بالنسبة للبنوتات الحلوين اللى مش بيعرفو يعملو سنجارى
هتشوفو معايا بالتفصيل الممل من اول ماتفتحيه لحد مايبقى فى الفرن
ايه راايكم نشوف الاول الصورة دى وبعدين نتكلم على المكونات والطريقة
الاول هنقول على طريقة فتح السمكة
بمسك السمكة بايدى الشمال وهى على سيفها
وبجيب المقص وافتحها من رأسها زى الصورة كدة
واول مافتحها اخرج كل اللى فى بطنها وانضفها كويس واغسلها بالدقيق والخل علشان الظفارة نروح منها لان البورى ساعات بيكون ليه رائحة ظفارة شديدة تمام كدة
كدة فتحت السمكة ونضفت اللى فيها وبقت جاهزة للحشو
نشوف صورة للحشو
نشوف الحشوة اللى محتاجنها انا عملت صنية بحشوة فيها بصل وجزر وخضرة وطماطم وفلفل
وحشوة من غير بصل وجزر لكن فيها باقى المكونات والاتنين طعمهم روعة انا حبيت اقول علشان اللى
مش بيحبو البصل والتوم فى الاكل ممكن البهارات والكمون بتغنى عن البصل والتوم
{1}سمك بورى حجم كبير الكمية اللى تناسبك
{2} 2 طماطماية كبيرة
{3}ربطة خضرة مشكلة
{4}2 فلفلتين خضر ولمحبين الشطة ممكن قرن شطة
{ 5} بصلة صغنونة وممكن 3 فصوص توم
{6} ملح وفلفل وبهارات سمك وكمون وممكن شوية كزبرة ناشفة
{7}جزرة حسب الرغبة
{8} معلقتين زيت
{9}نصف ليمونة
{10}معلقتين صلصة
بعد ما نفتح السمك بالطريقة اللى فى الصورة من الراس نغسله كويس
نقطع الطماطم والفلفل والبصلة مكعبات صغيرة ونبشر الجزرة عليها ونقطع الخضرة
ونتبلهم بالملح والفلفل والكمون وبهارات السمك ونضيف اليمون ونحشى السمك
ونحضر الصينية او الساج انا بعمل فى صنية ونفرش شوية من الحشوة فى الصنية
ونرص السمك فى الصنية ونزل عليه بمعلقتين الزيت
ونفك معلقتين الصلصة بشوية ماية ونصبهم على السمك
نغطى الصنية بورق فويل وتدخل الفرن وبتاخد فى السوا اقل من نصف ساعة
وتخرج بالشكل دة
ريحة وطعم حكاية ايه رائيكم يافتوكات متنسوش التقيم ياقمرات
مواضيع هذا القسم برعاية
نعمة من ربى نعمة من ربى 572666_3.gif Fatakat 572666 كفر الشيخ – مصر
