الوسم: البسيط
انا متزوجة من 5 اشهر و كنت أعاني من عدم انتظام الدورة و عندما ذهبت للطبيب و اجريت الفحوصات اخبرني بأن عندي تكيس بسيط و بعد فترة ذهبت للطبيب بسبب تاخرة الدورة ثانية و طلب فحص حمل و الحمد لله كانت النتيجة ايجابية و مر اسبوعين و اشعر باعراض الحمل فعلا من دوخة و غثيان و صعوبة تنفس
شوفو غدانا البسيط كان اية النهاردة..أهو لسة بتعلم 2024.
السلام عليكن ورحمة الله وبركاتة
كيف حالكن أخواتى الفتوكات
يااارب دايما فى أحسن حال
آآآآآآآمين
النهاردة صحيت الصبح زى اى حد
حيرة كللل يوم
هنتبخ ايييية؟
قولت بسم الله فتحت الفريزر
وملقتش الا الابلة فرخة الحزينة لوحدها
عمالة تهاتى فى نفسها طولت الليل
أعمل بيها اية دى بسس؟
بسم الله
خلتها وقطعتها مكعبات
عشان الشيش طاووق
ودخلتة الفرن
ولما طلع
وأخدت الكبدة والقوناصةبتعتها
وكان معاهم كمان كذا واحدة شيلاهم مع باقى
قطع الفرخة
وعصجتهم للرقاق
وعملت شوربة من باقى الفرخة
عشان الرقاق ماأحنا عارفين
أدى الرقاق
وعملت رز الكبسة بس بالرز المصرى
ونحط الماية عادى ونسوية
ممكن نبشر جزراية بس ماكنش عندى
وعملت تومية
بجد شكرا يا فتكات
عشان بيكى عمالة أكون أحسن
جزاكن الله عنى كل الخير
أسألكن من صالح دعواتكن
أحبكن فى الله مواضيع هذا القسم برعاية
نفسي ازور الكعبه نفسي ازور الكعبه 161448_3.gif شيف فتكات Fatakat 161448 الزقازيق – مصر
سبحان الله و بحمده
تعالوا دوقوا احم احم اصدي شوفوا غدانا البسيط 2024.
السلام عليكم ورحمته وبركاته
ازيكوا يا فتاتيكي انا انهاردة جيبالكم غدانا انهاردة يلا يا قمر اتشمري انتي وهي ومدوا اديكوا الدار امان
نيجي بقى لطريقة كل حاجة
اولا الكبيبة
الطريقة الطبقة الخارجية اللحمة اد البرغل بيتفرم البرغل مع بصلاية وبعدين نحط اللحمة المفرومة يتفرموا مرة تانية وبعد كدا نتبلها بالملح والفلفل وبهارات والسر بقى شوية قرفة بتخليها تحفة وهتخلي كل اللي يدوقها يحسوا ان فيها حاجة مميزة الحشو بقى عصجي لحمة بطريقتك العادية وممكن تحطي مكسرات او لأ انتي وراحتك بتعملي ايه بقى يا ستي تاخدي حتة لحمة وفرديها على ايدك وبعدين تحطي عصاج وتقفلي عليه بالشكل اللي انتي شيفاه ولما تخلصي الكمية كلها حطيها تتشمع شوية في التلاجة بعد ما ترتاح جهزي طبق في بيضة وطبق فيه بقسماط ويا سلام لو عليه كيس سبايسي بتبقى تحفة بس انا المرادي مكانش عندي المهم تحطي الكبيبة في البيضة وبعدين في البقسماط كأنك بتعملي بانيه وبرضه لما تخلصي حطيه في التلاجة علشان ما تفكش منك وانتي بتقليها
ثانيا الكشك
اول حاجة تجهزي التقلية حمري بصلاية في السمن ولما تبقى لونها دهبي انشيليها وهقولك هنعمل ايه بالسمنة
بعد كدا حطي الدقيق في الشوربة على البارد وقليبيهم كويس وبعدين تحطيه على النار ولما يتقل معاكي حطي اللبن وافضلي قلبي كويس علشان ميكلكعش غلوة كدا وتحطي السمنة اللي قليتي فيها البصلة وقلبي لحد السمنة ما تختفي في الكشك اول ما يوصل الكشك للقوام المطلوب لا تخين اوي ولا خفيف زي ما بتعملي المهلبية كدا اغرفيه في اطباق ولما يبرد حطي على وشه البصل المحمر والكشك بقى بيتقدم جنبيه صلصة اللي هي بتاعة الفتة طبعا كلنا عارفينها
ثالثا الفراخ
الفراخ دي حشو طبعا بتتغسل كويس وكلكو شطار وعارفين المرحلة دي وتجهزي الحشو انا حشياها رز تقطعي بصلاية مع الكبد والقوانص بتاعة الفرخة وعليهم الرز ومعلقة سمنة والتوابل ملح وفلفل وبهار قرفةوتقلبي كله في بعضه ههههههههههههه ولما يتحمروا شوية زودي شوية ماية علشان الرز يبقى نص سوى لانه هيكمل سواه في الشوربة احشي الفراخ يا فتوكة وبعدين اسقطيهم في المية المغلية وانا مبحطش حاجة خالص في المية غير مرقة دجاج لان خلطة الرز مليانة توابل هتنكه الشوربة ولما الفراخ تستوي اخرجها واحضرلها التتبيلة وهي عبارة عن صويا صوص وشوية زيت وشوية خل وملح وفلفل وبهار وتقليبهم كويس انا بقى بعمل ايه بحط الفراخ على وشها واحطلها شوية من التتبيلة وادخلها الفرن على الشواية ولما تتحمر اقلبها على وشها واحطلها التتبيلة وادخلها تاني الفرن تتحمر كدا بتبقى متحمرة من كل الجهات وانتو شايفين الصور
رابعا الملوخية
كلكو شطار وعارفين تعملوها وعلى فكرة الملوخية دي من السنة اللي فاتت شوفتو حلوة ازاي واللي عايز يعرف طريقة الحفظ يشوف توقيعي
انا كدا خلصت عايزة بقى دعوة حلوة بان ربنا يبارك في جوزي واولادي وان ربنا يوسع رزقنا
ويا ريت يا فتوكة منك ليها متنسيش التقييم والسلام عليكم
مواضيع هذا القسم برعاية
moonaye moonaye سوبر فتكات Fatakat 780351 cairo – egypt
سبحان الله و بحمده
الكرواسون البسيط للشيف اسامه 2024.
