السلام عليكم بنات عروس الحلوين
جايبه النهاردة طريقة عمل الكريب بصورة سهلة جداااا
ومش حتاخد منكم وقت خالص
ممكن تعملوها للفطار او للعشاء كنوع من التغيير
نبدأ بالمقادير :
3 بيضات
1 1/2 فنجان حليب
1 فنجان دقيق
3 ملاعق زبدة سائحة
رشة ملح
لو الحشو حلو نضيف : 1/2 ملعقة سكر و 1/2 ملعقة فانيليا
الطريقة :
نضرب البيض كويس جداا بالمضرب العادي
ونضيف اليه الحليب والملح ونستمر بالضرب
وبعديها نضيف الزبدةمع استمرار الضرب وآخر مرحلة الدقيق
ولكن ينضاف بتمهل وعلى دفعات لحد مايتم اضافته كله
وتكون العجينة جهزت قدامنا وحتبقى سايلة والسطح
كله فقعات
حندخلها التلاجة لحد ماتختفي الفقعات وتخرج علشان نجهزها
حنجيب مقلاة ونمسحها بنقطة زيت والاحسن بمنديل مطبخ
وبمعيار الكبشة او المغرفة حنحط في وسط المقلاة
ونحركها داير مايدور لحد ماتفرش المقلاة كلها
ونسيبها على وجه لحد ماتحمر ونقلبها لتحمر من الوجه الآخر
الحشو :
ده اختياري وحسب مزاجك تعملي مفروم
تحشيها انواع جبن وعليها فلفل او بقدونس
تحبي تحشيها سلطه فواكه البحر اي شئ انت بتحبيه
وكذلك في النوع الحلو ممكن قشطة بالعسل
او فواكه معاها صوص
ارجو ان الوصفة تعجبكم انا جربتها وعجبيت اولادي كتير
انا شفتها في التلفزيون وقلت لازم بعد ما اجرب انزلها لبنات عروس
يالله ياحلوين وروني المشاركات الحلوة والتقيم الحلو زيكم
الى اللقاء في حاجة جديدة ….. مواضيع هذا القسم برعاية
قمر الحياه 2024 قمر الحياه 2024 فتكات حبوبة Fatakat 691294 القاهره – مصر
