الوسم: الروماتويد

بسمة ام نور بسمة ام نور 68316_12.gif فتكات غالية قوي Fatakat 68316 بورسعيد حبيبتى – مصر

حبايبي عايزة افضفض معاكم شوية و يا رب تقدرو تفيدوني
انا من شهر 6 باعاني من روماتويد حاد , في الاول ما كنتش فاهمة سبب الآلام الرهيبة اللي عندي و افتكرتها شوية برد في عظامي و لا روماتيزم و اخذت مسكنات زي ما كنت باعمل كل ما رجلي توجعني شوية و خلاص
لكن ما فيش فايدة الألم بيزيد ببشاعة لدرجة اني بئيت ما قدرش اقوم من مكاني الا بمساعدة
فرحت لدكتور عظام و عملت شوية تحاليل طلعت نسبة روماتويد ما شاء الله في السما
فاداني علاج ارتحت عليه مؤقتا
و لما اتضحت الصورة انه روماتويد مش اي حاجة يعني رحت لاستاذة في التخصص ده و طلبت تحاليل تانية متخصصة و ما اقولكوش على النسب و جمالها ما شاء الله حاجة كدة ما تتقالش
المهم خدت معاها علاج 3 شهور و بعدين عدت التحاليل و رحت لها للمتابعة و لحظي الجميل التحاليل طلعت اسوأ من اول مرة
فغيرت لي العلاج بانواع تانية و ده لمدة شهرين كمان و المفروض اني حاروح لها بعد ما يخلصو
و بصراحة قريت كتير عن الروماتويد و مضاعفاته و كمان مضاعفات العلاج بالكورتيزون زي ما بآخد فخايفة اوي اوي و مرعوبة سواء من المرض و مضاعفاته او الكورتيزون و اضراره خصوصا ان ما لوش بديل كعلاج للمرض
علشان كدة بارجوكم اللي مرت بتجربة روماتويد مع حد قريب منها و كانت شايفاه عن قرب
تقول لي عن التجربة الأليمة دي و مدة العلاج تقريبا كانت اد ايه ؟
و نسبة التحسن و هل فيه ادوية بتستمر بعد العلاج ؟؟
و هل الحركة بتكون طبيعية ؟؟
و برضه سؤالي ده باوجهه لكل طبيبة بالمدونة عندها معلومات تقدر تفيدنا بيها
و لكم كلكم جزيل الشكر و ربنا يبعد عنكم الروماتويد و كل الامراض و الآلام يا رب

sanaaalex sanaaalex فتكات هايلة Fatakat 131605 alex – egypt

بصوا بقى يا جماعة عشان الموضوع بجد كبير قوى

كل اللى عاوز يتعالج من السمنة او الروماتيزم او الغضاريف او حاجات تانية كتير زى السكر وغيره

خلاص بقى فى علاج مجانى للكلام ده

بس مبدأيا كده انا مش بعمل اعلان لحد والله

انا جايه اقدم خدمة بانى اعرفكم على مكان بيعالج مجانى ومش هتدفعى مليم

ممكن يكون فى ناس عارفة الموضوع ده بس فى ناس كتير اكيد ميعرفوش عنه حاجة

الحكايه وما فيها ان فى مراكز كورية (اسمها سيرا جيم )من كوريا الجنوبية واللى تشتهر بجباااااال من الاحجار الكريمة صنعت عدد من الاجهزة لعلاج السمنة والام العظام وشوية الحاجات اللى ذكرتها فوق دى ويدخل فى تصنيع هذه الاجهزة الاحجار الكريمة اللى تعمل بشكل فعال فى العلاج

وطبعا الشرح بالتفصيل عن وظائف هذه الاجهزة هتلاقوه ع النت

طيب امال ايه حكاية مجانى دى هقولكم القصة

الفكرة ان الاجهزة بتاعتهم غاليه جدا جدا فمش من السهل انها تتباع فعملوا فكرة بنت لذينة بجد ناس دماغ …الفكرة انهم انشأوا مراكز علاج بالاجهزة ليهم فى بلاد كتير فى العالم منها انجلترا وامريكا وطبعا هناك العلاج بالفلوس مش مجانى ….والناس لما بقت تجرب اقتنعت بفاعلية هذه الاجهزة وبدأت تشتريها

