عاوزين تعرفو مين هو قاتل القاتل
طيب اعرفو مين هو القاتل الاول ؟
القاتل هو مرض (( الســرطــان ))
طيب مين هو قاتل السرطان ؟؟؟؟
بالابحاث والدلائل الطيبة اتضح ان قاتل السرطان هو
(( القـــرنـــبـــيــــطــ ))
ايوة القرنبيط الي فيه مننا كتير مش بيرضي ياكلو وفي مننا كتير بيطلع الكرنبيت ويختفي وهو ما اكلهوش مرتين علي بعض
بنادي كل ام كل زوجة كل بنت
كلكم راعي وكلكم مسئول عن رعيته .. حنتحاسب علي بعض علي صحتنا علي عمرنا علي انفاسنا
بعد انتشار كل الامراض الوحشة الي موجودة لازم نرجع لطبيعة ربنا تاني
القرنبيط فيه كبريت قاتل السموم وقاتل السرطان ..فيه فيتامين cالي بيزيد المناعة ويقلل اكسدة الخلايا والذي يمنع السرطان ويقاومه بشكل قوى
اد ايه ربنا كريم
حاجات رخيصة كلنا نقدر ناكلها عودي جوزك وعيالك ابوكي واهلك نوعي في طبخ القرنبيط علشان يحبوه
حقولك كمان ممكن تعمليه ازاي
هاتي القرنبيط واسلقيه وقطعي الازهار بتاعته و الفروع مفيش حاجة تترمي قطعيه … وهاتي عليه معلقتين زبادي وفصين توم مدقوق مع شوية ملح و وفلفل اسمر رشة جنزبيل وقرفة وكمون وممكن شوية خضرة محشي صغيرين لو تحبي وقلبيه وكدا يبقي سلطة طعمها روعة وبالف الف هنا يااااااا رب
كمان هاتي القرنبيط واسلقيه واعملي له تتبيله ببيضتين وبقدونش وشبت مقطع وشوية ملح وفلفل ومعلقة زبادي وشوية توابل من ايدك الحلوة وتقطعيه وتتبليه وتحطيه فالتلاجة يتشرب من التتبيلة وبعد ساعتين تاخدي منه وتبدريه بالقيق واقليه واعملي جمبه سلطة اي سلطة بتحبيها او بطاطس محمرة وبالف الف الف هنا يارب
كمان ممكن تسلقيه نص سلقة وتقطعيه وتجيبي نص لحمة قطع او مفروم لو اللحم مفروم حطيه في مية ينزل دهونه وصفيه لو لحم قطع اسلقيه هو كمان نص سلقة
واما يتسلق واللحم يتسلق هاتي حلة حطي فيها اللحمة والقرنبيط وعليهم كوباية طماطم وبصلاية مقطعة وخمس فصوص توم مفروم وملح وفلفل وكوبايتين مية وسبيه يستوي علي النار مع طبقين رز ابيض مفلفل مع شوية سلطة او وحدتين مخلل وبالف الف هنا يارب
انا كدا خلصت وليكم انتم الاختيار
بس خليكو فاكرين اننا كدا بنغذي حبايبنا و بنحميهم وطبعا الحامي ربنا لا اله الا الله
بس نعمل الي علينا
بحبكم ♥♥♥♥في♥♥♥♥ الله♥♥♥♥♥
فاطمة الدمياطي فاطمة الدمياطي 396609_3.gif فتكات هايلة Fatakat 396609 في مدينة الاسكندرية – جمهوية مصر العربية
