يابنات انا مبدايا انا معرفش الكلام ده صح ولا غلط بدع ولا بجد ولا الكلام ده خالص بس مبدأيا انا جبتهولكو هنا لسبب واحد بس انه فعلا انا شايفه اننا لو عملنا كده بنية اننا نريح اعصابنا مش اكتر هتبقه حاجة حلوة ونعتبرها كنصايح لينا نعملها عشان نبقه قاعدين فى بيوتنا نفسيا مستريحيين
نقطة اخيرة بس اقولها قبل مانبدا عن الملح ورش الملح فى الشقة انا كنت قريتها قبل كده وحابة اضيفها هنا انه الملح وجوده فى المكان رشه فى الارض او اننا نحطه فى الماية الى بنمسح بيها ونديها وده حاجة بتساعد اوووى انها تهدى الاعصاب للناس فى البيت والدليل على ده انك لما بتقعدى قدام البحر انتى فعلا بترتاحى جدااااا على غير ما تقعدى مثلا قدام النيل مثلا لان الملح بيساعد فى استخراج اى حاجة سلبية جوانا فبيهدى اعصابنا … بس كده نبدا بقه
مشكله الانسات وتأخر سن الزواج لديهم وخصوصا في مصر ..الحل في الفينج شوي وهي
غرفه نومهم … دائما مليئه بالكراكيب وأشياء اخري وذكريات من اشخاص مروا في حياتهم ولم يكن معهم نصيب ومازالوا محتفظين بتلك الاشياء في غرفهم … فهذه الاغراض تعمل علي اعاقه فرص الحياه المستقبليه لتواجدها بسلبياتها وموجاتها المعيقه لدخول فرص للزواج جديده …
اختي الانسه العزيزه ….اني متاكده تاكد تام ان غرفتك مليئه بالكراكيب والذكريات من اشخاص كانت لهم ذكري في حياتك … غير الكراكيب والكتب والأحذية والملابس التي لا تستعمل ولكنها مازالت مكدسة في غرفتك …
غير ان سريرك ممكن ان يكون صغير نسبيا بالنسبه لفتاه شابه وانه نفس السرير الذي ما زلتي تنامين عليه وانتي مراهقه ما زلتي متسلسله و مقيده فيه ……
غير انه ممكن ان يكون ملتصق بالحائط من احدي الجهات فلاتدخلين سريرك الا من جهه واحده مما يعمل علي تقليل فرص الحياه بالنسبه لكي ……..
ولا تنسي انه من الممكن ان يكون تحت سريرك حاجات كتيره معوقه احذيه علي شنط تخزين وحاجات كتير ….. كل ده من شانه ان يعمل علي أعماقه مسارات الطاقه في غرفتك وان يقلل من فرص الزواج لكي كثيرا ……..
كما ان خزانتك او دولابك مكدس ومليئ بما لا يستعمل بالسنين وكلها حاجات كتير معظمها مش بتستعمليه … غير الي فوق الدولاب يا لطيف ….. شوفي اد ايه مسارات الطاقه لديكي معطلة …
…. فلذلك فتشعرين بالكابه وقله النشاط واحساس بالضيق … غير انها بتقفل وتعوق اي فرص او جهات امل للزواج واتمامه وده اكيد ….. لان مسارات الطاقه معطلة وراكده ..
عزيزتي الانسه …. نصيحه من أختك ( سها عيد ) لا تنصتي لحد ابدا يقولك معمولك عمل والكلام الفارغ ده …لان كل الي بتتشبثي بيه باوهام اعمال واحجبه ….ما هي الامعيقات سلبيه وكلام فارغ ..
( بيني وبينك…خليكي ايجابيه ومقتنعه انك زي الفل لان اقتناعك بغير ذلك حيبعد عنك الفرص المستقبليه
( تفائلي بالخير تجديه )
عايزاكي بكره تبدائي تفتحي شبابيك بيتك وخصوصا غرفتك وبلكوناتك وتبدائي بعمليه تحريك للطاقه الراكده في المكان ازاي …
عن طريق ازاله اي كراكيب مبتستعملهاش بالسنين غير الهدايا الي اصحابها ليهم ذكريات سيئه لديكي …
حتقومي بعمل 3 كراتين او اكياس ..
