السلام عليكم ورحمة الله
انا جيبالكم يا فتوكات يا حلوين مكرونة سهلة وجميلة ولو عندك اطفال اكيييييد هيحبوها
بما اني عاملة زي الاطفال وبحب المكرون جدااااااااا
ف دايما بحب اخترع فيها
ولما عملت المكرونة دي وعجبتني جدا قلت لازم اشارككم معايا
ياللا ادخلي مطبخك وجهزي اللي هقولك عليه
الكمية: على حسب عدد الافراد اللي هياكلو منها (بالهنا والشفا)
المقادير:
1- مكرونة (مسلوقة ومتصفيه)
2- بصلة
3- طماطم
4- فلفل (حار او رومي حسب الرغبه)
5- لانشون
6- فصين ثوم مبشورين
7- ملح وفلفل وشطه (حسب الرغبه وممكن الاستغناء عن الشطه خالص)
الطريقة:
قطعت البصلة مكعبات صغيرة
وقطعت اللانشون والطماطم والفلفل
حمرت البصلة شوية على النار في شوية زيت
مسبتهاش تتحمر اوي مجرد انها تصفر شوية
وحطيت عليهم الفلفل والطماطم واللانشون
وطي عليهم خالص وسيبي الطماطم لحد ما تنزل ميتها
وبعدين حطي عليهم ربع كوباية مية
وحطي الملح والفلفل والشطة وفصين التوم مبشورين
وغطيها وسيبيها شوية لحد ما البصلة والفلفل يستوو
هيبقة شكلها كدة
وحطي المكرونة في طبق وعليها الخلطة اللي انتي عملتيها
وممكن تقلبي المكرونة مع الخلطة وتحطيها في البايركس
وتحطي على وشها جبنة رومي او موزاريلا وتدخليها الفرن شوية
هيبقة طعمها جنااااان
وبالهنا والشفااااا
مواضيع هذا القسم برعاية
Pinkyyy Pinkyyy 158444_4.gif سوبر فتكات Fatakat 158444 cairo – egypt
