نفسي اقول انا حاااااااااااااااااااامل نفسي هموت واقولها بحلم بيها ليل ونهار تعبت والله واعصابى تعبت لدرجة ان لما البيريود بتنزل بفضل اتخيل انى حامل واقول لنفسي يعنى هو ولا حقيقة ولا اتخيل حتى
عندى تكيس وكل شهر بدفع اكتر من الف جنيه على الحقن والدكتور وكله بيبقى تمام ومفيش فايدة بدعى ربنا كتيررررررررررر وقيام ليل وانا مكنتش منتظمة فالصلاة بقيت منتظمة فيها جدااا الحمد لله لدرجة انى وانا عليا البيريود ضميرى بيانبى والاذان بياذن وبيبقى نفسي اصلى
قرايبى اصغر منى واتجوزا بعدى وحوامل ماشاء الله انا اكتر واحدة اتاخرت فالعيلة فعيلتى وعيلة جوزى ده غير ان جوزى الكبير فعيلته واهله هيتجننوا ويشوفوله نونو
نفسي افرح ماما اوى لانها اكتر واحدة تعبانة بسببى ولما بيجيلي البيريود بتعد تعيط
اخواتى ماشاء الله اكتر واحدة فيهم قعدت شهرين بس وبقت حامل
نفسي افرح جوزى اووووووووووووى بيصعب عليا اوى لما بقوله البيريود نزلت والاقى وشه اسود كده وصوته اتغير وزعل ويحاول يمثل انه عادى علشان انا مزعلش لانه عمل تحليل وطلع حلو
نفسي افرحه وافرح ماما وافرح نفسي وافرح الكل تعبانة اوى والله
البيريود اتاخرت عليا 4 ايام فرحنا كلنا واهل جوزى بعتولى اكل علشان ماقفش فالمطبخ وحمايا بقى يقولى لو عاوزة اى حاجة اجيبهالك طيران
والكل كان فرحان وفالاخر نزلت بنى لمدة يومين وانا اول مرة يحصلى كده وبرضو حطينا امل وبقيت نايمة وعملت تحليل كمان وطلع سلبى وقلنا نستنى تانى
ده غير انى بحط ايدى تحت وكنت بلاقى الرحم مفتوح الشهر ده كنت بلاقيه مقفول زى الدايرة ولما قلت لماما قالتلى انتى حامل وفرحنا اوى
وطلعلى خط بنى فالجلد تحت السرة كده بتاع الحمل ده وكل ده زود املى وعشنى
وفالاخر شرفت انهارده ودمرت كل احلامى كان نفسي ييجى رمضان عليا وانا حامل اووووووووووووووووووووووووى
تعبانة والله وبقيت كل ما اشوف اعلان بامبرز اعيط اشوف فيلم او اغنية فيهم واحدة حامل وجوزها فرحان اعيط وازعل انى مزعله جوزى
انا بزعل على نفسي 60 فالمية ولما بشوف زعل جوزى واهله وماما بزعل ميه فالمية وبحس انى مقصرة بالذات مع جوزى اوى لانه سليم ولو كان اتجوز واحدة سليمة كان زمانه بقى اب
اللهم اجرنى فى مصيبتى واخلفنى خيرا منها يارب
ادعولى بالله عليكم اوى مش لازم حتى تكتبوا انى ابقى حامل يااااااااااااااااااااااااااااااااااااااااااااااااا اااااااااااااااااارب
ندى العسولةةة ندى العسولةةة فتكات نشيطة Fatakat 710454 اسوان – مصر