اغراض تقومي بالتصدق بها كيس رقم 1 .
.. كيس رقم 2 اغراض حتعطيها هدايا لاصحابك واقاربك او جيرانك
كيس رقم 3 اغراض انتي محتاجها ومهمه بس ممكن تضعيها في الدولاب بطريقه مناسبه
وبعدين تتخلصي من كل الدباديب والحركات والصور والملصقات النسائيه والمجلات والكتب الي في غرفتك وتستبدليها بحاجات مزدوجه
زي عروسه وعريس .. شمعتين … بطتين … قطتين …عصفورتين … تمثال لراقص وراقصه مثلا .. اي شيئ يعبر عن وجود الشريك. …
وتضعي تلك الاشياء او اي زوج منهم في جهه الجنوب الغربي ( SW ) في الغرفه وان اردتي في كل مكان جنوب غربي في الشقه في الصاله في غرفه السفره … ممكن تفعليهم كلهم …
بعد كده نشوف السرير انا عايزه سرير عادي بآركان .. عالي شويه عن الارض خشب… ليه مسند راس خشبي يليق بشابه كبيره مش سريرها وهي طفله او مراهقه … ممكن تبيعي سريرك في اي موقع للبيع وتشتري سرير جديد ….
تحت السرير يكون فيه فراغ مناسب ممكن لطفل يستخبي تحته يعني مش ملاصق للارض وتحت منك نظيف ومافيش احذيه ولا خلافه ولا سحاره ولا كلام فارغ …. وكل فتره ترشي تحته شويه ملح وممكن تتركيها عادي يومين تلاته مش مشكله
السرير يكون علي حائط ليس مشترك مع حائط حمام ويكون غير مقابل مباشرتا للباب يعني رجليكي وانتي نايمه متكنش مباشرتا علي الباب ( مش مجرح يعني )
السرير لازم يكون يمينه كمود وشماله كمود متشابهين … لتوازن الطاقه علي الجانبين وتقدري تدخلي سريرك من اليمين او من الشمال ( وليس احدي جوانبه ملاصقه للحائط طبعا )
عايزه المرايا في الغرفه متشوفيش نفسك فيها وانتي نايمه علي السرير …وكذلك مرايا السراحه او مرايا الدولاب غير متقابلين نحاول نغطيهم باي غطاء قبل النوم …
حتشعري بهدوء وسكنيه بعد تغطيه المرايا في الغرفه بعد كده …
وطبعا مش عايزين ننسي كل فتره نرش الملح الخشن في اركان البيت وكذلك في غرفتك في كل ركن نبدا من باب البيت او الشقه عكس عقارب الساعه ونمشي في كل ركن وخصوصا الرش خلف الخزاين الي عمرها متحركت واتمني لو اننا قمنا بتحريكها ولو مره في واحده في السنه وازاله كل شيئ فيها وتحريكها ووضع الاغراض مره اخري فيها
وطبعا لازم تعرفي ان الجهه الجنوبيه الغربيه( SW ) جهه مؤثره جدا في الزواج والارتباط العاطفي ووجد ان اكثر من 90 ٪ من الشباب والشبات الي بيتجوزوا في مراحل عمريه مبكره هو اختيارهم للغرف الجنوبيه الغربيه او منامتهم علي الجهات او الحوائط الجنوبيه الغربيه لغرفه نومهم بالفطره البحته في الاختيار وتفعيلهم لتلك الجهه بالفطره مش اكتر … وطبعا الكراكيب في معظم غرفهم غير متواجده طبعا …..
واولا واخيرا كل شيئ باذن ربي ولكننا ناخذ بالاسباب علميا كما تعلمنا وكما اوصانا الله تعالي بالتعلم والقراءه والبحث وهذا ما أتممت دراسته في علوم الحضارات القديمه لاعطيه هديه لكم ..والله الموفق والمستعان .
ولما يتم المراد انا عايزه اتعزم وربنا يعطيكم الزوج الصالح انشاء الله .
سها عيد
dody17221 dody17221 373956_1.gif فتكات هايلة Fatakat 373956 Cairo – Egypt
