السلام عليكم
عملت صنيه كبد وقوانص واهو تغيير وبتنفع في الزنقات وطعمها جميل واكله متكامله
انا بشتري الفراخ كذا فرخه وبقسمها اللي هيتشوى اتبله واللي هيتسلق واللي بانيه وكدا وبجمع الكبد والقوانص
اغسلها وانقعها بلمون وملح وخل واصفيها كدا
وبعدين بجيب توم وملح وكمون ولمون
ونفرمهم في الكبه او تدقيهم في الهون وبنتبل الكبد والقوانص بيهم ومعاهم ليمونه
وبنسبه في التتبيله لمده ساعتين على الاقل
وبعدين بنجيب الصنيه ونسوي فيها القوانص لوحديها شويه لانها بتاخد سوا اكتر
وبعدين نضيف الكبد ومعاهم الفلفل الاسود واعصر عليهم نصف لمونه
ونقلب لحد اما الكبده تغير لونها واضيف البطاطس عليها وحلقات من الطماطم وعليهم رشه ملح
وبعدين تدخل الفرن
وتبقى بالصوره دي
وانا ضفت على الوش وهي بتتحمر معلقتين متسبكه عشان تاخد لون حلو
ومتنسوش التقيييييييييم والا هزعل مواضيع هذا القسم برعاية
ام ريري وزياد ام ريري وزياد 412849_18.gif فتكات ست الكل Fatakat 412849 المنصورة – المنصورة
