السلام عليكم ورحمه الله وبركاته
اذيكم يااحلى فتوكات يارب تكونوا بخييير ….الحمد لله بعد لف سنه و10 شهور على الدكاتره رحت لدكتوره حسيت ان اول مره اشوف دكتور محترم مش بيستغل المريض بتاعه هيا الدكتوره منيره جاد استاذ وريئسه قسم بجامعه الازهر رحت العياده لقيت عندها غرفه للسونار بفنيه اشعه وغرفه لدكتوره مساعده اول حاجه بتروح للدكتوره المساعده تحكيلها قصتك وبعدين تدخلك للدكتوره بعد ماتعرض اشعاتك وحالتك المهم انا كنت عملت كل التحاليل واشعه الصبغه وزوجى نفس الموضوع وجربنا تنشيط وجربنا خسسان وحبوب منع الحمل وجربنا تلقيح وفشل الحمد لله المهم المشكله الرئيسه عندنا سفر زوجى وان اجازته دايما مش بتوافق التبويض هوبيشتغل 15 يوم و15 يوم اجازه وكمان حبت تكيس وشويه ضعف في الحركه بس كل الدكاتره قالولنا عادى تخلفوا طبيعى بس ال حاجه تقعد 6 تبويضات ورا بعض اي 6 شهور وده استحاله عشان الشغل
المهم قالت هتقدر تقعد قالها لا ماينفعش خالص قالتله بص انا ممكن اقوم اعملها سونار واخد فلوس زياده واعملها تلقيح ومش هخسر حاجه بس انا عوزاكم تختصروا الطريق وتعملوا حقن مجهرى كانت صدمه وعملنا كدهقالتلنا انا هحولكم بخطاب لمستشفى الحسين الجامعى مركز الاخصاب المساعد المهم قلت لزوجى نروح ونجرب اول مارحت طلبوا منى صوره بطاقتى وبطاقه زوجى وعقد الزواج اتغاظت منه اوى يعنى الى جايه اخلف منه ده ايه جوزى طبعا المهم لقيت مستوى الناس الى راحه يعنى على قدهم فسالت التكلفه كام قالولى ان الحقن المجهرى من 3500الى اقصى حد6000 بالعلاج والتلقيح الصناعى 400الى500 المهم قلت اكيد شكله وحش جدا من جوه والعلاج مضروب قلت لزوجى خلينا نكشف ونشوف قطعنا كشف ب10 جنيه ودخلنا الساعه 9 كلنا نسيت اقلكم حجز الكشف الساعه 8 الى 9 لو زيدتى دقيقه ميرداش يدخلك دخلت لقيت المكان نضيف اوى والصيدليه نضيفه جدا وكان في ناس جايه بكلامن فيها تلج كان نفسي اعرف ليه بس لقيتهم واقفين عند الصيدليه بيصرفلهم الدوا وقفت شفته لقيته ماريونال وفستيمون وفيمار زى الي بنشتريهم بالظبط من الصيدليه سالت العلاج بكام قالولى كله بيدهولك في حدود1700 جنيه عملت كده دخلت كشفت عن دكتوره النسا فتحولىملف سالونى في كل حاجه وادونى ورقه فيها تحاليل قالولى اعمليها من تالت يوم الدوره وزوجى راح عند دكتور الذكوره وطلب منه تحليل السائل المنوى المهم كل التحاليل والاشعات والعلاج من عندهم واسعارهم من 10:15جنيه عملت سونار مهبلى السونار بتاعهم حديث جدا والاجهزه المستخدمه كلها حديثه
المهم دكتور الذكوره ودكتوره النسا اجمعوا ان احنا نكرر التلقيح الصناعى مره واتنين كمان لان سننا صغيير والسبب الاساسي في المنع هو السفر
هكمل بعدين زوجى عاوز يتعشي
همسات ليله تائبه همسات ليله تائبه images/avatars/pacifier.jpg سوبر فتكات Fatakat 166126 في قلب زوجى – مصر
