السلام عليكم ورحمة الله وبركاته
ازيكم يا احلي عرايس وحشتوووووووووني جدااااااااا
من كام يوم كدة عملت ماسك بس روووووووعة ماشاء الله وطبيعي ومكوناته سهلة جدا ومضمون جدااااا
انا مش بكتب حاجة الا لما اجربها
للاسف بشرتي حساسة جداااااااااااا وجربت كل انواع كريمات التفتيح وحرقت وشي يا بنات والله
وانا اصلا عندي حروق شمس ربنا يعفيكم وكمان دخلتي قربت يعني محتاسة ونفسيتي تعبانة
بس بعد الماسك دة ارتحت عليه اوي الحمد لله
كفاية رغي
الماسك عبارة عن :
١* معلقة صغيرة كريم مرطب اي كريم مرطب تحبيه
٢* معلقة صغيرة نشا
٣* معلقة صغيرة زيت ورد
هنخلط المكونات دي مع بعض كويس جداااا وتدهني بيها بشرتك بعد تنظيفها
طبعا كلنا عارفين فوايد النشا في التفتيح وزيت الورد راااااااائع بس طبعا مش ينفع نستعمله مباشرة علي الوجهة عشان بيحرق اوي وعشان كدة استعملنا كريم مرطب
وزيت الورد فوايده مشهورة في التقشير والتفتيح
انا بعمل الماسك دة كل يوم وتسيبيه علي وشك نص ساعة وتشطفيه بمايه دافية
هتلاحظي الترطيب والنعومه والتفتيح
وبعد اسبوع من الاستعمال اليومي هتلاحظي فرق واضح بأذن الله
يارب الماسك يعجبكوا والله فرق معايا كتير اوي
وكمان بيشيل البقع الغامقة في البشرة
والبنات اللي بشرتها دهنية ممكن تستبدل الكريم وتحط بداله سكرب خفيف للبشرة او ترمس مطحون بيقولوا جميل اوي بس انا مش جربته
معلومة كمان علي الماشي عشان خاطر عيون حبايبي : زيت الليمووووووووون يا بنات ثم زيت الليمون وزيت الليمون
ليه بقي ! لان زيت الليمون تخصص في ازالة البقع ونذارة البشرة وتوحيد اللون
بس مش بيفتح
اانا قولت اهو مش بيفتح بس بيوحد اللون ورووووووووعة بصراحة وكمان ممكن تحطيه من غير تخفيف عشان مش بيحرق ولطيف علي البشرة
استعمليه قبل النوم مباشرة ونامي بيه ولما تصحي اغسلي وشك بالصابون وصدقيني عمرك ماهتحتاجي اي كريم ترطيب اضافي
بس اياكي اياكي تستعمليه وتخرجي في الشمس
بحبكم جدااااا ويارب الموضوع يعجبكم وادعولي ربنا يهدي جوزي عشان مطلع عيني مواضيع هذا القسم برعاية
مترجمة خاصة مترجمة خاصة images/avatars/moon.jpg فتكات نشيطة Fatakat 514746 الزقازيق – مصر
