ازيكم يا بنات انا طبعا سمعت كتير عن عجينة العشر دقايق بس ماخطرش على بالى اجربها غير بعد موضوع الفينو للشيف حسن فقلت اغير الطريقة المرة دى فجربتها وطلعت روووووعة بجد عجينة الكنز فعلا وعملت منها فينو وكيزر وقرص مدورة بالعجوة زى اللى فى الافران وقرص محشية عجوة برضه وعلى شكل كرواسون ومرة تانية عملت سينابون بالقرفة والكاكاو وبيتزاوخلية النحل يعنى تنفع تعملى بيها اى معجنات
المرحلة الاولى 2كوب دقيق 2كوب ماء دافى 2معلقة كبيرة خميرة فورية ( انادايما باستخدم خميرةبيرة ) فنجان قهوة سكر ذرة ملح
المرحلة التانية 3كوب دقيق 1/2كوب زيت او زبدة 2معلقة حليب بودرة
سائل التلميع بيضة +12كوب لبن +فانيليا سمسم وحبة البركة
الحشو عجوة او ملبن او جبنة او شيكولاتة
الطريقة العجينة دى بتتكون من مرحلتين هنضيف مكونات المرحلة الاولى ونخلطهم كويس زى كده
ودا بعد اضافة الخميرة البيرة دوبتها مع شوية سكر فى مية دافية
ونسيبهم 10 دقايق او اكتر على حسب درجة الحرارة
لحد ما الخميرة تبتدى تشتغل وتعمل فقاقيع هوا نضيف باقى الدقيق والزيت او الزبدة واللبن البودرة
ونعجنها كويس لحد ما تبقى العجينة ملساء وناعمة زى كده
باغطيها بكيس ولان الجو برد وهتاخدوقت يا اما بادفى الفرن واحطها فيه او اغطيها ببطانية واسيبها تخمر شوية كمان
وبعدين ابتدى اشكلها حسب ما انا عاوزة دا الفينووالبيتى بان باخد حتة عجينة صغيرة كده وافردها بالشكل ده
وبعدين الفها رول كده
واحطها فى الصاج واخلى اخر حتة اتلفت من تحت
ولو عاوزة تحشى الفينو جبنة او عجوة او لحمة او فراخ ممكن تحطى الحشو وبعدين تلفيه البيتى بان نفس الطريقة بس القطعة بتكون اصغر شوية
القرص المحشية باخد قطعة عجين وافردها على شكل مستطيل كده والعجوة باهرسها بالشوكة مع زبدة وسمسم واخد قطعة والفها على شكل اسطوانة كده واحشى بيها
وبعدين اقفل العجينة على العجوة واعملها على شكل دايرة واقفل الاطراف على بعض وادوس عليها علشان متفكش وبالمقص اقطع اطرافها بسيط كده علشان الحشوة تبان انا عملت منها بالملبن والعجوة
وممكن تعمليها زى القرص الفلاحى
مواضيع هذا القسم برعاية
ام عمرو خالد 2024 ام عمرو خالد 2024 81724_31.gif شيف فتكات Fatakat 81724 مدينة نصر – مصرام الدنيا
