السلام عليكم ورحمة الله وبركاتة
العزومة دي كانت يوم السبت الفات بمناسبة عيد زواجنا
المنيو كان عبارة عن
شيش كباب
فراخ مشوية
مكرونة اسباجتي الصلصة
مكرونة بالوايت صوص والمشروم
وده كان شكل السفرة النهائي
اولا الفراخ المشوية
عملت بعدد الهياكلوا فراخ بس
وهما زوجي وانا بس ابني مكنش عايز والتاني صغير
تبلت وركين الفراخ في بصلة مبشورة ومعلقة خل وفلفل اسود وملح ومعلقة صلصة
وسيبتهم في التتبيله من قبلها بيوم
وتاني يوم حطيتها في الفرن ومعاها ربع كوب مية وغطيتها لحد السوا واول مستوت شيلت الغطا وشغلت الشواية
واول متطلع فحمة مولعة في شوية زيت وغطيها وكلي احلي فراخ مشوية علي الفحم واتحداكي ان تفرقي طعمها عن الجاهز
ثانيا الشيش كباب
نص كيلو لحمة مقطع مكعبات
بصل وفلفل وطماطم طرنشات
تبلت الحمة من قبلها بيوم في بصلة مبشورة وفص ثوم مفروم ومعلقة خل
ومعلقة كاتشب وتوابلك المعتادة
قطعت الخضار بتاعنا مكعبات قدر الامكان
وبدأت اسيخ الخضار واللحمة في الاسياخ الخشب
ورصيتهم في الصينية ودخلتها الفرن وعليها نص كوب ماء وغطيتها حتي تمام السوا
واول متتأكدي ان اللحمة استوت تمام
شيلت الغطا وشغلت الشواية
واول مخلصت تمام ولعت فحمة في شوية زيت وغطيت الصينية
وكانت تحفة بمعني تحفة الشيش كباب مش الفحمة
وده شكله النهائي
ودي المكرونة الاسباجتي معشوقتي انا شخصياااااا
بموت فيها ياناس
ودي المكرونة بالوايت صوص والمشروم
طريقتها نص كوباية كريمة لباني دوبت فيها معلقة دقيق علي النار وحطيت المشروم والملح ورشة فلفل اسود
واول مالقوام بتاع الصوص بقي تمام ضيفت المكرونة وتقلبتين وخلاص كدة
وعملت سلطة صحينة وكدة حلو اووووي
وده شكل السفرة النهائي
واتمني ان الموضوع يعجبكم
ومتنسونيش من دعواتكم الحلوة ربنا يباركلي في اولادي ويوسع رزق زوجي
ومش هقول قيموا لانكم مش بتسمعوا الكلام ومش بتقيموا
بس مش زعلانة منكم برضو بحبكم
احبكم في الله
مواضيع هذا القسم برعاية
امة الله ام يوسف امة الله ام يوسف 227927_5.gif فتكات غالية قوي Fatakat 227927 Mystery….that’s all – _
