انا بجد قررت اكتب الموضوع ده من كتر الي بشوفه هنا من ضرب امهات لاطفالها او توبخيهم
عاوزه اقولكم اتقوا الله في ابنائكم
لازم قبل ما تعملي اي شئ تشوفي سلبياتها ايه…
ولو قريتم في تربيه الطفل او سمعتم الاخصائيين الاجتماعيين وكلامهم عن تربيه الطفل
هتعرفوا انتم اد ايه بتعملوا اكبر ذنب في اطفالك
انتم عارفين طبعا ان الطفل لحد تسع سنوات مش بيفرق بين الصح والغلط لكده هو محتاج معامله خاصه من نحيه تعليمه الصح ومن نحيه انه مش تاثر في نفسيته وانه يداوم علي عاداته الصحيحه بقيت حياته
طبعا كثير من الامهات عندما تجد طفلها اخطا تلجا لمعاقبته بالضرب او التوبيخ(الشتيمه) والي بتجهله كثير من الامهات ان الضرب ده بيبقي عامل مساعد في انحراف الطفل
ودلوقت انا هقول
لكل وحده موش عارفه سلبيات الضرب بكل انواعه او التوبيخ(الشتيمه) انا هقولكم من واقع ما شوفت في المجتمع وما قريت وسمعت
……………
اولا لازم تعرفي…..
ان الضرب بياثر في نفسيه الطفل
بيجعله عدواني اتجاه اصدقائه او اخواته وده بيادي لانحرافه للجريمه
ثانيا بيجعله جبان وميعرفش يدافع عن نفسه حتي لو بالكلام
ثالثا بيجعله مش عنده شخصيه واي شخصيه ممكن توثر فيه
رابعا :بيجعل مستواه في التعليم ضعيف لان الضرب بياثر علي نمو عقله وبيتالي بيبقي صعب يبدع او يفكر كتير اثناء المذاكره
خامسا: بخلاف ان التوبيخ(الشتيمه) سلبياتها لا تقل علي الضرب في شئ فانها تودي لنفس النتائج بزياده عليها ان الطفل بيسمح التوبيخ ويكررره ويبقي كده انتي علمتيه انه يشتم وتبقي اخلاقه منعدمه مع الناس وفي نفس الوقت اثرتي علي نفسيته زي ما قولنا في الضرب
سادسا ان الضرب او التوبيخ بيجعل الطفل عندي اكتر وبدل ما يكف عن سلوكه بيزيد فيه
******
عاوزه اقولكم شئ اخير
افتكروا انهم كانوا منزليين قرارت بمنع الضرب في المدارس موش لفت نظركم للسبب؟
***********
وهقولكم نصائح من واقع ما قريت كيف تتعاملي مع طفلك عندما يخطا
اولا تجلسي مع طفلك وعلميه ان تصرفه غير مقبول وانه غلط
ثانيا مكافا الطفل حين يبتعد عن هذا التصرف او عندما يقوم بسلوك كويس
ثالثا:ابتعدي انتي عن الغضب عندما يتصرف طفلك تصرف خاطئ حاولي انك تهدئ ثم فكري كيف تتعاملي معاه تعامل يهذبه بعيد عن التاثير عليه
رابعا والاخير لازم تقري في كيفيه تربيه الطفل سوا كانت في منتدي فتكات او غيرها او هتشتري كتب تقريها
***********
بكده انا خلصت موضوعي وعرفتكم الاثار السلبيه ال بنتج عن ضرب الطفل او توبيخه
ويارب الامهات ال بتضرب اولادها يكون عرفت اد ايه هي بتخطئ في حقهم
وان شاء الله يكون تصرفكم احسن معاهم بعد موضوعي
…………………………………….
الموضوع انا الي كتبته ويارب يعجبكم
بقلمي
اختكم صمت الدنيااا
******
صمت الدنيا صمت الدنيا فتكات رائعة Fatakat 714494 مصر – مصر
سبحان الله و بحمده
