بصو يابنات انا عملت الموضوع دا لأن جالي وقت فالدايت احترت اكل ايه غير الخضار والمسلوق وحاجات كدا بتيجي وقت نفسك تقفل منها وتكرهي الدايت والتخن والحظ الي خلاكي تخينه وساعات تبقي هتموتي علي حاجه حلوه غير ان في ناس كتير بتقعد بره طول النهار فالجامعه او فالشغل ودي المعاناه الي انا كنت بشتكي منها وطبعا مش هناخد فالشنطه سلطه وتفاح والناس تقعد ثفرج علينا وكله يعرف انك بتعملي دايت فعشان كدا هنا هنساعد بعض بالحاجات الجاهزه والسهله الي تنفع لدايت واحسن الانواع والاسعار كل الي نقدر عليه وياريت نثبته عشان نستفيد انا بأه هبدأ معاكو اهو بصو في اول حاجه: العصاير في انواع كتير بدون سكر منها ودا احسن لدايت وكبير وصغير ودا طبعا هيفيد الي بيشتغلو تحطي علبه العصير الصغيره وبسكوت دايت انواع العصير بأه المشهور عندنا جهينه بيور وفي سيزار وفي الربيع وانا بفضل طعم سيزر تاني حاجه: البسكوت في بسكوت لايت منه دايجستف واكتف وبجد طعمه حلو وبيرفع روحك المعنويه بيحسسك انك مش محرومه من حاجه وفي منه الصغير الي ينفع تخدي فالشنطه والكبير وسعره تقريبا حس النوع من 7 لحد 10 طبعا هيبأه بسكوتين وعلبه عصير فالفطار يعني العلبه تقعد معاكي كدا 3 او 4 ايام تالت حاجه:الشكولاته والناس الي بتحبها في السوبر ماركت الكبار بس غاليه وانا راي تبدليها بكاكاو او كاكاو كارنو لايت تعمليه عادي بمايه وتحطي سكر دايت ودخليه فالفريزر وبقي كليه كأنه شكولا رابع حاجه:في شوربات جاهزه وسعراتها خفيفه تنفع تعمليها اما تزهقي من الكل وبدل الرز احسن نوعين الماجي وكنور ومنه كذا طعم انا جربت كريمه الدجاج والشعريه بالدجاج وعجبوني وجربت الي بالفطر بس معجبتنيش أوي بس مقبوله دا الي اعرفه والي فكراه واعتقدر ان في ناس ممكن متكونش عارفاه يلا يابنات نخلي الدايت طعم تاني وكل وحده تعرف حاجه سهله وبسيطه تنفع لدايت وممكن يكون في بنات متعرفهوش تقولنا ونخليها موسوعه في موضوع واحد عشان نفيد ونستفيد وناخد ثواب كمان وياريت الاداره تثبته dr_pt dr_pt فتكات هايلة Fatakat 236015 القاهره – مصر