لكن بالنسبة لمصر عملوا المراكز دى للعلاج بالمجان لاننا شعب فقير وحالته الاقتصادية الحمد لله تعبانه جدا

على اساس ان الناس لما تتعالج بيها وتبدأ تاخد عليها وتقتنع بيها ممكن يشتروها

المراكز فعلا زحمة جدا جدا والناس بتقف عليها بالطوابير من الفجر وحياة ربنا وهما بيشتغلوا من الساعة 6 الصبح لحد 5 المغرب تقريبا

انا مجربتش المركز بس ماما بتروح بقالها شهرين وخست جدا فعلا وعلى فكرة ماما مريضة قلب وضغط والحاجات اللى عند الشعب المصرى كله الحمد لله بس بتحلف لى انها فعلا بدأت تتحسن ومعندها استعداد تفوت جلسة من جلساته

وناس كتير قرايبى راحوا برضه اقسم بالله فى واحد قريبى راح وهو كان بيقرأ الجرنال بنظارة مكبرة وكذلك التلفزيون بيتابعه بالعدسة المكبره ..تعالوا شوفوه دلوقتى اسم الله عليه الله اكبر مش محتاج اى عدسات ..ده حصل ازاى بالاجهزة سيرا جيم

انا مش عاوزة افتى فى تفاصيل عمل هذه الاجهزة ممكن تدخلوا ع النت وهتعرفوا حاجات كتيرة بس انا محبتش اتكلم معاكوا فى الموضوع ده الا اما بدأت اشوف نتايج طيبة على قرايبى اللى راحوا ..والمعاملة هناك منتهى الاحترام والادب

وناس كتير هناك بدأت تشترى الاجهزة بعد ما جربت فعاليتها والحمد لله انا وأختى منهم

باقى حاجة واحدة اعرفكم انواع الاجهزة اللى شغالين بيها

اولا حزام التخسيس

الحزام ده زى ما قلت هو وكل الاجهزة اللى شغالين فيها يدخل فى تصنيعه الاحجار الكريمة
هو بيتلبس على اى منطقة مليانة فى الجسم والحزام مش بيهتز ولا حاجة زى اللى بتشوفوها فى اعلانات التى فى لكن من خلال ريموت بتتحكمى فى درجة تسخين المنطقة وبيكسر الدهون فى المنطقة ومن مميزاته انه بيشد الترهلات الى جانب التخسيس

ثانيا عندهم سرير طبى بتنامى عليه وهو بيشتغل على فقرات الظهر ال 33 وماما بتحكى لى ان الفقرات التعبانة فى الظهر بتلاقى الجهاز بيقف عندها فترة اطول لوحده وبعدها ينتقل للفقرة اللى وراها وبعدين برجعلها تانى

ثالثا عندهم جهاز نفس خصائص السرير الطبى ده بس بيعمل مانيوال مش اوتوماتيك زى السرير الطبى بتمسكيه انتى بايدك وتنقليه على الفقرات فقرة فقرة بس فى بنات هناك بيساعدوكى

الاجهزة دى على فكرة بتساعد على رفع مناعة الاطفال

آخر حاجة احب اتطمنكوا ان المراكز دى واخدة ترخيص قبل ما تشتغل فى مصر عشان انا كنت مرعوبة منهم وقلت لماما اكيد مفيش حاجة ببلاش كده الا وراها انه …لكن لما راحت واتحسنت صحيا معاهم عرفت ان ده اسلوب دعايا جديد

اتمنى ان اكبر عدد يشوف الموضوع ويستفيد منه فرجااااااءا قيموا

الى الادارة ربنا يعلم انا مش بقصد اعمل دعايا بالموضوع ده انا قصدت اخدم الفتوكات بانى اعرفهم طريق مجانى لعلاج مشاكل كتير بنعانى منها ……فاتمنى الا يغلق الموضوع

آه امانة يا بنات اللى تروح ان شاء الله ويعجبها المركز تيجى تقول فى الموضوع هنا عشان البنات تصدق

فى ملحوظة كمان انا عرفت انهم طالبين بنات للشغل فى المركز بس تقريبا اقل من 35 سنة والمرتب 1000 بس مش متأكدة بصراحة

عناوين الفروع موجودة فى صفحة 4 و5

ماما فينو ماما فينو 345769_7.gif سوبر فتكات Fatakat 345769 القاهره – مصر