كل شويه بنزل اعمل اشعه لدرجه ان الناس كلها عرفتني والدكتور كان بيقولي هو انتي بتتعالجي بالاشعه ولا ايه يا بنتي وبصراحه كل الدكاتره كانو متعاطفين معايا لدرجه كبيره اوي لدرجة ان تاني عمليه دخلت اعملها اتصلوا بدكتور من بره كان جاي زياره القاهره علشان يعملها ومش هاقولكوا هو عملها ازاي كفايه انه عملها من غير بنج والله العظيم من عير بنج لان طبعا كنت قبلها بيومين بس كنت متبنجه كليا لدرجه ان في دكتور عيط بالدموع عليا وعلى التماسك اللي انا كنت فيه هما في العميله دي حاولو يشفطو جزء من الصديد والدم اللي متكون مع الورم اللي على المبيض علشان يخف الالم لحد ما يوصلو بالجنين لبر الامان لانه لو كان اتولد في الوقت ده كان اكيد بعد الشر هيموت وبرده كان الالم بيزيد المهم بعدها بيوم فاكرين الدعامه طبعا عملت الم جامد وعملت نزيف داخلي وكان البول كله دم في القسطره اضطروا ان هما يدخلوني عمليات ويشيلو الدعامه المهم على مدار 10ايام يا جماعه اخدت كميه ابر مسكنه ومخدره لدرجة ان انا سمعت ممرضه بتقول ان الابره المخدرهدي لو عطوها سوري لجاموسه هتنام بس انا والله من كتر الالم والله العظيم ما كنت بنامولا كانت اي حاجه بتاثر فيا لحد اليوم العاشر مع الالم الرهيب يوم الجمعه يوم 12 6 2024 الساعه 2 ليلا كنت على اعتاب الموت فا ضطروا ان هما يدخلوني عمليات وقالة زي ما تيجي وكانت حاله طوارئ جامده في معظم الاقسام لان كل الدكاتره كانو لازم يبقوا موجودين وطبعا الحمد لله عملت العمليه واتعذبت شويه حلوين والحمد لله في العمليه استاصلو المبيض والورم وركبوا دعامه تانيه لان الكلى كاننت زي ما هي والحمد لله بعده باسبوع واحد الدعامه عملت نزيف جامدجدا اضطروا بعدها انهم يولدوني وانا لسه في الشهر الثامن والحمد لله انا دلوقتي كويسه بس المشكله اني خلاص اتعقدت من الحمل ياترى ايه رايكوا بقى استحق لقب الصديقه الحميمح لقسم النساء في مستشفى مصطفى كامل ولا لا
عاشقةالرسول عاشقةالرسول فتكات نشيطة Fatakat 227201 الاسكندريه – مصر
سبحان الله و بحمده
الولادة في مستشفي المعادي العسكري 2024.
ازيكو يافتوكات يارب يتم حملنا كلنا ع خير
كنت عاوزة اعرف الولادة في مستشفي المعادي العسكري اللي ع الكورنيش كويسة ولا لا
وهل بيهتمو هناك وكدة ولا زيها زي اي مستشفي
ياريت لو حد جرب يفيدني ارجوووووووووووووكوا
حب لاينتهي حب لاينتهي images/avatars/pinkflower.jpg فتكات حبوبة Fatakat 772616 القاهرة – مصر
