يلا يابنات تعالوا يلا انا جبتلكم النهارده بوصفه جميله وحلوه قوي للاطفال وتغير يمكن مش مشهوره في مصر قوي في الغالب بنعمل الذره مشويه وخلاص….ودي مشهوره في دول الخليج وانا شوفت طريقتها كنت في حديقه هنا في الامارات وشوفت عاملين مكان والفلبنيات بيبعوه للاطفال وقولت لازم اجرب طريقته والحمد لله دورت علي النت ولفيت لغايه لما لقيت احسن طريقه والنهارده بقي جبتلكم طريقه جديده وحصري من عندي انا اللي مجمعه الموضوع ندخل علي المفيد ….
الاول هنشوف شكل الذره الجميل الطازج وممكن كمان يبقي مثلج مش مشكله
نيجي بقي للمقادير ….
وده لو حبينا نعمله بلمح وفلفل اسود وهقولكوا علي خلطات كتير ممكن نضيف له شطه او بابريكا وليمون وممكن كمان جبن ومايونيز
اما بقي لو هنعمله حلو فنستبدل الحاجات دي بالسكر وممكن رشه فانيليا….ماشي
نيجي بقي للطريقه…
.
وزي ماالصوره موضحه هنسلق الذره علي حمام ماء يعني بالبخار ونقلب لحد ماالذرة تستويعلشان الفايده بتاعته متروحش لو سلقناه
كده تمام نقلب زي الصوره كده
وهنا بعد مااستوي نسيح الزبده في طاصه علي النار ونضع الذره معاه الملح والفلفل الاسود حسب الرغبه وممكن كمان نضيف اي خلطات زي ماقولت قبل كده وتشوح لمده 3 دقايق
ولو عايزينه حلو يبقي سكر ورشه فانيليا…انا عن نفسي لما بعمله حلو بضع قطعه زبده والذره والسكر علي نار هاديه واقلب حتي يستوي واضع رشه فانيليا ونقدمه بقي في اطباق اواكوب للاطفال ودي هتبقي طريقه جديده والاطفال هيحبوها باذن الله
وااااااااااااااااااااااااو شكلها تحفه ويفتح النفس…ايه رايكم بقي مستنيه الردود ومتنسوش يابنات التقيم انا مبقولش كده في مواضيعي كتير بس انا عايزه كتير من الفتوكات يشفوها ويجربوها …
واخيرا اتمني منكم دعوه حلو عن ظهر الغيب بصلاح الحال وربنا يهديلي اولادي ويجعلهم زريه صالحه وتهديلي جوزي وتبعد عننا المشاكل ..
في رعايه الله
مواضيع هذا القسم برعاية
منايا رضاك ياربي منايا رضاك ياربي 379944_15.gif سوبر فتكات Fatakat 379944 مصر – مصر