ازيكو يا فتوكات حد منكم يعرف مقادير الكرواسون البسيط للشيف اسامه انا عندى الفيديو بالطريقه بس عاوزه المقادير ياريت اللى تعرف تقولى وشكرا مواضيع هذا القسم برعاية
شجن شجن 71438_2.gif فتكات هايلة Fatakat 71438 القاهره – مصر
سبحان الله و بحمده
الرجيم البسيط 2024.
باختصار هذا الرجيم مدته 5 ايام دايت ثم يوم راحة ثم 5 ايام دايت ثم يوم راحة و هكذا
و فى ايام الرجيم ممنوع بتاتا الاتى :
السكر العيش الارز المكرونة الحلويات كلها الجبن الصفراء مسموح بالقريش فقط – المكسرات – المقليات
المسموح به :
البيض المسلوق , الجبن القريش , الزبادى بعد نزع الوجه , السلاطة , 2 معلقة عسل نحل , شاى بلبن بحد اقصى 2 كوب فى اليوم , اى مشاريب اعشاب باى كمية , كل انواع الخضار ما عدا (البسلة و البطاطس و البطاطا , القلقاس ) و يكون نى فى نى بدون زيت او سمن او شوربة كل انواع الفاكهه ما عدا ( بلح تين عنب مانجا موز ) السمك المشوى او الصنية بدون زيت و الفراخ او اللحم او الكفتة او الكبد مسلوق او مشوى
و يكون الاكل المسوح به باى كمية حتى الشبع
ممكن مثلا الفطار كوب شاى بلبن + جبن قريش + بيض + سلطة ( باى كمية )
الغذاء سلطة + خضار ( باى كمية ) + 1/4 فرخة
العشاء زبادى + فاكهه مسموح بها باى كمية
انا عايزاكو يا فتوكات تقولوا رايكم ايه فى الدايت السهل ده ؟
الفراشة الخضراء الفراشة الخضراء فتكات حبوبة Fatakat 630303 اسكندرية – مصر
سبحان الله و بحمده
برجري البسيط المتواضع 2024.
حبايبي يافتوكات يلي دايما بتفدوني ف حاجات كتير حاجات كتير جدا وبعمل الاكله وصحيح مبصورهاش ولا بنزلها لاني مش ببقى متوقعه انها تبقى بالجمال دا فقلت مع اني عارفه انكم دايما بتكسفوني ومواضيعي في النسيان بس قلت انزل البرجر دا لانه بجد جميل ممكن تسموه برجر ممكن تقولو اكله جديده وتغيير المعتاد عشان الملل
انا رغيت كتير اوي بس هدخل ف الموضوع ع طول
طبعا لمقدار نص كيلو لحمه على بصله متوسطه وطبعا انا فرمت البصله في الكبه
وطبعا حطيت عليه شوية حاجات فلفل اسود وبهارات لحمه ورشة كاري
كدا
وبعدين لقيت عندي كيس خلطة كفته قلت احطه كنت اول مره اجربه في اي حاجه
وحطيته وبعدين قلبت كله في بعضه
وطبعا متكتريش الملح لان لو هتحطي الخلطه دي بيبقى فيها ملح فلو حطيتي نتره ذي مابيقولو
وطبعا بالكوبايه السلستين وقطعت دواير ذي مانتو شايفين
وطبعا حطيتهم في طبق وبين كل واحد كيس عشان ميلزقوش في بعض
وطبعا كررت الموضوع لحد ماخلصت
وطبعا حطيته في الدي فريزير بتاع التلاجه اللي تحت ومتحمرش في ساعتها عشان كدا معرفتش اصور حمرته وقت الغدا بس الطعم تحفه بجد كان جميل
ملحوظه انا لحظتها اللحمه لما بيبقى فيها دهون دهنه يعني بتكش في التحمير عن الحجم المدور اللي كانت عليه قبله
وطبعا انا مستيه دعوه في ظهر الغيب بان ربنا يهدي قلبي ويسترني دنيا واخره
مواضيع هذا القسم برعاية
حبات الرمان حبات الرمان images/lettersavatars/sym$.gif فتكات رائعة Fatakat 740946 مدينة الاحلام – القاهره
