الوسم: الرعب
انا بجد نفسى فى دكتوره نفسيه توصفلى حل للى انا فيه انا لما بتضايق نفسيا جدا بيطلع قلقى وزعلى على هيئة احلام لدرجة ان مره حلم واحد جمع كل مخوفى فيه والصراحة بقوم من النوم بعد الاحلام دى ببقى متكسره وتعبانه وحالتى النفسية زى الزفت اخر حلم هو اللى وجعنى قوى حلمت ان فيه اسانسير فيه عفاريت والناس لما بتركب فيه بينزل الاسانسير تانى ويكون الناس فيه ميتين وانا واقفه انا وزوجى واولادى تحت ولازم نركبه ولا مفر من ركوبه وجه علينا الدور واول لما حطيت رجلى فيه قفل عليع لوحدى وطبعا دى كانت اول مخاوفى انى اموت واسيب اولادى المهم لما ركبته لاقيته بيتهزجامد كأنه ساب والنور بتاعه يطفى ويولع ودى تانى حاجه بخاف منها الظلمه وبعدين فجأه لاقيت الاسانسير بقى حديقه واسعه وجميله وبابا الله يرحمه قاعد فيها لوحده ومزوى على دكه رخام وخايف يكلمنى ودى تالت حاجه بخاف منها انى اعيش مع بابا لأنه سبب عقدتى فى الحياه بدون الدخول فى تفاصيل وبعدين لاقيت روحى جسمى كله اورام كتير اعزكم الله ودى اكتر حاجه بخاف منها الكانسر اصله موجود فى العيله وبعدين لاقيت الاسانسير رجع نزلنى تانى عند اولادى وزوجى واول مفتح الباب اترميت فى حضن جوزى وقلتله الاسانسير مفيهوش عفريت ده بس بيواجهك بمخاوفك والناس بتموت من الخوف وبعدين صحيت من النوم وانا فى حالة نفسيه زى الزفت فهل من حل عندكم
حموت من الرعب والقلق 2024.
انا حموت من الرعب بالله عليكم طمنوني انا من كام يوم حسيت ان صدري الشمال بيحرقني من اسف فبصيت في المراية لقيت حاجة شبه قرحة الجلد متشال وحمرة شويه وبتحرق والغريب عمله ريحة من حلوة المهم انا قولت يمكن من الحر وبقيت بغسلها واحط بيتادي المهم النهارده اكتشفت ان صدري اليمين كمان في كذا حتة زيها ولما دخلت اعمل سيرش بالنت ربنا يعافينا يارب ان ممكن القرحة بجلد الصدر من علامات سرطان الثدي ربنا يعافينا بجد انا حموت من الرعب طموني هو كده فعلا ولا ايه واعرف ازاي واعمل ايه
ابني وجوزي كل حياتي ابني وجوزي كل حياتي فتكات متميزة Fatakat 250223 الجيزة – مصر
سبحان الله و بحمده
هموت من الرعب على ال فى بطنى الحقونى 2024.
انا باخد مضاد حيوى الدكتورة كتبالى علية وانا اول يومين بالرابع وكنت باكل كويس واشرب والبيبى بيتحرك والهى كنت بحس برفرفة كدة فى بطنى كل يوم ودلوقت من ساعت مااختة لاباكل ولا بشرب وترجيع واسهال والجنين مبيتحركش خالص وبطنى فشت بعد ما كل ال يشوفنى يقولى ولا كانك فى السادس وزعلانة وخايفة اوى على البيبى ومينفعش ابطل المضاد الحيوى خالص لانة بديل للبنسليين ارجوكم فد ونى اعمل اية عشان اخفف اعراضة الجانبية وتفتكروا الجنين يكون لا قدر الله حصلة حاجة لانى حاسة كان بطنى فاضية
كنزى عمر كنزى عمر فتكات متميزة Fatakat 977505 اسكندرية – مصر
سبحان الله و بحمده
هموت م الرعب 2024.
بنات انا مش هطول انا من وقت ما قريبتى سقطت ف الشهر الاول وانا هموت م القلق
انا فاضلى بتاع 4 ايام وادخل الخامس
وكنت بحس بحركه بسيطه للبيبى وبقالى كام يوم حساها قليله
النهادرة بقى محستش خالص بالحركه وخلاص على اخرى مالعياط مفروض ان الاعادة بتاعتى الثلاثاء ووالله مش قادرة اصبر اعمل ايه يا بنات فهمونى وطمنونى اعمل ايه
tamtomaa tamtomaa فتكات هايلة Fatakat 374862 اسوان – مصر
سبحان الله و بحمده
هموت من الرعب على بنتى وخايفه ماافرحش بيها زى اخوها 2024.
انا يابنات فى ابتلاء كبير ادعولى ربنا يثبتنى
انا حامل فى الشهر الثامن والبنت نموها متأخر حوالى شهر وكمان وزنها كيلو وربع وكمان المايه زادت اوى وانا بعمل فور دى كل اسبوع والدكاتره بتقولى مش عندهم تفسير ليه هى مش بتكبر مع ان المشيمه تمام والدوبلر تمام
وبيقولولى لما تتولد نشوف
وانا والله هموت من الرعب عليها خايفه تكون فيها حاجه لا قدر الله لانى مش عارفه انا هقدر استحمل لانى والده من سنه وشهر ولد واتوفى بس كان به مشاكل وولدت قيصرى
بالله عليكم ادعولى ان بنتى تكون سليمه معافاه من اى شهر
منمنايه منمنايه فتكات نشيطة Fatakat 156723 بنها – مصر
سبحان الله و بحمده
حد يدخل يفدنى والله ميته من الرعب 2024.
السلام عليكم
اذيكم جميعا
انا عاوزه استفسر عن شويه حاجات كده
انا كنت حامل قبل كده من 3 اشهر والكيس طلع فاضى ونزل بتعب جامد وبعمليه
تعبت جدا نفسيا وجسديا
وبعديها ب 3 شهور خدت كلوميد والحمد لله حملت
بس فى الشهر الاولانى لما اجهضت لما كان بينزل دم كان بينزل كتل كبيره اوى والله كل شويه كتل دم كده
وكل ما ينزل كتله والله اكن روحى بتتسحب منى
وبعدين قالولى ان الجنين ماكبرش علشان الدم كان متجلط مش بيوصل
للجنين كويس علشان كده مات وتححل داخل بطنى
انا دلوقتى حامل وخايفه اوى الموضوع يتكرر
انا باخد ابر تحت الجلد علشان السيوله
يوميا ولما روحت للدكتور شاف كيس اسمر مافهوش حاجه من ساعتها وانا خخايفه الا يتكرر
انا اخر بيريود كانت 20 12
عاوزه اعرف ده طبيعى انه يظهر الكيس اسمر كده
وانا حامل فى الاسبوع الكام دلوقتى وانا معنديش اى اعراض حمل مش حاسه باى حاجه خاااااااااااالص
حد يفدنى ياجماعه والله خايفه اوى
ادعولى انه يكمل على خير
مشتاقة الى رؤيتك ياالله مشتاقة الى رؤيتك ياالله 587873_10.gif فتكات ست الكل Fatakat 587873 @@@@@@@@@@@@ – ام الدنيا
